Müselmanlar » Qüsl

Sonsuzluğa qarşı peyvənddən sonra qüsl vermək lazımdır?

teoloji — Thu, 09 Feb 2012 12:18:07 +0000

Cavab: Biz həkimlərdən aldığımız məlumata əsasən deyə bilərik ki, bu vaksinləmə əməliyyatından sonra qadında 1-2 ərzində heyz (aybaşı) ağrısına oşxayan bel və qasıq ağrısı olur. Bir qədər qanama da ola bilər. Amma bu, heyz qanı deyil, müalicə üsulundan irəli gələn bir şeydir. Odur ki, narahat olmağa dəyməz. Bu halda da namaz qıla bilərsiniz. Yəni, qüsl etmək lazım deyil.

http://www.muselmanlar.com/fitvalar/2281.html

Qüsldən sonra məni gəlsə, təzədən yuyunmaq lazımdır?

teoloji — Fri, 02 Sep 2011 08:51:19 +0000

Cavab: “Ehtilam olan və ya cinsi əlaqəyə girən bir kişi sidiyə getmədən, yaxud da xeyli yeriməmiş və ya yatmadan yuyunsa və sonra ondan məni (sperma) gəlsə, ikinci dəfə yuyunmalıdır. Ancaq sidiyə çıxdıqdan və ya xeyli yeridikdən, yaxud da yatdıqdan sonra şəhvətsiz olaraq gələn məni qüslü pozmur. Çünki bu halda həmin məni öz yerindən şəhvətsiz olaraq çıxır.

Eynilə bunun kimi, bir qadından yuyunduqdan sonra ərinin mənisi çıxsa, təzədən qüsl etməyi lazım deyil.”

Peyğəmbər necə qüsl verirdi?

teoloji — Sun, 29 May 2011 07:20:34 +0000

Cavab: Peyğəmbərimizin (s. a. v.) qüslündən bəhs edən hədislərdən bəziləri aşağıdakı kimidir:

Aişədən (r. a.) nəql olunur:

“Peyğəmbər cənabətdən təmizlənib qüsl etmək istədiyi vaxt əvvəlcə əllərini yuyurdu. Sonra namaz üçün dəstəmaz alırmış kimi dəstəmaz alırdı. Sonra barmaqlarını suya salır və onlarla saçlarının diblərinə qədər su tökürdü. Axırda da suyu bütün bədənindən axıdırdı”. (Buxari, Qüsl, 1)

Meymunə (r. a.) nəql edir:

“Peyğəmbər namaz üçün dəstəmaz alırmış kimi dəstəmaz aldı. Təkcə ayaqlarını yumadı. Ayaqlarının arasını və oraları yudu. Sonra öz üstündən su tökdü. Sonra ayaqlarını yerindən ayırıb yudu. Onun cənabət qüslü belə idi”. (Buxari, yenə orada)

“Mən su qoydum ki, peyğəmbər yuyunsun. O, əllərini 2 və ya 3 dəfə yudu. Ondan sonra sol əli ilə üstünə su boşaltdı və xayalarını yudu. Sonra əlini yerə sürtdü. Sonra ağzını su ilə çalxaladı və burnuna su çəkdi. Sonra da yerindən durub ayaqlarını yudu”. (Buxari, Qüsl, 5)

Qüsl almağın qaydası

teoloji — Fri, 27 May 2011 07:30:30 +0000

Cavab: Qüsl başdan ayağadək yaxşı-yaxşı yuyunmaq deməkdir. Qüsl edərkən ağız və buruna su çəkib təmizləmək Hənəfi və Hənbəli məzhəblərinə görə fərz, Şafei və Maliki məzhəblərinin fikrinə əsasən də sünnədir (müstəhəb). Bunun səbəbi də odur ki, bəziləri ağız və burunu bədənin xarici hissəsindən hesab edir, bəziləri də daxili. Beləcə, Hənəfi və Hənbəlilər bunları bədənin xarici hissələrindən saymış və hökm vermişlər ki, onları yaxşıca yuyub təmizləmək lazımdır. Şafei və Malikilər isə yuxarıda da qeyd etdiyimiz kimi, ağız və burunu yumağı vacib hesab etməmişlər. Bu barədə ətraflı məlumat üçün aşağıdakı keçidə daxil olun:

http://www.muselmanlar.com/fitvalar/2902.html

Qüsldə əsas məsələ bütün bədənin yuyulub yuyulmadığına fikir verməkdir. Əgər bütün bədən yuyulubsa, qüsl tamamlanmış hesab edilir. Qüsl barədə deyilən digər şeylər müstəhəb və ya sünnədir. Yəni, olmasa da, olan şeylərdir. Misal üçün qüsldən qabaq bismillah çəkmək, əvvəlcə sağ, sonra sol çiyindən, sonra da başdan üzüaşağı su axıtmaq kimi əməllər qüslün sünnələrindəndir. Əlbəttə ki, bunları yerinə yetirmək yaxşı olar. Amma mütləq bir şərt də deyil.

