Sünnət vaxtı təkbir gətirmək, müəyyən bir duanı oxumaq və ya bir mərasim keçirmək də şərt deyil.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

“Yəhudilərə dırnaqlı heyvanların hamısını haram etdik. İnək və qoyunun bel sütunlarına və ya bağırsaqlarına yapışan, yaxud sümüklərə qarışan yağlar istisna olmaqla, onların piylərini də haram etdik. Bu, həddi aşdıqlarına görə onlara verdiyimiz cəzadır. Şübhəsiz ki, Biz doğru danışanlarıq.”

Diqqət yetirin, ayədə deyilir ki, bu cəza onlara azğınlıq edib həddi aşdıqlarına görə verilib. Onların azğınlıqlarına gəlincə, bu, Quranın Nisa surəsində nahaq yerə adam öldürmək, faiz yemək və insanların mal-dövlətini haqsız yerə almaqları kimi izah olunur. Bu, onların öz kitablarında – Tövratda da var. Quran da bunu təsdiq edir.

Burada vacib bir məsələ var: Məlum olduğu kimi, İsa peyğəmbər (ə. s.) də İsrail oğullarına göndərilən bir peyğəmbər olub. Quranın Ali-İmran surəsindən öyrənirik ki, İsa peyğəmbər onlara gəldiyi vaxt belə deyir:

“Mən sizə haram edilmiş olan bəzi şeyləri də halal etməyə gəldim.”

Onlara haram edilən həmin şeylər əsl və təbiəti baxımından murdar olan şeylər deyil; əksinə, təmiz olduğu halda, cəzalandırmaq üçün haram edilən şeylərdir (piy və sairə).

Yəhudilər İsa əleyhissəlamı peyğəmbər kimi qəbul etmədiklərinə görə yuxarıda qeyd etdiyimiz hökmün ləğv edildiyini də qəbul etmirlər. Onlar Quranı da qəbul etmirlər. Buna görə də axırıncı peyğəmbər olan Muhəmməd (s. a. v.) (Əraf surəsinin 157-ci ayəsinə əsasən) onlara: “yaxşı işlər görməyi buyurur, pis əməlləri isə qadağan edir, onlara pak şeyləri halal, murdar şeyləri isə haram edir. Onların ağır yüklərini yüngülləşdirir və onları buxovlardan xilas edir.”

Bu ağır yüklərdən biri onlara cəza olaraq haram edilən təmiz qidalardır. Əvvəlcə İsa peyğəmbər o qadağaların bir hissəsini aradan qaldırdı, sonra da Muhəmməd peyğəmbər gəldi və həmin təmiz şeylərin hamısını halal etdi. Müsəlmanlara haram edilən 4 şey isə istisna olaraq qaldı: öz başına (kəsilmədən) ölən (murdar olan) heyvan, axan qan, donuz əti və Allahdan başqasının adı çəkilməklə kəsilən heyvan.

Əgər yəhudilər Quranı qəbul etsələr, yuxarıda haqqında danışdığımız çətinliklərdən xilas olarlar. Beləliklə də onlara həm dünya, həm də axirət nemətlərinin yolu açılar. Halbuki, bu gün onların əlində olan Tövratda həmin cəzalar olduğu kimi qeyd edilib.

Suala cavab verdi: Yahya Şenol

18.11.2011

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

İnanmayan bir nəfərin Cənnətə girmək ehtimalı da yoxdur. Çünki Allah Təala: “Allah müşrik olan heç kəsi bağışlamaz”, – deyir. Bəzi insanlar dini özlərinə sərf etdiyi kimi formalaşdırır. Özünü Allahın yerinə qoyur. Bəziləri də dini başqalarına əsasən formalaşdırır. Yəni, buna cəhd edir. Bunların hər ikisi də müşrik olurlar.

Suala cavab verdi: Professor Abdulaziz Bayındır

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

قَالَ مَنْ اَنْصَارِى اِلَى اللَّهِ قَالَ الْحَوَارِيُّونَ نَحْنُ اَنْصَارُ اللَّهِ اَمَنَّا بِاللَّهِ وَاشْهَدْ بِاَنَّا مُسْلِمُون

“Al­lah yo­lun­da mənə kim kö­mək edər?” – de­yə so­ruş­du. Hə­va­ri­lər de­di­lər: “­Alla­h üçün Biz kö­mək edərik! Çünki Biz Al­la­ha inan­dıq. Sən də ona təs­lim ol­du­ğu­mu­za şa­hid ol!” (Ali-İm­ran su­rə­si, 3/52).

