Kabus və qarabasma nədir?
Müsəlmanlar > Fitvalar > Yuxu Tarix: 15 Temmuz 2009 Tövsiyə et Çap et
Sual: Mən kabus haqqında sual soruşmaq istəyirəm. Həmişə olmasa da, çox vaxt yuxudan qəfil oyanıram və nə hərəkət edə, nə də danışa bilirəm. Mən belə hesab edirəm ki, bu, kabus deyilən şeydir. Bunun dini cəhətdən hər hansı bir əsası varmı? Yoxsa bu, sadəcə olaraq psixoloji bir məsələdir?

Cavab: Kabus adlandırılan bu məsələyə yuxu iflici kimi tərif verilir. Bu, yuxudan oyandıqdan sonra bədənin müvəqqəti olaraq hərəkət edə bilməməsi halıdır. Bunun yatarkən arxası üstə uzanmaq, qeyri-müntəzəm yatmaq kimi fizki və stres kimi psixoloji səbəbləri ola bilər.1 Kabus görmək deyilən belə hadisənin cinlərdən irəli gəlməsi də mümkündür. Çünki məlumdur ki, cinlər insanlara müxtəlif yollarla təsir edirlər. Cinlər də insanlar kimi ağıllı və şüurlu varlıqlardır. Bəzi cinlərin işi-gücü pislik etməkdir. Amma belə hallarda narahat olmamaq lazımdır. Belə ki, siz axşam yatmazdan əvvəl Qurani-Kərimdən İxlas, Fələq və Nas surələrini mənaları ilə birlikdə oxusanız, inşallah bu cür şeylər bir də baş verməz.

Rəsulullah (s. a. v.) cinlərdən və insanın gözündən (göz dəyməsindən) (müxtəlif dualar oxuyaraq) Allaha sığınırdı. Muavvizəteyn (Fələq və Nas surələri) nazil olduqdan sonra da bu iki surəni əsas götürdü; digər duaları bir də oxumadı.2

Həzrəti Aişə belə rəvayət edir:

Peyğəmbər (s. a. v.) hər gecə yatağına girdiyi vaxt əllərini üfürüb muavvizəteyni (Fələq və Nas surələri) və İxlas surəsini oxuyur, əllərini üzünə və bədəninə sürtürdü. Bunu üç dəfə təkrar edirdi. Xəstələndiyi vaxtlarda məndən onun üçün eyni şeyi yerinə yetirməyimi tələb edirdi.3

Saytımızın materiallarından istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

  1. Geniş məlumat üçün baxın: Wikipedia. []
  2. Tirmizi, Tibb, 16; İbn Macə, Tibb, 33. []
  3. Buxari, Fəzailul-Quran, 14, Tibb, 39, Dəavat, 12; Müslim, Salam, 50; Tirmizi, Dəavat, 21; Əbu Davud, Tibb, 19. []
Facebook'ta PaylaşTwitter'da Paylaş
17.377 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Cinlər və pis yuxu görmək 29.06.09 8.472 dəfə oxundu
2 Üzüqoylu yatmaq 19.06.10 8.474 dəfə oxundu
3 Yuxu insana ziyan vura bilər? 28.11.10 4.485 dəfə oxundu
4 Əsrlə şam arasında yatmaq təhlükəlidir? 24.01.11 5.073 dəfə oxundu
5 Peyğəmbər əleyhissəlamı yuxuda görməyin mənası nədir? 14.10.14 2.645 dəfə oxundu
6 Yuxulara etibar edib həyatımızı istiqamətləndirə bilərik? 28.10.13 2.999 dəfə oxundu
7 Yuxunun hökmü nədir? 15.06.10 11.336 dəfə oxundu
8 Yuxu və yuxu yozumu 15.07.09 109.854 dəfə oxundu
9 Kabus və qarabasma nədir? 15.07.09 17.377 dəfə oxundu
10 Yuxuda elm və dəqiq məlumat öyrənmək mümkündür? 19.04.11 3.516 dəfə oxundu
11 Yuxuya əsasən əməl etmək lazımdır? 29.04.11 3.717 dəfə oxundu