İsra və Merac
Müsəlmanlar > Merac hadisəsi > Tədqiqatlar Tarix: 02 Nisan 2016 Tövsiyə et Çap et

İsra və Merac

Oğuz Çetinoğlu – Merac qəndili, İslamda müqəddəs qəbul edilən, zaman məfhumlarından biridir. Merac isə; “Peyğəmbərimizin (s.a.s.), Məscidi-Haramdan Məscidi-Əqsaya, ordan da göyə yüksəldiyi səfər”– olaraq adlandırılır.

Müəllim, mövzunun yaxşı və rahat başa düşülməsi üçün əvvəlcə məkanları müəyyənləşdirmək lazımdır. Bu səbəblə əvvəlcə Məscidi-Haram, Məscidi-Əqsa və “göy” olaraq adlandırılan məkanlar haqqında məlumat verə bilərsinizmi?

Abdüləziz Bayındır- Bu mövzunu izah edən ana ayə budur:

“Dəlillərimizdən bəzisini ona (Peyğəmbərə) göstərmək üçün Öz qulunu gecə vaxtı Məscidi-Haramdan ətrafına xeyir-bərəkət verdiyimiz Məscidi-Əqsaya aparan (Allah) pak və müqəddəsdir. Həqiqətən, O, Eşidəndir, Görəndir.” (İsra 17/1.)

Məscidi-Əqsa, ən uzaq məscid deməkdir. Aşağıdakı ayələr onun yerini bildirməkdədir:

“Onu bir daha (özsürətində) enərkən gördü. Sidrətul-müntəhanın yanında. Məva bağı da onun yanındadır. O zaman Sidr ağacını bürüyən bürümüşdü. (Peyğəmbərin) gözü yayınmadı və həddi aşmadı. O, öz Rəbbinin ən böyük dəlillərindən (bəzisini ) gördü.” (Nəcm 53/13-18.)

Sidrətul-Müntəha yedinci qat səmadadır. [1] Məscidi-Əqsa isə oradakı Beyti-Məmurdur. Allahın elçisi əleyhissəlam bir gün əshabına: “Beyti-Məmurun nə olduğunu bilirsinizmi?”– deyə soruşdu: “Allahın elçisi daha yaxşı bilir”– dedilər. “O, göydə olan bir məsciddir, Kəbə tam altındadır. O məscid aşağı düşsə, Kəbənin üstünə düşər. Orada hər gün yetmiş min mələk namaz qılar. Oradan çıxanlar artıq bir daha oraya dönməzlər.”- dedi.[2]

Çetinoğlu – Məscidi-Əqsa Qüds deyilmi?

Bayındır – Xeyr, Qüdsdəki Əqsa, Əməvilər tərəfindən tikilmişdir.

Çetinoğlu – Orada Süleyman əleyhissəlam tərəfindən tikilən məbəd yox idi?

Bayındır – Var idi, amma iki dəfə yıxılmış və bir daha da yenidən tikilməmişdir. Babil kralı Buhtunnasır, miladdan 586 il əvvəl Qüdsü işğal edəndə, şəhəri tamamilə yerlə-yeksan etmiş, yıxılan Məbədin qapı və divarlarından sökdüyü qızıl işləmələri, qiymətli əşyaları, yığdığı qənimətləri və xalqının böyük bir qismini Babilə götürmüşdü. Quran, bu hadisəni belə izah edir:

“Biz, Kitabda İsrail oğullarına: “Siz yer üzündə iki dəfə fəsad törədəcəksiniz və olduqca təkəbbür göstərəcəksiniz”(– deyə) xəbər verdik. İki fəsaddan birincisinin vaxtı gəldiyi zaman üstünüzə qüvvətli qullarımızı göndərdik. Onlar yurdunuzda gəzib dolaşıb (sizi) axtarırdılar. Bu, yerinə yetirilmiş bir vəd idi.” (İsra 17/4-5.)