Ə­li­miz­də­ki İn­ci­lə əsa­sən İsa çar­mı­xa çə­ki­lib dəfn edil­dik­dən üç gün son­ra qəb­rin­dən çıx­mış, Cə­li­lə­də 11 hə­va­ri­si­nə gö­rün­müş və be­lə de­miş­dir:

«Göy­də və yer üzün­də bü­tün ix­ti­yar mə­nə ve­ril­di. Bu sə­bəb­dən ge­dib bü­tün mil­lət­lə­ri tələbələ­rim ki­mi ye­tiş­di­rin. On­la­rı Ata, Oğul və Mü­qəd­dəs Ru­hun adıy­la vəftiz edin. Si­zə buyur­du­ğum hər şe­yə ta­be ol­ma­la­rı­nı on­la­ra öy­rə­din. Be­lə ki, mən dün­ya­nın so­nu­na qə­dər hər an si­zin­lə bir­lik­də­yəm» (Mat­ta, 28/16-20).

Bu söz­lər İn­cil­ə aid ola bil­məz. Hə­qi­qi İn­cil yal­nız Al­la­hın söz­lə­rini ehtiva etməlidir. İsa­nın ölü­mün­dən son­ra hə­va­ri­lə­rinə gö­rün­mə­si id­dia­sı­ da qə­bul edilə bilməz.

Uca Al­lah be­lə bu­yu­rur:

وَقَفَّيْنَا عَلَى اَثَارِهِمْ بِعِيسَى ابْنِ مَرْيَمَ مُصَدِّقًا لِمَا بَيْنَ يَدَيْهِ مِنَ التَّوْرَيةِ وَاَتَيْنَاهُ الْاِنْجِيلَ فِيهِ هُدًى وَنُورٌ وَمُصَدِّقًا لِمَا بَيْنَ يَدَيْهِ مِنَ التَّوْرَيةِ وَهُدًى وَمَوْعِظَةً لِلْمُتَّقِينَ

“İs­rail pey­ğəm­bər­lə­ri­nin ar­dın­ca Mər­yəm oğ­lu İsa­nı özün­dən qa­baq­kı Töv­ra­tı təs­diq edən bir elçi kimi gön­dər­dik. Ona da doğru yolu göstərən və aydınladan olan İncili verdik. O qarşısındakı Töv­ra­tı təs­diq edən, yol göstərən və çəkinənlərə nə­si­hət verən bir kitabdır” (Mai­də su­rə­si, 5/46).

مَاالْمَسِيحُ ابْنُ مَرْيَمَ اِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَاُمُّهُ صِدِّيقَةٌ كَانَا يَاْكُلَانِ الطَّعَامَ اُنْظُرْ كَيْفَ نُبَيِّنُ لَهُمُ الْاَيَاتِ ثُمَّ انْظُرْ اَنَّى يُؤْفَكُونَ

“Mər­yəm oğ­lu Mə­sih an­caq bir elçidir. On­dan əv­vəl də elçilər­lər gə­lib get­miş­dir. Onun ana­sı isə çox pak bir qa­dındır. On­lar­dan hər iki­si də ye­mək ye­yər­dilər. İndi sən onlara bu sənədləri ne­cə ba­şa sa­ldığımıza, bir də onların yalana ne­cə üz çe­vi­ri­ldiklərinə bax!” (Mai­də su­rə­si, 5/75).