Qüslün necə alındığını qısaca təkrar edək:

Əgər övrət yerlərində (xalq arasında buna ayıb yerlər də deyilir) kir filan varsa, onlar təmizlənməlidir. Sonra da namaz üçün dəstəmaz alırmış kimi dəstəmaz almaq – əlləri yumaq, ağız və burunu təmizləmək lazımdır. Axırda isə bütün bədən yaxşıca – quru yer qalmamaq şərtilə yuyulmalıdır. Qüsl etmək bu cür olur.

Peyğəmbərimizin qüslündən bəhs edən hədislərdən bəziləri aşağıdakı kimidir:

Aişədən (r. a.) nəql olunur:

Meymunə (r. a.) nəql edir:

Cünub şəxsin toxunduğu şeylər murdar hesab olunur?

teoloji — Wed, 27 Apr 2011 03:22:33 +0000

Cavab: Cünub olmaq vəziyyəti maddi-fiziki deyil, namaz qılmağa maneçilik törədən mənəvi bir kirlilik (natəmizlik) halıdır. Deməli, cənabət olan bir nəfərin toxunduğu şeylər murdar deyil, onları yumaq da lazım deyil!

Cünub vaxtı yemək-içmək və ya xörək bişirmək də qadağan deyil. Bu barədə deyilənlər boş sözlərdir.

Sualınızla əlaqədar olaraq aşağıdakı yazıları da oxuyun:

http://www.muselmanlar.com/fitvalar/1417.html

http://www.muselmanlar.com/fitvalar/3042.html

Namaz ibadətindən məsul olmayan əqli xəstələr qüsl etməlidirlər?

teoloji — Mon, 21 Mar 2011 07:00:38 +0000

Cavab: İslam dininə əsasən ibadətləri yerinə yetirməklə əlaqədar cavabdehlik müəyyən şərtlərdən asılıdır. Bunlardan biri insanın ağıllı olmasıdır. Əgər sualınızda qeyd etdiyiniz şəxs namaz qıla bilməyəcək qədər xəstədirsə, onun qüsl etməyinə də ehtiyac yoxdur. Çünki qüsl namaz üçün tələb olunan bir şərtdir (Baxın: Maidə, 5/6). Buna görə də anasının onu hər ehtilam olduğu vaxt deyil, çimmək vaxtı gəldikdə yuyundurmağı kifayətdir.

Allah Təala dəstəmaz, qüsl və təyəmmümlə əlaqədar ayədə belə buyurur:

“Ey iman gətirənlər! Namaza durarkən üzünüzü və dirsəklərə qədər əllərinizi yuyun, başınıza məsh çəkin və topuqlara qədər ayaqlarınıza. (Yaxınlıq edib) natəmiz olmuşsunuzsa, qüsl edin. Əgər xəstə və ya səfərdə olsanız, yaxud sizlərdən biri ayaq yolundan gəlibsə və ya qadınlara toxunmusunuzsa (cinsi əlaqədə olmuşsunuzsa), su tapmasanız, təmiz torpaqla təyəmmüm edin və ondan üzünüzə və əllərinizə sürtün. Allah sizi çətinliyə salmaq istəməz, lakin O sizi pak etmək və sizə olan nemətini tamamlamaq istər ki, bəlkə şükür edəsiniz.” (Maidə, 5/6)

İndi isə yaxşı olar ki, sualınızla sıx əlaqədar olan digər bir sual-cavabı da oxuyasınız:

http://www.muselmanlar.com/fitvalar/2732.html

Təkcə öpüşməklə qüsl vacib olur?

teoloji — Thu, 17 Mar 2011 16:07:04 +0000

Cavab: Təkcə öpüşmək və oynaşmaqla qüsl vacib olmur. Əgər cinsi əlaqə baş versə və yaxud cinsi əlaqə olmadan boşalma yaransa, qüsl etmək lazım gəlir. Əgər öpüşməyin nəticəsində boşalma olmasa, sadəcə olaraq şəhvət nəticəsində zövq suyu gəlsə, dəstəmaz pozulur. Ancaq qüsl etmək lazım gəlmir.

Buna oxşar sual və cavabları ilə aşağıdakı keçidlərdən tanış ola bilərsiniz:

http://www.muselmanlar.com/fitvalar/3231.html

http://www.muselmanlar.com/fitvalar/1411.html

Qadınlar da ehtilam olurlar?

teoloji — Thu, 17 Mar 2011 05:32:40 +0000

Cavab: Bu məsələ ilə əlaqədar hədislər aşağıdakı kimidir:

Aişə (r. a.) nəql edir: “Bir dəfə peyğəmbərdən (s. a. v.) soruşdular ki, bir nəfər paltarında nəmlik hiss etsə, ancaq ehtilam olduğunu yadına sala bilməsə, mütləq yuyunmalıdır?”

