Müselmanlar » Qurban

Hənəfi məzhəbinə əsasən kim qurban kəsməlidir?

teoloji — Fri, 06 Nov 2009 13:14:24 +0000

Cavab: Hənəfi məzhəbinə əsasən həddi-büluğa çatmış, ağıllı, azad, muqim (səfərdə olmayan) və varlı olan hər bir müsəlman kişi və qadına qurban kəsmək vacibdir. Burada varlı ifadəsi ilə öz zəruri ehtiyaclarının xaricində artan olub olmamasından asılı olmayaraq 85 qram qızılı, yaxud bu qədər qızıl almağa pulu və ya malı olan şəxslər nəzərdə tutulur.

Qurbanlıq heyvanı mütləq pulla almaq lazımdır?

teoloji — Fri, 06 Nov 2009 08:58:27 +0000

Cavab: Xeyr, bu məsələdə hər hansı pis bir cəhət yoxdur. Qurbanlıq heyvanı mütləq pulla almaq lazım gəlmir. Qurban kəsmək əməlində belə bir şərt yoxdur.

Qurbanlıq heyvan aldıqda hansı məsələyə fikir verməliyik?

teoloji — Fri, 06 Nov 2009 09:02:15 +0000

Cavab: Qoyunların hamısı eyni xüsusiyyətlərə malik olsa və sonra arada problem yaranmayacaqsa, bu işi görmək olar. Əks təqdirdə, kəsilən qurban səhih, amma satış fasid olar. Yəni, bu satış ləğv edilməlidir. Tərəflər razı olsalar, bu məsələdə bir problem qalmaz.

Süd dişlərini dəyişdirməmiş 2 yaşındakı danadan qurban olar?

teoloji — Fri, 06 Nov 2009 08:54:46 +0000

Cavab: Bir dana qurbanlıq olmaq üçün 2 yaşını keçməlidir. Təcrübələr göstərir ki, 2 yaşını keçən dana süd dişlərini çıxartmış olur. Əgər dananın 2 yaşını keçirdiyi dəqiq bilinirsə, onun süd dişlərini çıxartmamağının bir eybi yoxdur.

Boğaz heyvandan qurban

teoloji — Fri, 06 Nov 2009 12:57:44 +0000

Cavab: Əgər qurbanlıq heyvanın boğaz olduğu bilinirsə, onu kəsməmək daha yaxşıdır. Yaxşı olar ki, qarnında balası olan heyvan kəsilməsin. Ancaq kəsiləndə də qurban ibadəti yerinə yetirilmiş olur.

Pay verilən heyvanı qurban kəsmək olar?

teoloji — Fri, 06 Nov 2009 12:38:03 +0000

Cavab: Sizin müdirinizin sizə hədiyyə verdiyi heyvanın başqa qurbanlıq heyvanlardan heç bir fərqi yoxdur. O heyvan kəsildiyi vaxt qurban ibadəti yerinə yetirilir.

Çəki ilə qurbanlıq heyvan almaq dini cəhətdən düzgündür?

teoloji — Fri, 06 Nov 2009 09:08:35 +0000

Cavab: Bu cür qurbanlıq heyvan alveri etmək olar; bunda dini cəhətdən bir problem yoxdur.

Borc götürüb qurban kəsmək dini cəhətdən düzgündür?

teoloji — Mon, 09 Nov 2009 09:01:34 +0000

Cavab: “Allaha yaxın olmaq, yəni, ibadət məqsədilə müəyyən bir vaxtda müəyyən növ heyvanları kəsmək” mənası verən qurban Hənəfi məzhəbinə əsasən vacib, digər məzhəblərə əsasən sünnədir (müstəhəb). Dəlillər bu ibadətin sünnə olduğunu bildirir. Bundan əlavə, eyni yerdə – birlikdə yaşayan ailə üzvlərindən bir nəfərin qurban kəsməyi kifayətdir. Hamısının ayrı-ayrı qurban kəsməyi şərt deyil.

