Sual: Qoyunla müqayisədə böyüyüb ətə-qana dolduğu vaxt 8-9 aylıq keçini də qurban kəsmək olar?
Cavab: Peyğəmbərimiz Muhəmməddən (s. a. v.) rəvayət edilən hədislərin birində belə deyilir:
“Bir illik heyvandan başqa heyvan kəsməyin. Əgər belə bir heyvan tapmaq sizin üçün çətin olsa, bu, istisnadır. Bu halda 6 aylıq bir qoyun balasını (quzu, toğlu) kəsin”. ((Müslim, Ədahi, 13 (1963); Nəsai, Dəhaya, 13; İbn Macə, Ədahi, 7; Əbu Davud, Ədahi, 4-5.))
Qeyd edək ki, qurbanlıq heyvan tapmaqda çətinlik baş verdiyi vaxt musinnə (yaşını tamamlayan) heyvan kəsmək şərti tələb olunmadan verilən icazə ancaq qoyunlara şamil edilir. Qoyundan başqa heyvan ətə-qana dolub böyük görünsə də, yaşını tamamlamadan onları qurban kəsmək olmaz. Qısa desək, hədisdə təkcə yaşı dolmayan lakin, anası boyda gözükən qoyunu kəsməyə icazə verilir.
Qurban barədə digər sual-cavabları aşağıdakı linkdə görə bilərsiz:
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