Daha sonra Perslərin Babili, miladdan 539 il əvvəl ələ keçirməsilə İsrail oğulları azad edilir və Qüdsə geri qayıdırlar. Miladdan 515 il əvvəl yirmibeş il çalışaraq ikinci Məbədi inşa edirlər.[3]

Miladdan sonra 70-ci illərdə Romalı sərkərdə Titus şəhərini ələ keçirir, Qüdsü yandırır və Süleyman məbədini yerlə-yeksan edir.[4] Bu hadisə ayədə belə ifadə edilir:

“… Vədi gələndə, üzünüzü qara etsinlər və birinci dəfə o məscidə girdikləri kimi (yenə də) ora girsinlər və ələ keçirdikləri hər şeyi darmadağın etsinlər deyə (düşmənlərinizi üstünüzə göndərdik).” (İsra 17/7.)

Xəlifə Ömər, Qüdsün açarlarını alanda, şəxsən özü də çalışaraq Süleyman məbədinin Xristianlar olan vaxtı söküntülər altında qalan yerini təmizlədib, Səhranın cənubundakı düzlükdə camaatla namaz qıldırmış, sonra orada bir məscid tikdirmişdir.[5]

Daha sonra Əməvi xəlifələrindən Abdülməlik b. Mərvan (65/685) Qübbətul-Səhranı, oğlu I. Vəlid (86/705) də Məscidi-Əqsa adlanan məşhur məscidi tikdirmişdir.[6]

Çetinoğlu – Peyğəmbərin belə dediyi rəvayət edilmirmi? “Qüreyş məni yalanladığı zaman Hicrdə ayağa qalxdım. Allah mənə Beyti-Məqdisi göstərdi və ona baxaraq onun əlamətlərini onlara xəbər verməyə başladım.”[7]

Bayındır – Belə rəvayətlər, Qurana, tarixi həqiqətlərə və peyğəmbərdən gələn bu rəvayətə uymamaqdadır:

“Hatimdə idim (Hatim, Kəbənin qızıl oluk tərəfində yarım dairəyə oxşar, divarla çevrili yerin adıdır.). Cəbrayıl gəldi məni götürdü və birinci qat səmaya yüksəltdi…”[8]

Peyğəmbərimizin Kəbədən birbaşa səmaya yüksəlməsi Qüdsə getmə işinə tərs düşür.

Çetinoğlu – İslami mənbələrə əsasən Mirac, 2-ci mərhələdə baş verir: Birinci mərhələ, Məscidi-Haramdan Məscidi-Əqsaya edilən səfərdir ki, ona İsra deyirlər. İkinci mərhələ isə göylərə yüksəlmək… Sizin dediklərinizə görə Qüdsdəki Məscidi-Əqsaya səfər edilməmişdir. Ancaq İsranın Quran ilə Meracın da sünnə ilə sabit olduğu ifadə edilir, bunu necə yorumlayırsınız?

Bayındır – İsra, gecə yürüyüşü mənasına gəlir. Ayədəki Məscidi-Əqsanın, Əməvilər tərəfindən tikilən Məscidi-Əqsa ilə qarışdırılması səhv düşüncələrə yol açmaqdadır.

Çetinoğlu – Merac fərqli bir şeydirmi?

Bayındır – Merac, nərdivan və lift kimi yuxarı çıxaran alət mənasına gəlir.[9] Əbu Said əl-Xüdrinin rəvayətinə əsasən peyğəmbərimiz belə demişdir: “…Sonra insanların ruhlarının, üzərində göyə yüksəldiyi Merac gətirildi. Heçkim ondan gözəlini görməmişdir. Ölüm ayağında olan bir insanın həsrətlə gözünü göyə necə dikdiyini görmədinizmi?[10]

Çetinoğlu – Burada normal insan ağlının idrak edə bilməyəcəyi bir haldan bəhs edilir. Bu cür iddia sahiblərinə nə demək lazımdır?

Bayındır – Mövzu, Quran-Sünnə mühtəvası daxilində ələ alınarsa bir problem olmaz. Çünki göylərdə yollar, qapılar və daha necə miraclar, yəni yüksəlmə alətləri vardır.

Çetinoğlu – Bunlar mənim üçün yeni terminlər. Bəs, Merac kəliməsinin Quranda keçməmiş olmasını necə yorumlamaq lazımdır?