İ­sa əley­his­sə­lam və­fat et­dik­də dün­ya ilə əla­qə­si kə­sil­di. O, axi­rət­də Al­la­ha be­lə de­yə­cək­dir:

مَا قُلْتُ لَهُمْ اِلَّا مَا اَمَرْتَنِى بِهِ اَنِ اعْبُدُوا اللَّهَ رَبِّى وَرَبَّكُمْ وَكُنْتُ عَلَيْهِمْ شَهِيدًا مَا دُمْتُ فِيهِمْ فَلَمَّا تَوَفَّيْتَنِى كُنْتَ اَنْتَ الرَّقِيبَ عَلَيْهِمْ وَاَنْتَ عَلَى كُلِّ شَىْءٍ شَهِيدٌ

“On­la­rın ara­sın­da olduğum ərəfədə mən on­la­ra şa­hid idim. Sən mə­ni vəfat etdirəndən son­ra on­la­ra nə­za­rət­çi ancaq Özün ol­dun. Yal­nız Sən hər şe­yi görürsən, şa­hid­sən!” (Mai­də su­rə­si, 5/117).

Dolayısı ilə, İsa­nın və­fa­tın­dan son­ra de­di­yi id­dia edi­lən yu­xa­rı­da­kı söz­lər, nə İn­ci­lin bir hissəsi, nə də İsa əley­his­sə­la­mın söz­lə­ri ola bi­lər.

İn­ci­lə edi­lən bu ki­mi əla­və­lə­rə əsas­la­na­raq hə­va­ri­lə­rə bir sı­ra ruhani səlahiyyətlər ve­ril­miş­dir. Bu əla­və­lər­dən bi­ri­nə əsa­sən, İsa 12 hə­va­ri­sin­dən bir he­yət təş­kil et­miş, Pyot­ru rəh­bər tə­yin et­miş və ona be­lə de­miş­dir:

«Göy­lə­rin ha­kim­li­yi­nin aça­rı­nı sə­nə ve­rə­cə­yəm. Yer üzün­də bağla­ya­ca­ğın hər şey göy­lər­də də bağ­la­na­caq. Yer üzün­də aça­ca­ğın hər şey, göy­lər­də açılacaq» (Mat­ta, 16/19).

Bağ­la­maq və aç­maq ix­ti­ya­rı be­lə şərh edi­lir: Hə­va­ri­lə­rin top­lu­ma (kil­sə­yə) qə­bul edə­cək­lə­ri və ya ora­dan uzaq­laş­dı­ra­caq­la­rı in­san­lar Al­lah tə­rə­fın­dən də qə­bul edi­lir, ya­xud uzaq­laş­dı­rı­lır. Kil­sə ilə ba­rış­maq Al­lah­la ba­rış­maqdır.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

“Nəcranlı xristianlar Midraslarının (məktəb və məhkəmə) başçısı və keşişi olan Əbu Harisə ibn Əlqəmə, onun müavini Abdulməsih və karvanbaşı əl-Eyləmin rəhbərliyi ilə 60 nəfərdən ibarət bir heyəti Mədinə şəhərinə göndərdilər. Mənbə (İbn Hişam) bu barədə ətraflı məlumat verir. Belə ki, onların geyimləri və dəvələri Mədinəlilərə yaman təsir etmişdi. Onlar günortadan sonra peyğəmbər məscidində Muhəmməd əleyhissalamın hüzuruna çıxdılar. Sonra özlərinə məxsus ibadətləri yerinə yetirmək istədilər. Peyğəmbər bayıra çıxıb məscidi onların sərəncamına verdi. Onlar da ibadət etdikləri vaxt şərqə tərəf yönəldilər (şərqə üz tutdular)”.

Peyğəmbər ibadət etsinlər deyə, məscidini onların ixtiyarına verdiyi üçün bu məsələdə bir problem olmadığını başa düşmək olur.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

“Siz hökmən malınız və canınızla ağır sınaqdan keçiriləcəksiniz. Sizdən əvvəl Kitab verilənlərdən və müşriklərdən bir çox əziyyət verən sözlər eşidəcəksiniz. Əgər səbr edib Allahdan qorxsanız, bilin ki, bu, əzm istəyən (möhkəm durmağı tələb edən) əməllərdəndir”.

Müsəlmanlar bu sınaqdan keçirilirlər. Yəni, müxtəlif müsibət və bəlalara məruz qalırlar. Bu dünyada yaşamağın şərti budur.

Burada təkcə İslam dini və Muhəmməd peyğəmbərlə (s. a. v.) əlaqədar karikaturaları xatırlamaq kifayətdir.

