Məsələnin bu cəhəti ilə əlaqədar olaraq aşağıdakı keçiddən ətraflı məlumat ala bilərsiniz:

http://www.muselmanlar.com/fitvalar/1405.html

Qüsl etmək namaz üçün şərtdir. Lakin bu qətidir ki, özü haqqında: “Mən müsəlmanam”, – deyən insan mütləq namaz qılmalıdır. Yəni, müsəlmanın namaz qılmamağından söhbət gedə bilməz. Namazı qəzaya da saxlamaq olmaz. Bir namazı öz vaxtında qılmayan insan ömür boyu namaz qılsa da, vaxtında qılmadığı həmin namaz borcunu ödəyə bilməz.

Geniş məlumat üçün aşağıdakı keçidə daxil olun:

http://www.muselmanlar.com/fitvalar/qeza-namazi

Unutmayın ki, bu dəqiqə kombisi, qızdırıcısı və digər belə cihazları olmayan bir çox yer var. Hətta nə qədər təəssüfləndirici olsa da, elə yerlər var ki, insanlar bu cihazların nə olduğunu bilmirlər. Amma oralarda yaşayan insanlar, o cümlədən müsəlman insanlar da sizə yuxarıda məsləhət gördüyümüz qaydada yuyunurlar.

Dəstəmazı pozan şeylər ayaqyolunda baş verən (ayaqyolundan kənarda olsa belə) şeylərdir. Bunlar yel çıxartmaq, böyük tualet və kiçik tualet ehtiyacını ödəməkdən ibarətdir.

Qüsul etməyi vacib hala gətirən hallar isə bunlardır:

Cinsi əlaqədə olmaq, yuxuda və yaxud oyaq vaxtı qurtarmaq (boşalmaq), eləcə də qadınların aybaşı halı və zahılığın başa çatması.

“Allah heç kimə onun gücünün çatdığından artıq bir şey yükləmir”.

Allah dinin buyurduğu məsələlərdə insanlara heç bir çətinlik yaratmayıb. O, bu barədə belə deyir:

“Allah sizi çətinliyə salmaq istəmir, lakin O, sizi arındırmaq (pak və təmiz etmək) və sizə verdiyi nemətini tamamlamaq istəyir. Bəlkə, şükr edəsiniz”.

“(Allah) sizə din barəsində heç bir çətinlik yükləməyib”.

“Kora babal yoxdur, topala babal yoxdur, xəstəyə də babal yoxdur (onlara günah gəlməz)”.

Əgər müalicə müddəti ərzində bədəninizin heç bir yerinə su dəyməli deyilsə, təyəmmüm edə bilərsiniz. Bu, Allahın sizin üçün verdiyi bir asanlıqdır. Amma əgər radioterapiyanın tətbiq olunduğu bədən nahiyəsi çox kiçik bir yerdirsə və bədənin qalan yerlərinin yuyulmağı sizə ziyan etməyəcəksə, o hissəni bir sarğı ilə sarımaq və digər yerləri yumaq lazımdır. Təbii ki, burada əsas məsələ sizə bir zərərin toxunmamağıdır. Əgər hər hansı bir ziyandan söhbət gedirsə, əvvəl də qeyd etdiyimiz kimi, təyəmmüm almağınız lazımdır.

Bu məsələ ilə əlaqədar bir hadisə də peyğəmbərin (s. a. v.) dövründə baş verib. Cabir İbn Abdulladan (r. a.) rəvayət olunduğuna əsasən o belə demişdir:

Bir gün bir səfərə çıxmışdıq. Bizim aramızdan bir adama bir daş dəydi. Başı yarıldı. Sonra bu şəxs ehtilam oldu. Dostlarından soruşdu ki, mənim təyəmmüm etməyimə icazə var? Onlar cavab olaraq dedilər ki, sən sudan istifadə edə bilərsən. Sənə təyəmmüm etmək üçün icazə yolu görmürük. Bunun üstündən həmin adam çimdi və ardınca da öldü. Peyğəmbərin yanına gəlib çatdıqda ona bu hadisə barədə danışdıq. Peyğəmbərimiz belə dedi:

“Kişini öldürüblər! Alllah da onların canını alsın! Bəs bilmirdilərsə, niyə soruşmadılar? Cahilliyin şəfası sualdır (soruşmaq). Ona təyəmmüm etmək bəs idi. Yarasına bir əski bağlamaq və üstündən məsh etmək lazım idi. Sonra da bədəninin qalan yerlərini yumaq lazım idi”.

“Ey iman gətirənlər! Namaza durduğunuz vaxt üzlərinizi və dirsəklərə qədər əllərinizi yuyun. Başınızı məsh edin, ayaqlarınızı da topuqlarınıza qədər. Əgər cünub olmusunuzsa, yuyunun. Xəstə və yaxud səfərdəsinizsə və ya sizin aranızdan bir nəfər ayaqyolundan gəlibsə, ya da qadınlara toxunmusunuz, su tapmasanız, təmiz torpaqla təyəmmüm edin; onunla üzünüzü və əllərinizi məsh edin. Allah sizə (dəstəmaz və qüslü əmr etməklə) bir çətinlik törətmək istəmir. Ancaq sizi arındırmaq (təmizləmək) və sizə olan nemətini tamamlamaq istəyir. Bəlkə, şükür edəsiniz”.