Bayındır – Merac Quranda, məaric, cəm şəklində ifadə edilməkdə və bu kəlimə keçən surə də bu adla adlanmaqdadır. Bu o qədər mühümdür ki, Allah Təala özünü “meraclar sahibi”- deyə adlandırmışdır. Mələklər və ruh, o meraclar üstündə yüksəlir. (Məaric 70/3-4). Amma özünü böyük görüb Allahın ayələri qarşısında yalan danışanlara göyün qapıları açılmaz. (Əraf 7/40)

Çetinoğlu – Beş vaxt namazın meracda fərz edildiyi deyilir… Namazın 50 vaxt olaraq əmr edildiyi, Musa əleyhissəlamın tövsiyəsi üzərinə Peyğəmbərimizin İlahi-Hüzura müraciəti və niyazının qəbul edilərək 5 vaxta düşürüldüyü rəvayətlərinə şübhə ilə yanaşanlar var. Onlar deyirlər ki; “Allah Təala səhv etməz. Onun, (peyğəmbər olsa belə) qullarının tövsiyyəsinə ehtiyacı yoxdur.”

Bayındır – Son cümləsini üz deyirlər. Peyğəmbərimizin Musa əleyhissəlam ilə Allah Təala arasında (namaz bazarlığı üçün) get-gəl etdi deyə edilən rəvayət, Quran ayələrinə tərs düşməkdədir. Həm Muhəmməd həm də Musa əleyhissəlam, İbrahim əleyhissəlamın nəslindəndir. Onun belə bir duası vardır: “Ey Rəbbim! Məni də, nəslimdən olanları da namazı (tam) qılanlardan et! Ey Rəbbimiz! Duamı qəbul elə!” (İbrahim 14/40.)

Bu ayə ilə əlaqədar digər ayələrə baxanda bütün peyğəmbərlərin eyni namazı qıldıqlarını görürük. Peyğəmbərimizin bu hədisi də bunu dəstəkləməkdədir:

“Cəbrayıl  Kə’bənin yanında mənə iki dəfə imamlıq etdi. Birincisində  günəşin batdığı və oruclunun iftar etdiyi saatda axşam namazını qıldırdı. Şəfəqın itdiyi saatda da işa qıldırdı… Cəbrayıl ikinci dəfə imamlıq etdiyi vaxt  axşam namazını ilk günkü vaxtda qıldırdı. İşa namazını isə gecənin üçdə biri keçməkdə olduğu ərəfədə qıldırdı. Sonra Cəbrayıl Peyğəmbər əleyhissəlama dönü belə dedi: “Bu iki namaz (günorta və ikindi, axşam və işa) arasındakı vaxt genişliyi, səndən əvvəlki ümmətlərə də verilmiş bir rahatlıqdır.”[11]

Bu hədisdəki son cümləyə diqqət etmək lazımdır. Nəticə olaraq həm ayələr, həm də hədislər, namazın onsuzda beş vaxt olduğunu göstərir.

Çetinoğlu – Qurani-Kərimdəki ayələrin böyük əksəriyyəti Cəbrayıl əleyhissəlam vasitəsilə nazil olduğu halda, bəzi ayələrin Allah tərəfindən şəxsən peyğambərimizə təbliğ edilməsinə necə yanaşırsınız?

Bayındır – Quranın hamısını Cəbrayıl əleyhissəlam gətirmişdir. Bəzi ayələrin Allah tərəfindən şəxsən peyğəmbərimizə təbliğ edilməsi deyə bir şey olmaz. Allah Təala belə buyurur:

“Həqiqətən, bu, möhtərəm Elçimizin sözüdür. (O elçi ki), qüvvətlidir, Ərşin sahibi yanında (böyük )hör­­mət sahibidir, orada itaət ediləndir, etibarlıdır.” (Təkvir 81/19-21.)

Elçinin işi, birinin sözünü digərinə çatdırmaq olduğu üçün onların çatdırdıqları əslində Allahın sözləridir.