Quranı yandıranlar istəyirlər ki, müsəlmanlar onlara bir xətər yetirsinlər. Onlar da bunu bəhanə edib müsəlmanlara qarşı daha böyük təxribatlar törətsinlər. Yəni, Quranı yandıranlar müsəlmanların daha böyük fəlakətlərə cəlb etmək istəyirlər. Halbuki, səbr etmək və bu cür təxribat tələlərinə düşməmək lazımdır. Quranı yandıran insan Cəhənnəmə getmək istəyirsə, getsin. Bizim də səbr edib Cənnəti qazanmaq kimi bir haqqımız var. Bir sözlə, səbr etməli və özümüzü qorumalıyıq.

Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

Quranın lənətlə əlaqədar ayələrinə baxdıqda məlum olur ki, lənətlənən şəxslər (bunların bir çoxu İsrail oğullarıdır) bu lənətə anadangəlmə deyil, sonradan öz günahları ucbatından düçar olublar:

“İsrail oğullarından kafir olanlar həm Davudun, həm də Məryəm oğlu İsanın dili ilə lənətləndilər. Bunun səbəbi onların üsyan etməyi və təcavüzkar olmaqları idi”. (Maidə, 5/78)

Bu ayədən də başa düşülür ki, heç kim anadangəlmə itirmir! Həddi-büluğ çağına gəldiyi vaxt kafirliyi seçirsə, məhz o zaman ona Allahın lənəti olur:

“Endirdiyimiz açıq-aşkar ayələri və əsas yolu o kitabda insanlara izah etdiyimiz halda, onları gizlədənlər… Allah onları lənətləyəcək! Budur, Allah onları lənətləyir! Bütün lənət edə bilənlər də onlara lənət oxuyacaq!

Tövbə edib, özünü doğruldanlardan başqa! Mən onların tövbəsini qəbul edərəm. Mən tövbələri qəbul edənəm, mərhəmət sahibiyəm!

Kafirlərə və kafir olaraq ölənlərə Allahın, mələklərin və bütün insanların lənəti olsun!

Onlar həmişəlik bu lənət altında qalırlar. Onların nə əzabı yüngülləşdirilir, nə də bu əzaba ara verilir”. (Bəqərə, 2/159-162)

Bu ayələrə əsasən Allahın ayələrini gizlədən şəxslər istər müsəlman olsun, istərsə də başqa bir dinin nümayəndəsi, Allahın lənətinə düçar olur.

Odur ki, yəhudilərin anadangəlmə lənətləndiyini demək düzgün deyil. Belə bir şey yoxdur.

Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

“Cəhənnəm əhli olduqları açıq-aydın məlum olduqdan sonra qohum olsalar belə, (Allaha) şərik qoşanlar üçün mərhəmət diləmək nə peyğəmbərə yaraşır, nə də möminlərə”. (Tövbə, 9/113)

Bu barədə ətraflı məlumat üçün aşağıdakı keçidə daxil olun:

http://www.muselmanlar.com/fitvalar/2078.html

İnsanlıq üçün xeyirli işlər görən qeyri-müsəlmanlar üçün ən münasib dua onların hidayət olmağını diləməkdir. Yəni, belə deyib dua etmək olar: “Allah on(lar)a hidayət versin”.

Sualınızın ikinci hissəsi (qeyri-müsəlman olaraq ölən insanların əməlləri) ilə əlaqədar olaraq bu yazını oxuyun:

http://www.muselmanlar.com/fitvalar/3339.html

Saytımızın bu kimi məsələlərə dair yazılarını isə aşağıdakı keçiddən oxuya bilərsiniz:

http://www.muselmanlar.com/fitvalar/qeyri-muselmanlar

Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

“Kim imanı qulaqardına vursa, şübhəsiz ki, əməlləri puç olar. O, o biri dünyada da ziyana uğrayanlardan olar”. (Maidə, 5/5)

“Kim dünya həyatını və onun bərbəzəyini istəyirsə, onlara əməllərinin əvəzini orada tam verərik və onlar orada zərər çəkməzlər.