Yuxarıdakı ayəyə əsasən cünub (cənabət) olanlar sadəcə olaraq qüsl etməklə namaz qıla bilərlər. Başqa sözlə desək, bir nəfər qüsl etdikdən sonra dəstəmazı pozan (batil edən) hər hansı bir səbəb yoxdursa, namaz üçün təzədən dəstəmaz almağa ehtiyac qalmadan namaz qıla bilər. Bu məsələdə qüsl kifayətdir.

Aişədən (r. a.) belə rəvayət edilir:

“Rəsulullah (s. a. v.) qüsl alır (edir), iki rükəti (müstəhəb, sünnə) və sübh namazını (n fərzini) qılırdı. Onun qüsl etdikdən sonra dəstəmazı təzələdiyini xatırlamıram”.

“Rəsulullah (s. a. v.) qüsl etdikdən sonra dəstəmaz almırdı”.

Tirmizi bu hədisi rəvayət etdikdən sonra belə bir şərh vermişdir:

“Əshabələrin və tabeinin alimlərindən əksəriyyətinin fikri belədir. Yəni, onlar: “Qüsldən sonra dəstəmaz almaq lazım deyil”, – deyirlər”.

Abdulla İbn Ömərdən rəvayət olunduğuna görə peyğəmbərdən (s. a. v.) qüsl etdikdən sonra dəstəmaz almaqla əlaqədar bir sual soruşulduqda bele cavab verib:

“Hansı dəstəmaz qüsldən yaxşı ola bilər ki?”.

Bu məsələlərlə əlaqədar hədislər aşağıdakı kimidir:

Həzrəti Aişə (r. a.) nəql edir:

“Mən Rəsulullahın (Muhəmməd peyğəmbər) paltarına bulaşan mənini təmizləyirdim. O, paltarında nəm hissə (qurumamış) ola-ola namaza gedirdi” (Buxari, Vüdu (Dəstəmaz), 64, 65; Müslim, Təharət (Təmizlik), 108 (289); Əbu Davud, Təharət (Təmizlik), 136; Tirmizi, Təharət (Təmizlik), 85, 86; Nəsai, Təharət (Təmizlik), 187, 188).

Müslimdən nəql edilən başqa bir rəvayətdə belə deyilir:

Həzrəti Aişənin bir qonağı gəldi. Həmin adam səhər tezdən paltarını yumağa başladı. Həzrəti Aişə ona:

“Sənin (məni) bulaşan yeri (əgər gördünsə) yumağın kifayət idi. Görmədinsə, ətrafını yuyardın. Mən Rəsulullahın paltarından (məni bulaşığını) ovuşdurmaqla təmizlədiyimi bilirəm. O, (bir də yumadan) o paltarı ilə namaz qılırdı”.

Başqa bir rəvayətdə belə qeyd edilir:

“Yaxşı bilirəm ki, peyğəmbərin paltarından məni bulaşığını (sperm) dırnağımla qaşıyıb təmizləyirdim” (Müslim, Təharət (Təmizlik), 105, 109 (288, 290).

Yəhya ibn Abdurrahman ibn Hatibdən nəql etdiyinə görə həzrəti Ömər (r. a.) və Amr ibn Əl-Asın da olduğu bir dəstə ilə birlikdə ömrə edib. Səfər vaxtı səhərə doğru həzrəti Ömər su mənbələrindən birinə yaxın olan bir yolda fasilə verdi. Hamı kimi o da yatdı. Birdən ehtilam (cünub olmaq, pollution) oldu. Səhər açıldı. Qafilədə (dəstə) yuyunmağı üçün lazımi qədər su yox idi. Heyvanına minib yaxınlıqdakı suyun başına gəldi. Və dərhal o haldan qalan məni bulaşığını yumağa başladı. Bu dəm hava tamamilə açıldı. Amr ibn Əl-As həzrəti Ömərə belə dedi:

“Səhər açıldı. Bizdə təmiz paltar var. Sən öz paltarını yumağı saxla. Onsuz da gec-tez yuyulacaq”.

Lakin həzrəti Ömər ona belə cavab verdi:

“Ey İbnu-l-As! Heyrət! Belə çıxır ki, sən paltar tapmısan deyə, hamı tapacaq? Allaha and olsun ki, mən sənin dediyini yerinə yetirsəm, həmin iş bir sünnə olar. Xeyr, mən gördüyüm mənini yuyuram və görmədiyimə su çiləyirəm. Beləliklə, onu təmiz hesab edirəm!” (Muvatta, Təharət (Təmizlik), 83).

Bununla əlaqədar ətraflı məlumat üçün aşağıdakı keçidə daxil ola bilərsiniz:

http://www.muselmanlar.com/fitvalar/dis-dolgusu