Sual: Əsirlərin bazarlarda alınıb satılması dinimizə görə caizdirmi?
Cavab: Qurani-Kərim, savaş əsiri olan qadının da kişinin də kəniz ya da nökər edilməsini əsla qəbul etməməkdədir. Bu barədə çox açıq-aşkar ayələr vardır. Məsələn:
“(Döyüşdə) kafirlərlə qarşı-qarşıya gəldiyiniz zaman boyunlarını vurun. Nəhayət, onları qırıb zəiflətdikdə (əsirlərə bağladığınız) kəndirləri bərk çəkin. Sonra da onları ya rəhm edib fidyəsiz, ya da fidyə alıb azad edin… ” (Muhəmməd 47/4)
Əsirlərin “fidyəsiz, ya da fidyə alıb azad edilmələri” əmri qarşısında, əsli olmayan rivayətlərə əsaslanaraq, üçüncü variantı gətirmək yəni, “əsirlərin öldürülməsini” irəli sürmək, “Quranı bir kənara ataraq başqa əmrlərə uymaq”- deməkdir.
Rəsulullah əleyhissəlamın da bu barədəki tətbiqatları aşikardır. Amma şiə və sünni, bütün məzhəblər nə Qurani-Kərimə nə də Rəsulullahın tətbiqatlarına heç bir məhəl qoymurlar. Bu gün məzhəblərin sünnisi və şiəsi İşidin elədiklərinə qarşı çıxırlar. Əslində isə, İşid bu məzhəblərin teorisində olanları pratiyə əks etdirməkdədir. Döyüş əsirləri və cariyəlik haqqında saytımızda çox geniş məlumat vardır. Bu barədə doğru məlumat əldə etmək istəyənlər bu linkimizə baxa bilərlər:
http://www.muselmanlar.com/tedqiqatlar/6156.html
Suala cavab verdi: Abdüləziz Bayındır.[1]
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
[1] İstanbul Universitetinin İlahiyyat fakültəsində İslam hüququ kafedrasının müdiri. [↩]