Çetinoğlu – Meracın bədənlə yoxsa ruhlamı olduğu barədə mübahisə vardır. İnananların əlbəttə ki, şübhəsi yoxdur. Sizcə bu səyahətdə ruh və bədən bütünlüyünü necə başa düşməliyik?

Bayındır – Alimlərimizin ayələri öz başlarına yorumlamaları onların təməl xətalarından biridir. Halbuki, Allah Təala buna icazə verməməkdədir:

“Əlif. Ləm. Ra. (Bu,) Bu elə bir kitabdır ki, Müdrik, (hər şeydən) Xəbərdar (olan Allah) tərəfindən ayələri mükəmməlləşdirilmiş, sonra da ətraflı izah edilmişdir. (Bu ona görədir) ki, Allahdan başqasına ibadət etməyəsiniz. Həqiqətən, mən Onun tərəfindən sizi xəbərdar edən və müjdələyənəm.” (Hud 11/1-2.)

Allah, ayələri ayələrlə izah etmişdir. Bu metod tətbiq edilmədiyi təqdirdə, Quran-sünnə mühtəvası pozulur və ziddiyyətlər baş göstərir. İzahatı Qurandan aldıqda, Allah Təalanın belə dediyini görürük:

“(Peyğəmbərin) gözü yayınmadı və həddi aşmadı.” (Nəcm 53/17.)

Gözün yayınmaması və həddi aşmaması, ancaq ruh və bədənin birləşməsilə mümkündür. Bu səbəblə bu hadisə ayıq halda və ruhla bədən birlikdə olduğu zaman baş vermişdir.

Çetinoğlu – Əlmalılı Həmdi Yazır; “Merac hadisəsini ümumiyyətlə ağılla idrak etmək asan deyildir.”– deyir. Bu söz, bəzi insanları şübhəyə sövq edərmi?

Bayındır – Bütün bunlar, insanların az məlumatlı olmasından irəli gəlir. Müasir dövrümüzdə astronomların üzərində çalışdığı göy, birinci qat göydür. Allah Təala belə buyurur:

“…Biz dünya səmasını qəndillərlə bəzədik və mühafizə­­mizə götürdük…” (Füssilət 41/12.)

Dünya səması olan birinci qatdan sonra altı qat daha vardır. Nuh əleyhissəlam dövründə onların hamısı ovuc içi kimi bilinirdi. O, qövmünə belə demişdi:

“Məgər Allahın yeddi göyü təbəqə-təbəqə necə yaratdığını görmürsünüz?” (Nuh 71/15)

Ayədəki “Görmürsünüz?”- sözü, görən adam kimi bilmədinizmi, deməkdir. Onlar o səmalara çıxmış ola bilərlər. Əgər belə tez çıxaran bir mirac olmasa onlardan hansının ömrü oralara çıxmağa yetər? Quranda:

“Yeddi göyü və yerdən də bir o qədərini yaradan Allahdır…” (Talaq 65/12.)

Bu ayəyə əsasən, üstündə yaşadığımız yer, yerin yedinci yəni, üst qatıdır. Göylər də eyni olduğu üçün onun yedinci qatının insanlar üçün əlverişli olması lazımdır. Necə ki, göylərə gedilən qapılar varsa, yerin mərkəzinə gedilən qapılar da olmalıdır. Oralardan keçmək üçün kifayət qədər məlumat və təchizata sahib olmaq lazımdır. Bu barədə Allah belə buyurur:

“Ey cin və insan tayfası! Əgər göylərin və yerin hüdudlarını yarıb keçə bilərsinizsə, keçin! Siz ancaq qüdrət və qüvvətlə keçə bilərsiniz.” (rəhman 55/33.)

Deməli, o gücü əldə edəndə həm yerin mərkəzinə, həm sə göyün ən üst qatına getmək olar.

Çetinoğlu – Bunlar çox maraqlıdır. Siz mənə şübhə ilə iman arasındakı əsas fərqin nə olduğunu izah edə bilərsizmi?

Bayındır – İslam dinində əqidə, dəqiq dəlillərə əsaslanması lazımdır. Şəhadət kəliməsinin mənası budur; “Mən şahidlik edərəm ki, Allahdan başqa ilah yoxdur. Yenə şahidlikedərəm ki. Muhəmməd Allahın qulu və elçisidir.”

