Quranda hansı mələklərin adı çəkilir?
Müsəlmanlar > Fitvalar > Mələklər Tarix: 26 Temmuz 2012 Tövsiyə et Çap et
Sual: Quranda hansı mələklərin adı çəkilir? Bizim 4 böyük mələkdən savayı köməkçi mələklərimiz var? Misal üçün, Quranda Uriel, Sandalfon, Raziel, Raquel, Ceremayel, Samuel və Ariel kimi adlarla mələklərdən danışılır? Bəzi kitablarda, eləcə də, televiziya verilişlərində söz-söhbət gəzir ki, həmin mələklərdən kömək istəmək olar. Bu da bizim dinə dair biliklərimizin qarışmağına gətirib çıxardır. Bu məsələni necə qiymətləndirmək olar?

Cavab: Qurani-Kərimdə, o cümlədən İslam dini ədəbiyyatında 4 böyük mələk kimi məlum olan mələklərdən təkcə Cəbrayıl və Mikayılın adları qeyd olunur. Əzrayıla gəldikdə o, Quranda ölüm mələyi kimi səciyyələndirilir. İsrafildən isə Quranda deyil, hədislərdə danışılır. Əlavə olaraq, Quranda kiramən katibin, muqarrəbun, həfəzə, həməleyi-ərş kimi ifadələrlə Cənnət və Cəhənnəmdəki bəzi mələklərə işarə vurulur. Qulaınızda qeyd etdiyiniz sözlər isə Quran və hədislərdə nə mələk adı kimi, nə də başqa bir şəkildə qeyd olunur.

İslam dininə əsasən mələklərin var olduğuna iman gətirmək imanın əsaslarından biridir.  Elə isə hər bir müsəlman buna inanmalıdır. Mələklər hissiyat üzvləri ilə dərk edilə bilməyən, bununla belə, Allahın bildirməyi (vəhy) vasitəsilə haqlarında məlumata malik olduğumuz məxluqlardır.

Qurani-Kərim və peyğəmbərimizin sözlərində mələklərin xüsusiyyət və əməlləri barədə məlumat verilib. Mələklər bu mənada təbiətdəki bəzi hadisələrin baş verməyi üçün Allahın səbəbkar etdiyi məxluqlardır. Onlar Allahın əmr və icazəsi olmadan hansısa bir fəaliyyət göstərə bilməzlər.

İslam dininin əsasını təşkil edən tövhid (Allahın birliyi, Onun təkliyi) prinsipinə əsasən möminlər öz kömək diləkləri və ehtiyaclarını birbaşa Allahdan istəməlidirlər. Eyni prinsipə əsasən möminlər bu mənada heç bir varlığı Allaha vasitəçi edə bilməzlər. Bu məsələ namazların hər bir rükətində oxunan: “Ancaq Sənə ibadət edir və ancaq səndən kömək diləyirik” (Fatihə, 1/4) ayəsində də xüsusi olaraq vurğulanmış, belə bir tələb irəli sürülmüşdür ki, hər bir mömin gündə 5 dəfə bunu yadına salsın. Təbiətdəki hər növ mexanizma Allahın nəzarətindədir. Odur ki, mələklər sadəcə olaraq onlara verilən tapşırığı yerinə yetirirlər.

Allaha vasitəçilərin vasitəsilə çatmaq insanı müşrik edir. Bir möminin öhdəsinə düşən odur ki, bu cür batil inanclardan uzaq olsun.

Suala cavab verdi: Dr. Osman Demir

http://www.muselmanlar.com/fitvalar/4553.html

http://www.muselmanlar.com/fitvalar/4512.html

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Facebook'ta PaylaşTwitter'da Paylaş
4.296 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Rizvan nə deməkdir? 05.04.12 4.387 dəfə oxundu
2 İblis mələklərin müəllimi idi? 22.07.12 1.500 dəfə oxundu
3 Quranda hansı mələklərin adı çəkilir? 26.07.12 4.296 dəfə oxundu
4 İman gətirənlərin ruhla gücləndirilməsi 30.07.12 1.894 dəfə oxundu
5 Mələklər də insanlar kimi döyüşüblər? 06.05.13 1.422 dəfə oxundu
6 Mələklərlə ünsiyyət qurmaq və onlardan kömək istəmək mümkündürmü? 08.05.13 2.095 dəfə oxundu
7 Bədir və Uhud döyüşlərində Mələklərin rolu nə olmuşdur? 02.05.16 596 dəfə oxundu
8 Mələklərin insanlar üçün şəfaət etməsi nə mənaya gəlir? 23.11.15 882 dəfə oxundu
9 Xızır, bir insandı yoxsa mələk? 30.05.16 849 dəfə oxundu
10 Qiyamətədək yaşamaq icazəsi təkcə İblisə verildi? 13.01.15 1.074 dəfə oxundu
11 Şeytan cindir, yoxsa mələk? 24.03.17 740 dəfə oxundu
12 Quranda mələk İsrafilin adı çəkilir? 03.12.14 1.701 dəfə oxundu
13 Kiramən-katibin 05.03.12 1.409 dəfə oxundu
14 Cəbrayılın 10 dəfə də yer üzünə enəcəyini deyən hədis var? 12.01.12 2.092 dəfə oxundu
15 Mələyin peyğəmbərə yuxuda gətirdiyi vəhyin Quran olmadığını demək olar? 05.07.09 3.320 dəfə oxundu
16 Mələk Mikail 05.03.12 5.790 dəfə oxundu
17 Mələklər ürəyimizdən keçənləri bilmirlərsə, onları kim yazır? 07.03.12 2.275 dəfə oxundu
18 Əzrailin adı Quran və hədislərdə var? 14.03.12 2.889 dəfə oxundu