Hənəfi məzhəbinin fikrinə əsasən qurban kəsməyin bir insana vacib olması üçün o insanda müəyyən məbləğdə maddi imkan, yəni, zənginlik olmalıdır. Bu zənginliyin, ya da başqa sözlə desək, maddi imkanın meyarı zəkatda da tələb olunan 85 qram qızıl, ya da buna bərabər pul, yaxud mal-mülkdür. Yəni, insanın borcları və zəruri ehtiyacları xaricində əlində 85 qram qızılı və ya buna bərabər bir miqdarda pulu varsa, o halda qurban kəsməlidir. Belə imkanı olmayanların qurban kəsməyi lazım deyil. Buna görə də özünüzü çətinliyə salmağa ehtiyac yoxdur.

Ailə üzvlərindən bir nəfərin qurban kəsməyi kifayət edirmi?

teoloji — Mon, 09 Nov 2009 09:09:35 +0000

Cavab: Hənəfi məzhəbinə əsasən mükəlləflik şərtlərini daşıyan hər kəs qurban kəsməlidir. Alimlərin əksəriyyətinin fikrincə isə büdcələri eyni olan və eyni yerdə yaşayan ailə üzvlərindən birinin qurban kəsməsi qurban kəsmək öhdəliyini digər ailə üzvlərinin üzərindən götürür.

Əksəriyyət təşkil edən İslam hüququ mütəxəssislərinin mənimsədikləri ikinci fikir həm peyğəmbərin (ə. s.) şifahi şərhlərinə, həm də həyata keçirdiyi işləri əks etdirən bəzi hədislərə əsaslanır. “Ey insanlar, hər il hər ev əhlinə qurban kəsmək lazımdır”, – buyurmaqla qurbanın ailənin adından kəsilməsini bəyan edən peyğəmbər (ə. s.) qurban bayramında bir qoç kəsmiş və “Bismillah! Allahım, (bu qurbanı) Muhəmməddən, onun ev əhlindən və Muhəmməd ümmətindən qəbul et”, - deyə dua etmişdir. Eyni şəkildə mötəbər mənbələrdə bildirilir ki, peyğəmbər (ə. s.) xalis ağ, kök və buynuzlu iki qoçu birini öz ümmətindən qurban kəsməyənlər, digərini də özü və ailə üzvləri adından qurban kəsmişdir.

Siz də belə edib ailənizin adından bir qurban kəsə bilərsiniz.

Bu barədə aşağıdakı keçiddən ətraflı məlumat almaq olar:

http://www.muselmanlar.com/fitvalar/1712.html

Səfər üstündə qurban

teoloji — Mon, 09 Nov 2009 09:20:28 +0000

Cavab: Qurban ibadətini vacib kimi qəbul edən Hənəfi məzhəbinin fikirlərinə əsasən dini cəhətdən səfərdə hesab olunan şəxs qurban kəsməklə məsul deyil. Lakin kəsməyinin də heç bir eybi yoxdur. Qurban kəsmək ibadətini sünnə (müstəhəb) əməl hesab edən digər məzhəblərdə isə bu məsələdə səfərdə olanla oturaq olan arasında heç bir fərq yoxdur.

Hənəfilərin səfər üstündə olanlar üçün belə bir icazədən danışmağı ibadətlərdə məşəqqət və çətinliyi aradan qaldırmaq məqsədi daşıyır. Çünki səfərdə olan insan həm qurbanlıq heyvan tapmaq və onu kəsmək baxımından, həm də kəsilən heyvanın ətini paylamaq cəhətindən o ərazidə yaşayan insanların bildiyi məlumatlara və malik olduqları imkanlara malik olmaya bilər. Bir də ki, səfərdə olan insan zəngin də olsa, əlindəki pulu daha diqqətli və ehtiyatla xərcləməli ola bilər. Lakin indiki dövrdə səyahət şərt və imkanları xeyli dəyişdiyinə görə bu məsələdə digər məzhəblərin fikirlərinə əsasən hərəkət etmək də mümkündür.