Şəhadət gətirmək üçün dəqiq biliyə yiyələnmək lazımdır. Öyrənmədən, şübhə ilə dəqiq elmə nail olmaq çətindir. Bu barədə nümunəmiz İbrahim əleyhissəlamdır:

“Bir zaman İbrahim: “Ey Rəbbim, ölüləri necə diriltdiyini mənə göstər!”– dedi. (Rəbbi ona): “Məgər sən inanmırsan?”– dedi. (İbrahim) dedi: “Əlbəttə (inanıram!) Amma (istəyirəm ki,) qəlbim rahat olsun”. (Allah) buyurdu: “Quşlardan dördünü tut və onları özünə tərəf çəkib tikə-tikə et. Sonra hər dağın başına onlardan bir parça qoy, sonra da onları çağır, tez sənin yanına gələcəklər. Bil ki, Allah Qüdrətlidir, Müdrikdir!” (Bəqərə 2/260.)

Şübhələnmək insanın ən təbii haqqıdır. Kafirlik də həqiqətləri başa düşdükdən sonra qəbul etməmək və bu həqiqətlərin üstünü örtməkdir.

Çetinoğlu – “Heçbir vəhy ağla tərs deyildir. Fəqət hər ağıl hər vəhyi idrak edə biləcək gücdə deyildir.”- deyilir. Bu sözə münasibətiniz nədir?

Bayındır – Dini, Allahın tərif etdiyi kimi başa düşsək heçbir problem olmaz. Allah belə deyir:

“Sən bir hənif kimi üzünü dinə tərəf çevir! Allahın insanlara – xəlq etdiyi (şüurlu) məxluq kimi verdiyi fitrət budur. Allahın yaratdığını heç cür dəyişdirmək olmaz. Doğru din budur, lakin insanların çoxu (bunu) bilmir.” (Rum 30/30.)

Fitrət, varlıqların əsası və bu əsası meydana gətirən yaradılış, dəyişiklik, inkişaf və qanunlarıdır. İnsanların, heyvanların, bitkilərin, yerin, göyün əmələ gəlməsi və fəaliyyəti bununla əlaqəlidir. Deməli, Allahın dini, varlıqlarda fəaliyyət göstərən qanunlar bütünüdür. Təbiətdəki hadisələri başa düşmədiyimiz nisbətdə vəhyi başa düşmürük.

Çetinoğlu – Merac hadisəsi səbəbilə; son peyğəmbərin gətirdiyi mesajın bütün dinlərə hakim olacağı deyilir. Bunu necə başa düşək? Musəvilər, xristianlar və başqaları hamısı müsəlman olacaq?

Bayındır – İslam bütün yer üzünə hakim olacaqdır. Allah Təala belə buyurur:

“Onlar ağızları ilə Allahın nurunu söndürmək istəyirlər. Allah isə (buna) yol verməz, kafirlərin xoşuna gəlməsə də, O, Öz nurunu tamamlayar. Müşriklərin xoşuna gəlməsə də, İslamı bütün dinlərdən üstün etmək üçün Öz Elçisini doğru yol göstərən rəhbərlə və haqq din ilə göndərən Odur.” (Tövbə 9/32-33.)

Peyğəmbərimiz əlyhissəlam,  İstanbulun zəfərini bu səbəblə müjdələmişdir. O, belə buyurmuşdur: “Konstantiniyyə (İstanbul) şübhəsiz fəth ediləcəkdir. Onun əmiri nə gözəl əmir; o ordu nə gözəl ordudur.”[12]

Yəhudilər və İsa əleyhissəlam İsrailoğullarındandır. Onlara söz verilən dünya hakimiyyəti budur. O sözün yerinə gətirilməsi üçün Muhəmməd əleyhissəlama inanmaları və ona uymaları lazımdır. Allah Təala belə buyurur:

“Ey İsrail oğulları! Sizə bağışladığım nemətimi yadınıza salın və Mənə verdiyiniz əhdə sadiq olun ki, Mən də sizə verdiyim əhdi yerinə yetirim. Təkcə Məndən qorxun! Sizdə olanı təsdiqləyici kimi nazil etdiyimə (Qurana) iman gətirin və onu inkar edənlərin ən birincisi olmayın! Mənim ayələrimi ucuz qiymətə satmayın və yalnız Məndən qorxun.” (Bəqərə 2/40-41.)

