Müselmanlar » muqim

Səfərdə olan bir nəfər oturaqlara pişnamaz ola bilər?

teoloji — Sun, 09 Jan 2011 10:49:33 +0000

Cavab: Muqim (oturaq, səfərdə olmayan, öz yerində yaşayan) namazda müsafirə (yol üstündə olan, səfərdə olan), müsafir də muqimə tabe ola bilər. Əgər bir muqim namazda müsafir olan bir pişnamaza (imam-camaat) tabe olubsa, müsafir 4 rükətli fərz (vacib) namazlarda 2 rükət namaz qılıb salam verməli (namazı qurtarmalı), muqim də ayağa durub namazın yerdə qalan hissəsini başa vurmalıdır.

Yaxşı olar ki, pişnamaz olan müsafir namazdan əvvəl və yaxud sonra camaata belə desin: “Siz namazınızı tamama çatdırın. Mən səfəriyəm”. Belə demək müstəhəbdir. (MƏNBƏ: Ömer Nasuhi Bilmen, Büyük İslam ilmihali, Türk dilində, “səfərin hökmləri” fəsli, 268-ci bölmə)

Səfərilik məsələsi ilə əlaqədar olaraq aşağıdakı keçidləri də nəzərdən keçirin:

http://www.muselmanlar.com/fitvalar/2637.html

http://www.muselmanlar.com/fitvalar/1559.html

http://www.muselmanlar.com/fitvalar/1040.html

İş yerində namaz qılmağa icazə verilmirsə, nə etmək lazımdır?

teoloji — Sat, 06 Feb 2010 08:15:09 +0000

Cavab: Namaz Allahın öz bəndələrinə fərz (vacib) qıldığı bir ibadətdir və onu tərk etmək, yaxud gecikdirmək qətiyyən düzgün deyil. Allah insanların bu ibadəti asanlıqla yerinə yetirməyi üçün necə deyərlər, bir sıra asanlaşdırmalar aparmışdır. Məsələn, səfər vaxtı bəzi namazların rükət sayının qısaldılması, günorta və ikindi namazlarının, eləcə də axşam və gecə namazlarının birləşdirilərək qılınması kimi. Namazların səfər vaxtı birləşdirilməsinə icazə verildiyi kimi muqimlikdə (oturaq vaxtı, insanın səfərdə olmadığı vaxtlar) də icazə verilir.

Odur ki, sizin haqqında danışdığınız insanlar da namazlarını öz iş yerlərində birləşdirib qıla bilərlər. Məsələn, nahar fasiləsində günorta və ikindi namazlarını birləşdirib qılmaq mümkündür. Bir işçi öz iş yerində neçə namaz vaxtı qalır? Ümumiyyətlə günorta və ikindi namazlarını qılmaqda çətinlik çəkirlər. Bu çətinlik verilən fasilə və aralarda günorta və ikindi namazlarını birləşdirərək qılmaqla aradan qaldırıla bilər. Belə hallarda namazların ancaq fərzlərini qılmaq kifayətdir.

Gecə növbəsində işləyən bir şəxs işlədiyi yerdə axşam namazını qılmağa imkan tapmasa, onu da gecə namazıyla birləşdirib qıla bilər. Bu iki namazı həm axşam namazının, həm də gecə namazının vaxtında birləşdirə bilər. Belə hallarda da namazların ancaq fərzlərini qılmaq kifayətdir. Yəni, namazı heç bir şəkildə tərk etmək olmaz. İnsan ac qalmamaq üçün işləməyə möhtac olduğu kimi ruhunun ac qalmamağı üçün də ibadət etməyə möhtacdır.

Cümə namazına gəlincə, bu insanlar Cümə namazı qılmaq üçün əllərindən gələni etməlidirlər. Bütün yolları sınadıqlarına baxmayaraq Cümə namazı qıla bilmirlərsə, digər günlərdə olduğu kimi günorta namazını qılmalıdırlar.

Səfər üstündə qurban

teoloji — Mon, 09 Nov 2009 09:20:28 +0000

Cavab: Qurban ibadətini vacib kimi qəbul edən Hənəfi məzhəbinin fikirlərinə əsasən dini cəhətdən səfərdə hesab olunan şəxs qurban kəsməklə məsul deyil. Lakin kəsməyinin də heç bir eybi yoxdur. Qurban kəsmək ibadətini sünnə (müstəhəb) əməl hesab edən digər məzhəblərdə isə bu məsələdə səfərdə olanla oturaq olan arasında heç bir fərq yoxdur.

Hənəfilərin səfər üstündə olanlar üçün belə bir icazədən danışmağı ibadətlərdə məşəqqət və çətinliyi aradan qaldırmaq məqsədi daşıyır. Çünki səfərdə olan insan həm qurbanlıq heyvan tapmaq və onu kəsmək baxımından, həm də kəsilən heyvanın ətini paylamaq cəhətindən o ərazidə yaşayan insanların bildiyi məlumatlara və malik olduqları imkanlara malik olmaya bilər. Bir də ki, səfərdə olan insan zəngin də olsa, əlindəki pulu daha diqqətli və ehtiyatla xərcləməli ola bilər. Lakin indiki dövrdə səyahət şərt və imkanları xeyli dəyişdiyinə görə bu məsələdə digər məzhəblərin fikirlərinə əsasən hərəkət etmək də mümkündür.

Hənəfi məzhəbinə əsasən kim qurban kəsməlidir?

teoloji — Fri, 06 Nov 2009 13:14:24 +0000

Cavab: Hənəfi məzhəbinə əsasən həddi-büluğa çatmış, ağıllı, azad, muqim (səfərdə olmayan) və varlı olan hər bir müsəlman kişi və qadına qurban kəsmək vacibdir. Burada varlı ifadəsi ilə öz zəruri ehtiyaclarının xaricində artan olub olmamasından asılı olmayaraq 85 qram qızılı, yaxud bu qədər qızıl almağa pulu və ya malı olan şəxslər nəzərdə tutulur.