Onlar, axirətdə özləri üçün oddan başqa heç bir şeyi olmayan kimsələrdir. Onların dünyada gördükləri işlər boşa çıxar və tutduqları əməllər puç olar”. (Hud, 11/15-16)

“Ayələrimizi və axirətə qovuşmağı yalan sayanların əməlləri puç oldu. Məgər onlar yalnız etdikləri bu əməllərə görə cəzalandırılmayacaqlarmı?”. (Əraf, 7/147)

“Müşriklər küfr etdiklərini bildikləri halda, (onlara) Allahın məscidlərini abadlaşdırmaq yaramaz. Onların əməlləri puça çıxmışdır. Onlar Odda əbədi qalacaqlar”. (Tövbə, 9/17)

“De: “Sizə əməlləri baxımından ən çox ziyana uğrayanlar barəsində xəbər verimmi? O kəslər haqqında ki, onların dünya həyatındakı səyləri boşa çıxmışdır. Çünki onlar özlüyündə yaxşı işlər gördükləri gümanında  idilər.

Onlar Rəbbinin ayələrini və Onunla qarşılaşacaqlarını inkar edən, buna görə də bütün əməlləri boşa çıxan kimsələrdir. Odur ki, Qiyamət günü Biz onlara əhəmiyyət verməyəcəyik.

Kafir olduqlarına görə, ayələrimi və elçilərimi lağlağıya qoyduqlarının əvəzi Cəhənnəmdir”. (Kəhf, 18/103-106)

“Sənə və səndən əvvəlkilərə belə vəhy olunmuşdur: “Əgər şərik qoşsan, əməlin puç olacaq və mütləq ziyana uğrayanlardan olacaqsan.

Sən yalnız Allaha ibadət et və şükür edənlərdən ol!”. (Zumər, 39/65-66)

“Qoy məhv olsun kafirlər! Allah onların əməllərini puça çıxardar. Bu ona görədir ki, onlar Allahın nazil etdiyinə nifrət etdilər, O da onların əməllərini puça çıxartdı”. (Muhəmməd, 47/8-9)

“Sözsüz ki, kafir olanlar, insanları Allah yolundan sapdıranlar və hidayət yolunu tanıdıqdan sonra peyğəmbərə qarşı çıxanlar Allaha heç bir zərər vura bilməzlər. Allah onların bütün əməllərini puça çıxaracaqdır”. (Muhəmməd, 47/32)

Ancaq adı nə olursa, olsun, peyğəmbərin təbliği gəlib çatmayan və şirk günahına batmadan Allaha və axirət gününə inanan və bundan sonra yaxşı işlər görənlər Cənnətə girməyə layiq olacaqlar. Bu barədə ətraflı məlumat üçün aşağıdakı yazını oxuyun:

http://www.muselmanlar.com/fitvalar/1918.html

Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

“Heç vaxt onlardan ölmüş bir kəsin (cənazə) namazını qılma, qəbrinin başında da durma. Çünki onlar Allahı və Onun Elçisini inkar etdilər və günahkar olaraq öldülər”. (Tövbə, 9/84)

“Cəhənnəm əhli olduqları açıq-aydın məlum olduqdan sonra qohum olsalar belə, (Allaha) şərik qoşanlar üçün mərhəmət diləmək nə peyğəmbərə yaraşır, nə də möminlərə”. (Tövbə, 9/113)

Siz ailə üzvləriniz və tanışlarınıza qarşı yaxşı rəftar edin. Dostluq etmək qadağan olan şəxslərin xüsusiyyətləri belədir:

1) Onların bizimlə dinimizə görə müharibə etmələri;

2) Bizi yurd-yuvamızdan çıxartmaqları;

3) Bizi yurd-yuvamızdan çıxardanları dəstəkləmələri.

Biz müsəlmanlar bu xətləri keçənlərlə dostluq əlaqəsi qurmuruq. Sualınızda qeyd etdiyiniz şəxslər bu xüsusiyyətləri daşımadıqlarına görə onlarla münasibətlərinizi yaxşı saxlamaqda bir problem yoxdur.

Bu məsələ ilə əlaqədar geniş məlumat üçün aşağıdakı keçidlərə daxil olun:

http://www.muselmanlar.com/fitvalar/434.html

http://www.muselmanlar.com/fitvalar/2078.html

Materialdan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.