İslamın hakim olması, hamının müsəlman olacağı mənasına gəlməz. Çünki inanc, hər insanın hür olaraq verəcəyi qərara buraxılmışdır.

Çetinoğlu – Merac gecəsini müsəlmanlar necə dəyərləndirməlidir?

Bayındır – Qəndil gecələri nə Quranda nə də sünnədə yoxdur. Ümumiyyətlə bu gecələrin digər gecələrlə heçbir fərqi yoxdur. Bunlar, peyğəmbərimizdən daha sonra Misir və Qüdsdə keçirilməyə başlanmış, sonra isə digər bölgələrə yayılmışdır.

Çetinoğlu – Namazın möminin meracı olduğu haqda nə deyə bilərsiniz?

Bayındır – İnsan, namazda Allah ilə baş-başa olur. Dualar və ayələr oxuyaraq Allah ilə birbaşa görüşmə imkanı əldə etmiş sayılır. Səcdəyə gedəndə də bütün istək və arzularını Allaha açıb kömək istəyə bilir. Bu yöndən namaz, möminin meracına bənzəməkdədir.

Çetinoğlu – Verdiyiniz müsahibə üçün təşəkkür edirik.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

[1] Buxari, Bədul-xəlq 6.

[2] Muhəmməd b. Cərir ət-Təbəri “Camiul-Bəyan fî Təvilil-Quran”, Beyrut 1992, c: 11, s: 481.

[3] Nəbi BOZKURT, Məscidi-Əqsa, DİA, Ankara 2004.

[4] Nəbi BOZKURT, Məscidi-Əqsa, DİA, Ankara 2004.

[5] Nəbi BOZKURT, Məscidi-Əqsa, DİA, Ankara 2004.

[6] İsmail Yiğit, Əməvilər, DİA, İstanbul 1995.

[7] Müslim, İman,276 ; Buxari, Fəzailüs-səhabə,70, Təfsir,200; Tirmizî,Təfsir,18.

[8] Buxari, Tövhid, 37 , Mənakıbul-Ənsar,42,  Həcc,76, Müslim, İman,263.

[9] Lisanul-ərəb, Essıhah filluğa, Mufrədat el-fazil kur’an, Muhtar  es-sihah, Tehzibul-luğa, əl-məğrib, Tacul-arus, vs. kitablarının “arece” maddəsi.

[10] Əbubəkr Əhməd b. Əl-Huseyn əl-Beyhakî, Delailun-nubuvve ve marifet ahval-i sahibiş-şerîa, Beyrut 1988, c. II, s. 391.

[11] Sünən əbu Davud, salat 393, Tirmizî, Məvakit, 1.

[12] Əhməd İbn Hənbəl, “Müsnəd”, 4/335.

