Sual: İslam dinini yaymaq üçün cihad etmək lazımdır, yoxsa yox?
Cavab: Həmişə cihad etmək lazımdır. Ancaq cihad müharibə demək deyil. Cihad bütün mənfi hallara qarşı mübarizə aparmaq deməkdir. Eyni zamanda Allahın dininin vüsət tapmasının qarşısında duran bütün maneələrə qarşı mübarizə aparmaqdır.
Deməli, biz ömür boyu cihad etməliyik. Biz cihadı özümüzə qarşı da etməliyik. Çünki imtahandan keçirik. İmtahan isə cihad və səbr imtahanıdır. Üzləşdiyimiz hadisələrdə Allahın əmrlərini yerinə yetirmək üçün mütəmadi olaraq mübarizə aparmalıyıq.
Adətən cihadı müharibə kimi başa düşür və ya şərh edirlər. Təbii ki, cihadın müharibə cəhəti də var, amma bu, bəlkə də, %1 təşkil edir. Yəni, müharibə cihadın kiçik bir hissəsidir. Lakin insanın bütün həyatı səhərdən axşamadək cihadla keçir. Çünki Allahın əmrlərinə qarşı hərəkət edəsiniz deyə, hər gün bütün şərait və şərtlər üzə çıxır. Hər gün imtahandan keçirilirsiniz, imtahan verirsiniz. Məhz bu mənfi hallara qarşı apardığınız mübarizə cihaddır.
Allah Təalanın dinini yaymaq da cihadın ən vacib cəhətlərindən biridir. Elə isə Allahın dinini məhz Onun əmr etdiyi formada yaymaq lazımdır. Burada böyük bir cihad var. Çünki insanlar bu öhdəliyi yerinə yetirdikləri və ya yerinə yetirdiklərini güman etikləri vaxt ürəkləri başqa şeylər istəyir! Allah isə onların doğru-düzgün və tərtəmiz hərəkət etməyini istəyir!
Bir sözlə, ancaq və ancaq Allahın əmr etdiyi qaydada hərəkət etdiyin vaxt cihad etmiş hesab olunursan.
Suala cavab verdi: Professor Abdulaziz Bayındır ((İstanbul Universitetinin İlahiyyat fakültəsində İslam hüququ kafedrasının müdiri.))
http://www.muselmanlar.com/fitvalar/434.html
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
