Müsəlmanlar

Axirətdə hesaba çəkilməyəcək insanlar olacaqmı?

Sual: Axirətdə sorğu-suala çəkilməyən insanlar olacaqmı? Məsələn, Peyğəmbərlər, şəhidlər də hesaba çəkiləcəkmi?

Cavab: Uca Allah hər kəsin nə işlər gördüyünü göstərəcək və şahidlər gətirəcəkdir. Qurani Kərimin Əraf surəsi 6-cı ayəsində “Şübhəsiz ki, elçi göndərilənlər də, elçilərin özlərini də mütləq sorğu-sual edəcəyik.” buyrulmaqdadır.

Ayədən gördüyümüz kimi, Allahın elçiləri olan peyğəmbərlər də və bu həqiqəti çatdıran elçilər və onların xalqları hamısı axirətdə sorğu-suala çəkiləcəkdir. Bunu da Zuxruf surəsi 44-cü ayəsində görməkdəyik:

“Doğrusu, bu (Quran) sənin üçün və sənin xalqın üçün bir şərəfdir. Siz (ondan) sorğu-suala tutulacaqsınız.”

Nəticə etibarilə, axirətdə savabı günahından çox olanlar cənnətə gedəcəkdir. Günahı savabından ağır olanlar da cəhənnəmə. Rəbbimiz, Qariə surəsində belə buyurmaqdadır:

“(O gün) kimin tərəziləri ağır gələrsə, xoşbəxt güzəran sürəcək.

Kimin tərəziləri yüngül gələrsə, anası Haviyə (Cəhənnəm) olacaqdır.” (Qariə, 5-9)

Sualınız: “Din və Fitrət Elmi-Araşdırma Mərkəzi” heyəti tərəfindən cavablanmışdır.

Oxşar sual-cavaba baxmaq üçün aşağıdakı linkə tuşlayın:

https://www.muselmanlar.com/elanlar-xeberler/12374.html

Yeni suallarınızı: http://www.muselmanlar.com/ elmi-araşdırma saytının sual-cavab bölümündən və ya [email protected] email adresindən yollaya bilərsiniz.