Facebook'ta PaylaşTwitter'da Paylaş
Kateqoriyadakı digər yazılar:
Sıra     Sərlövhə Tarix    Oxunma    
1 Təravih namazı 21.06.09 6.130 dəfə oxundu
2 Etikaf 23.06.09 4.967 dəfə oxundu
3 Qədr gecəsi 26.06.09 13.264 dəfə oxundu
4 Aypara məsələsi 22.06.09 4.602 dəfə oxundu
5 Ramazan və dualarımız 25.06.09 5.902 dəfə oxundu
6 Ramazan və Quran 27.06.09 5.715 dəfə oxundu
7 Ramazan: imkanların ayı 24.06.09 5.516 dəfə oxundu
8 Oruc: ümumi məlumat 28.06.09 19.473 dəfə oxundu
9 Münafiqlərin korluğu 10.04.10 1.984 dəfə oxundu
10 Valideyndən xəbərsiz kəbin 29.06.09 9.863 dəfə oxundu
11 Qurban kəsmənin Quranda dəlili varmı? 21.09.15 2.468 dəfə oxundu
12 Hikmət 09.01.16 4.147 dəfə oxundu
13 Zinadan törəyən uşağın hökmü nədir? 22.10.16 2.624 dəfə oxundu
14 Nikaha nəzarət 14.05.09 6.602 dəfə oxundu
15 Ölüdən kömək gözləmək 28.03.10 3.768 dəfə oxundu
16 Quranı öyrənmənin üsulu 16.12.15 4.464 dəfə oxundu
17 Muhəmməd peyğəmbərin (s) həyatı (I yazı) 01.02.13 1.016 dəfə oxundu
18 Şiədə Təqiyyə/Kimliyini gizlətmək. 07.12.16 1.880 dəfə oxundu
19 Müsəlman olmayanlarla münasibətlər 01.07.09 3.479 dəfə oxundu
20 Faiz 29.03.10 4.413 dəfə oxundu
21 QÜTBÜ ƏZƏM 24.03.14 2.435 dəfə oxundu
22 Muhəmməd peyğəmbərin (s) həyatı (II yazı) 02.02.13 2.551 dəfə oxundu
23 Biblya lobilərinin İslama qarşı uzunvədəli planı 06.01.17 1.148 dəfə oxundu
24 Həccdə ticarət və ictimai fəaliyyət 01.07.09 2.399 dəfə oxundu
25 Namazları cəm etmək 08.04.10 6.766 dəfə oxundu
26 Seyyidlər kimlərdir? 16.10.11 7.830 dəfə oxundu
27 Qəza-qədər məsələsi 24.02.13 4.015 dəfə oxundu
28 Qadınların döyülməsi 29.03.17 1.315 dəfə oxundu
29 Quranda və sünnədə namaz vaxtları 11.09.14 6.170 dəfə oxundu
30 Vərdişlər 10.04.10 2.595 dəfə oxundu
31 Qurana və ənənəyə görə dindən dönmənin cəzası 03.12.14 1.844 dəfə oxundu
32 Mütə nikahı (siğə) 07.03.13 8.428 dəfə oxundu
33 Tağut 28.04.17 2.941 dəfə oxundu
34 İnsan peyğəmbər 06.07.09 3.711 dəfə oxundu
35 Allah, insan və xələf-sələf 12.04.10 2.767 dəfə oxundu
36 Kişinin seksuallığı 09.01.12 15.582 dəfə oxundu
37 Vəhy 12.04.13 1.804 dəfə oxundu
38 Əhli beyt İmamları məsumdurmu? 12.01.18 468 dəfə oxundu
39 Təsbeh 06.07.09 3.631 dəfə oxundu
40 Nəsx və daşqalaq cəzası 27.05.10 4.535 dəfə oxundu
41 Fitr sədəqəsi 20.06.09 3.655 dəfə oxundu
42 İsra və Merac 02.04.16 1.170 dəfə oxundu
43 Dinlər tarixinin əhəmiyyəti 13.05.13 2.364 dəfə oxundu
44 Hamının bildiyi Namaz. 26.01.18 604 dəfə oxundu
45 Peyğəmbər məscidində 40 vaxt namaz 03.04.11 3.347 dəfə oxundu
46 Qəndil 30.06.09 7.742 dəfə oxundu
47 Şəfaət 08.04.10 3.132 dəfə oxundu
48 Surroqat analıq 03.02.12 4.771 dəfə oxundu
49 Təvəssül 10.06.13 3.083 dəfə oxundu
50 “Ən zəif ev” 09.03.18 302 dəfə oxundu