Peyğəmbər (s. a. v.) buna belə cavab verdi:

“Bəli, yuyunmalıdır!”

Sonra soruşdular ki, bəs ehtilam olduğunu bilən, amma nəmlik hiss etməyən necə?

Peyğəmbər (s. a. v.) buna cavab olaraq: “Ona qüsl etmək lazım deyil”, – dedi.

Bu dəm Ümmü Süleym (r. a.) soruşdu:

“Əgər bu əhvalat bir qadının başına gəlsə, necə? Qüsl etməlidir?”

Allahın elçisi (s. a. v.) cavab verdi:

“Bəli! Qadınlar kişilərin əmsallarıdırlar”. (Əbu Davud, Təharət, 95; Tirmizi, Təharət, 82)

Yenə Aişə (r. a.) rəvayət edir ki, Ümmü Süleym (r. a.) bir dəfə peyğəmbərdən (s. a. v.) yuxusunda kişinin gördüyünü görən qadın barədə sual soruşdu. Öyrənmək istədi ki, həmin qadın qüsl verməlidir, yoxsa yox?

Peyğəmbər (s. a. v.) bu suala: “Bəli, əgər suyu görsə”, - deyə, cavab verdi.

Bunu eşidən Aişə (r. a.) üzünü Ümmü Süleymə (r. a.) tutub dedi:

“Allah sənin xeyrini versin! Sən nə danışırsan belə?”

Rəsulullah (s. a. v.) Aişəyə tətəf çevrilib dedi:

“Aişə, qoy, istədiyini soruşsun! Əgər belə olmasaydı, uşaqlar heç ana tərəfinə çəkərdilər? Əgər qadının suyu kişinin suyundan üstün olsa, uşaq dayılarına oxşayar. Kişinin suyu da qadının suyuna üstün gəlsə, uşaq əmilərinə çəkər”. (Müslim, Heyz, 33; Muvatta, Təharət, 84; Əbu Davud, Təharət, 96; Nəsai, Təharət, 131)

Müslimin külliyatında qeyd edilən digər bir rəvayətdə isə belə bir əlavə var:

“Kişinin suyu qatı və ağdır. Qadının suyu isə sarı və durudur. Bunlardan hansı üstün olsa və ya qabağa keçsə, oxşarlıq meydana gəlir”. (Müslim, Heyz, 30)

Qüsldə sırğa deşiklərini yumaq lazımdır?

teoloji — Mon, 21 Feb 2011 07:47:53 +0000

Cavab: Qüsldə belə işlər görməyin. Qulağınızı iynə ilə qurdalamayın! Dində belə bir şərt yoxdur. Çünki qulaqdakı deşiklər bədənin xarici hissələrindən hesab olunmur. Qüsl üçün yerinə yetirilməli olan şeylər çox sadədir. Özünüzü əziyyətə salmayın. Qulaqlarınızı yuduğunuz vaxt arxayınçılıq üçün yavaşca ovuşdurun. Başqa bir şey lazım deyil. İslam dinində belə çətinliklər yoxdur; əksinə, asanlaşdırmalar var. Diqqət yetirin, Allah qüsl və dəstəmazı izah etdiyi Quran ayəsində belə deyir:

“Allah sizi çətinliyə salmaq istəməz, lakin O, sizi pak etmək və sizə olan nemətini tamamlamaq istər ki, bəlkə şükür edəsiniz”. (Maidə, 5/6)

Bu ayədən də başa düşüldüyü kimi, Allah bizə dəstəmaz və qüslü əmr etməklə çətinlik törətmək istəmir. Əksinə, bizi tərtəmiz etmək istəyir. Odur ki, qüsl edərkən qulaqdakı deşikləri yumaq şərt deyil. Özünüzü lazımsız yerə çətinliyə salmayın.

Sualınızla əlaqədar olaraq aşağıdakı sual-cavaba da baxın:

http://www.muselmanlar.com/fitvalar/2900.html

Qulaqdan çıxan kirlər qüslü batil edir?

teoloji — Mon, 14 Feb 2011 13:26:58 +0000

Cavab: Qüsl aldıqda bədənin daxili qismini deyil, kənar hissələrini yumaq lazımdır. Əgər çimdiyiniz vaxt qulağınızın kənarını, yəni, barmaqla asanlıqla toxunula bilən və təmizlənə bilən yerləri islatsanız, kifayətdir. Belə olduqda qüsl düzgündür. Sonradan çıxan kirlərin qüslə heç bir dəxli yoxdur. Bu barədə narahat olmayın.

Sualınızla əlaqədar olaraq aşağıdakı keçidə də baxın:

http://www.muselmanlar.com/fitvalar/1413.html