Bir malı nağd qiymətindən artıq qiymətə satmaq olar?
Bir malı nağd qiymətinə nisbətən fərqli bir qiymətə vədəli – nisyə olaraq satmaq olar. Məzhəblər arasında bu məsələyə dair fikir ayrılığı yoxdur.
Bir çox insan belə hesab edir ki, bu cür bir alış-verişdə faiz olur. Halbuki, burada əsas məsələ pulun malla dəyişdirilməsidir. İslam hüququna əsasən belə bir alış-satışda faiz meydana gəlmir. Məsələn, bir malı nağd 1000, nisyə 2000 manata satmaq caizdir; başqa sözlə, bunu etmək olar. Nağd və nisyə arasındakı fərq faiz deyil.1
Qeyd edək ki, nisyə alış-satış məsələlərində razılaşma aparıldığı vaxt satılan mal, onun qiyməti və qiymətinin ödənməsi vaxtı müəyyən edilməlidir. Həmin üç şərt yerinə yetirildikdən sonra nağd və nisyə qiymətlərin bir-birindən fərqli olması mühüm deyil.2
Etiketlər: alış-veriş, alver, Faiz, Kəmaləddin ibn Hümam, məzhəblər, nağd, nisyə, Şəmsəddin Əs-Səraxsi, vədə