51 Ailənin adından bir qurban 26.02.10 3.626 dəfə oxundu
52 Diş təmizliyi və intim münasibətlərlə əlaqəsi 28.07.12 12.863 dəfə oxundu
53 Qütblərdə namaz vaxtları: elmi sübut 31.01.11 5.519 dəfə oxundu
54 Piramida və şəbəkə marketinqi 24.02.12 2.544 dəfə oxundu
55 İslamda geyim ədəbi 05.06.13 3.327 dəfə oxundu
56 Yusifin köynəyi, Yaqubun gözü. 30.03.18 433 dəfə oxundu
57 Donuz dərisi 02.11.09 3.229 dəfə oxundu
58 Talaq: kişinin boşamaq hüququ 18.07.10 7.692 dəfə oxundu
59 İslamda falçılığa münasibət 27.11.10 7.721 dəfə oxundu
60 «Həzrət», «həzrəti» və «həzrətləri» ifadələri 08.03.12 3.024 dəfə oxundu
61 İudaizmdə Tanrı anlayışı 16.06.13 2.194 dəfə oxundu
62 Quran və Mədəni İnkişaf Lahiyəsi 13.07.18 258 dəfə oxundu
63 Heyzli qadının orucuna dair şübhələr 14.05.09 3.973 dəfə oxundu
64 Heyzli qadının ibadəti 24.02.10 43.747 dəfə oxundu
65 Oruc və orucun başlanğıcı 27.08.10 9.382 dəfə oxundu
66 Şəfaət inancı 08.02.11 2.894 dəfə oxundu
67 Muhəmməd peyğəmbərin dövründə notarius 31.05.12 1.846 dəfə oxundu
68 Uşaqların evləndirilməsi 26.01.15 3.005 dəfə oxundu
69 Quranda Hicab/Başörtüsü. 24.09.18 394 dəfə oxundu
70 İftida: qadının boşanmaq hüququ 14.05.09 8.699 dəfə oxundu
71 Peyğəmbərin Həcc və Ömrə ziyarətləri 06.11.09 2.441 dəfə oxundu
72 Zikrin fəzilət və faydaları 26.11.10 4.782 dəfə oxundu
73 Kəramət nə deməkdir? 15.02.11 3.697 dəfə oxundu
74 Qadınların sünnəti 15.07.12 13.370 dəfə oxundu
75 Əsirlərə qarşı münasibət necə olmalıdır? 12.02.15 2.049 dəfə oxundu
76 Qadınların şahidliyi 14.05.09 2.899 dəfə oxundu
77 Quran və müsəlmanlar 29.01.10 4.590 dəfə oxundu
78 Dua 25.11.10 6.999 dəfə oxundu
79 Quranda adam öldürməyin cəzası: QİSAS 30.03.11 5.581 dəfə oxundu
80 Əsl kafir kimdir? 21.07.12 8.955 dəfə oxundu
81 Bəni-Qureyzə əsirləri haqqında peyğəmbərimizə atılan iftira 06.03.15 2.080 dəfə oxundu
82 Hicab və örtünmək (təsəttür) 14.05.09 3.819 dəfə oxundu
83 Dəlillərlə Cümə namazı 12.02.10 6.143 dəfə oxundu
84 Donuz əti və ziyanları 08.12.10 5.736 dəfə oxundu
85 Müsəlmanların qeyri-müsəlmanlarla münasibətləri 08.04.11 2.490 dəfə oxundu
86 Ekvatordan qütblərə qədər namaz vaxtları 01.08.12 2.445 dəfə oxundu
87 Ölüm hökmü: Qisas və Edam 05.06.15 1.491 dəfə oxundu
88 Hicabı qadağan edənlər 14.05.09 3.398 dəfə oxundu
89 İnsan cəsədi və avtopsiya 05.02.10 3.534 dəfə oxundu
90 Şirk və küfr 14.07.11 3.497 dəfə oxundu
91 Müsəlman cəhənnəmə gedərmi? 26.04.14 3.130 dəfə oxundu
92 Əyyub peyğəmbərin başına gələnlər. 03.08.15 2.103 dəfə oxundu
93 Nişanlıların kəbini 14.05.09 11.409 dəfə oxundu
94 Qadınlar və Cümə namazı 26.03.10 6.811 dəfə oxundu
95 Quranda əşyaların dili 04.07.11 14.161 dəfə oxundu
96 Mutəvatir hədis 28.09.12 1.909 dəfə oxundu
97 Vəsilə nədir? 27.05.16 2.086 dəfə oxundu