Qəbir ziyarəti
Müsəlmanlar > Fitvalar > Qəbristan-Qəbir ziyarəti Tarix: 29 Haziran 2009 Tövsiyə et Çap et
Sual: İslam dini baxımından qəbir ziyarətləri necə olmalıdır? İnsanlar qəbir üstünə getdikləri vaxt hansı məsələlərə diqqət yetirməlidirlər?

Cavab: Muhəmməd peyğəmbər qəbir üstünə getməyi tövsiyə edib. O, bu barədə belə buyurub:

Qəbirləri ziyarət edin, bu, sizə axirəti (o biri dünyanı) xatırladar.1

Qəbir və türbələri ziyarət edərkən İslamın əsl məğzi, eləcə də tövhid (tək allahlılıq, monoteizm) anlayışı ilə ziddiyyət təşkil edən, etiqad baxımından zərərli olan davranış və tutumlardan uzaq durmaq lazımdır. Çünki dinimizdə qəbirlərin ziyarət edilməsiylə əlaqədar bəzi prinsiplər var.

Bu prinsiplərə əsasən qəbir ziyarəti vaxtı aşağıdakı hallara qətiyyən yol verməmək lazımdır:

1 – Türbələrdəki ölüləri fövqəlbəşər varlıqlar hesab etmək və onlar haqqında: “Bu şəxslər Allahın sevimli bəndələridir. Allah onların sözünü qəbul edər və xətirlərinə dəyməz”, – deyib onları Allahla özləri arasında vasitəçi etməyə çalışmaq;

2 – Qəbir üstünə getməyi dini bir borc kimi qəbul etmək;

3 – Qəbirlərə əski parçası və qatma bağlamaq, orada şam, çıraq və sairə yandırmaq;

4 – Türbə, pir və qəbirlərdə yatan ölülərə nəzir etmək;

5 – Belə yerlərdə qurban kəsmək;

6 – Konfet, şəkər, noğul, nabat və bunlara oxşar şeylər paylayıb kömək diləmək;

7 – Qəbir üstündə ucadan ağlayıb səs-küy salmaq;

8 – Qəbirlərin ətrafındakı dəmir və daşları öpmək, onları qucaqlayıb ağlamaq.

Belə şeylər tövhid dini olan İslamın hökmlərinə heç cür uyğun gəlməyən şeylərdir. Ölülərdən nəsə ummaq və onlardan bir şey gözləmək şirk, başqa sözlə, Allaha şərik qoşmaqdır. Şirk isə Allah Təalanın heç vaxt bağışlamayacağını bildirdiyi yeganə günahdır. Qurani-Kərimdə bu barədə belə deyilir:

“Allah Ona şərik qoşulmasını əsla bağışlamaz, onun xaricindəkiləri (günahları) istədiyi şəxs üçün bağışlayar. Kim Allaha şərik qoşsa, doğru yoldan tamamilə çıxar”.2

Qəbir üstünə gedib ölüləri ziyarət edən insan axirəti yada salmalı, dünyanın müvəqqəti olduğunu və bir gün özünün də öləcəyini fikirləşməlidir. Qəbrin yanına gələndə: “Ey möminlər yurdunun sakinləri! Sizə salam olsun! İnşallah biz də sizin cərgənizə qoşulacağıq. Allah bizdən və sizdən ölmüş və ölməmiş olanlara rəhmət etsin. Allahdan bizə və sizə mərhəmət diləyirik. Ey Allahım! Bunlara rəhmət et, bağışla onları. Onları Cəhənnəm əzabından qoru və Cənnətinə qoy”, – deyib dua etmək də olar.

QEYD: Pirlər, türbə, ocaq və ziyarətgahlarla əlaqədar bir tədqiqat işi ilə aşağıdakı keçid vasitəsilə tanış olmaq mümkündür:

http://www.muselmanlar.com/fitvalar/2595.html

Saytımızın materiallarından istifadə zamanı mənbə göstərilməlidir. Müsəlmanlar © 2004 Bütün hüquqları qorunur.

  1. İbn Macə, Sünən, Cənaiz, 47. []
  2. Nisa, 4/116. []
Facebook'ta PaylaşTwitter'da Paylaş
4.400 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Ölülər eşitmirlərsə, biz niyə onlara salam veririk? 24.06.11 3.480 dəfə oxundu
2 İslamda qəbir evi və qəbristanlıq 25.10.11 4.558 dəfə oxundu
3 Pir və ziyarətgahlar 07.12.10 20.812 dəfə oxundu
4 Qəbirlərə şəkil qoydurmaq olar? 10.01.12 4.245 dəfə oxundu
5 Dara düşdüyümüz vaxt qəbirlərdən kömək diləməklə əlaqədar bir hədis var? 10.03.10 3.203 dəfə oxundu
6 Qəbirlərin təhqir edilməsinə münasibət 01.11.13 1.512 dəfə oxundu
7 Qəbir ziyarəti 29.06.09 4.400 dəfə oxundu
8 Qəbir əhlindən bir şey istəmək olarmı? 25.05.16 1.494 dəfə oxundu
9 Heyzli qadının qəbir üstünə getməsi 29.06.09 3.894 dəfə oxundu
10 Qəbirstanlıqlarda radiodan Quranın yayınlanması nə dərəcədə doğrudur? 18.11.16 710 dəfə oxundu
11 Ölülərdən kömək istəmək düzgündür? 29.06.09 2.739 dəfə oxundu
12 Adətli/heyzli qadın qəbir üstünə gedə bilərmi? 20.03.18 138 dəfə oxundu
13 Allahdan başqasını köməyə çağırmaq 29.06.09 3.187 dəfə oxundu
14 Bayram günü qəbir üstünə getmək dini cəhətdən düzgündür? 02.04.10 3.017 dəfə oxundu
15 Qəbirdən torpaq götürmək və gül-çiçək qopartmaq günahdır? 04.06.10 4.999 dəfə oxundu
16 Qəbristanlığın yanından keçdikdə musiqiyə qulaq asmaq olar? 14.06.10 3.074 dəfə oxundu
17 Fatihəni mütləq pirin içində vermək lazımdır? 23.12.10 2.478 dəfə oxundu
18 Aybaşı halında olan qadın qəbir üstünə gedə bilər? 21.01.10 11.633 dəfə oxundu
19 Qəbristanlıqda məscid tikmək olar? 03.03.11 2.117 dəfə oxundu
20 Qəbristanlıq şəhərdə olmalıdır, yoxsa qıraqda? 28.05.11 6.498 dəfə oxundu