Sual: Bir kişi bir qadına onu sevdiyini deyib 1 il başını qatır. Ona müxtəlif şeylər vəd edir və öz istəyinə nail olur: Qadına nə istəyirsə, onu elətdirir. Sonra qadına: “Sən pis qadınsan”, - deyib ayrılır; qadını tərk edir. Həmin kişi qadının babalını almırmı? Qadınlarımızı pis yola və çətinliyə salanlar elə bunun kimi kişilər deyil? Biz qadınlar sədaqətli oluruq, hörmət qoyuruq. Amma onlar işləri qurtaran kimi bizi sanki zibilliyə atırlarmış kimi atırlar. Bu işin heç bir cəzası yoxdur? Bunun günahı nədir?
Cavab: Siz günah işi birlikdə görmüsünüz. Dərhal tövbə edib özünüzü düzəltməlisiniz. Və belə bir şeyə bir də yaxın durmamalısınız. Allah belə deyir:
“Zina edən bir kişi ancaq zina edən və ya Allaha şərik qoşan (müşrik) bir qadınla evlənə bilər. Zina edən bir qadın da ancaq zina edən və ya Allaha şərik qoşan bir kişi ilə evlənə bilər. Evlənməyin bu cür olanı möminlərə haram edilmişdir” (Nur, 24/3).
Bu günahın axirətdəki cəzası isə aşağıdakı kimi izah edilir:
“Onlar ki, Allahla birlikdə (uydurduqları) başqa bir ilaha yalvarmazlar. Allahın haram etdiyi cana haqsız yerə qıymazlar və zina etməzlər. Bunları edən günahı (nın cəzasını) görər”.
Qiyamət günü əzabı qat-qat artırılar və onda (əzabda) alçaldılmış olaraq əbədi qalar” (Furqan, 25/68-69).
Buna görə də dərhal tövbə edin. Özünüzü düzəldin və Allahdan özünüz üçün əməlisaleh bir yoldaş istəyin.
Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.
