Müselmanlar » Oruc

Oruc nədir?

Müsəlmanlar — Mon, 05 Apr 2010 13:21:11 +0000

Oruc imsak vaxtından iftar vaxtına qədər ibadət niyyəti ilə bir şey yeməmək, içməmək və cinsi əlaqəyə girməməkdir.

Ətraflı məlumat üçün aşağıdakı keçidə daxil olun:

http://www.muselmanlar.com/xususi-kateqoriyalar/ramazan/871.html

Niyyət etmək nə deməkdir?

Müsəlmanlar — Mon, 05 Apr 2010 13:25:18 +0000

Niyyət etmək daxilən bir şeyə qərar vermək, bir işi nə üçün gördüyünü qətiyyətlə bilmək deməkdir.

Dini baxımdan isə niyyət etmək bir işi Allahın əmrinə tabe olmaq və ona yaxınlıq qazanmaq üçün yerinə yetirmək qərarından ibarətdir. İbadətlərdə (namaz qılmaq, oruc tutmaq və sairə kimi) mütləq niyyət edilməlidir, başqa sözlə ibadət edildiyi vaxt o ibadətə niyyət etmək lazımdır.

Ramazan ayında kimlər oruc tutmalıdırlar?

Müsəlmanlar — Tue, 06 Apr 2010 10:49:36 +0000

Ağıllı (əqli qüsuru olmayan) və həddi-buluğa çatmış hər bir müsəlmana Ramazan ayında oruc tutmaq vacibdir. Yəni oruc yerinə yetirilməsi vacib olan bir ibadətdir.

Oruc tutmaq və ac qalmağın nə xeyri var?

Müsəlmanlar — Fri, 20 Aug 2010 09:18:24 +0000

Sizin sualınıza aşağıdakı kimi vermək olar:

Orucdakı gözəlliklər

Alimlər söyləmişlər ki, oruc və aclıqda on gözəl xislət vardır:
l. Aclıqda göz safası, könlün haqqı görməyi, göz kəskinliyi vardır.
Toxluq isə tənbəllik və səfehlik verir, bəsirəti kor edir. Damağda buxarı çoxaldır, bu səbəblə qəlbdə ağırlıq olur.

2. Aclıqda riqqəti-qəlb olur. Qəlb safası da insanı münacatın ləzzətini dərk etməyə hazırlayır, zikrinin və sair ibadətlərinin təsirini görür.

3. Qəlbdən şıltaqlıq gedir.
Lüzumsuz fərəh və tüğyanın bağlanğıcı olan, eyni zamanda böyük məhrumiyyətlərin səbəbi olan iftixar duyğusu gedir. Nəfs aclıqla qırıldığı kimi daha heç bir şeylə qırılmır.

4. İnsan ac olarkən bəlaları unutmaz, zərərlərə və fəlakətlərə düçar olanları unutmaz. Tox acları unudar, ac olanlar isə aclığı və bəlaları, kasıbları və zəifləri unutmaz.

5. Aclıq lüzumsuz arzuları qırar, davamlı olaraq pisliyi əmr edən nəfsə (nəfsi-əmmarəyə) qalib gələr.

6. Aclıq yuxunu dəf edər. Çox yeyən çox içər, çox içən isə çox yatar, çox yatanın isə qəfləti artar. Kimin qəfləti artarsa fəlakətə uğrayar.

7. Aclıqda ibadətə davam asanlaşar. Toxluqda isə ibadət çətinləşər, ibadətə davam isə daha da çətinləşər.

8. Aclıqla bədənlər və üzvlər sağlam olar, xəstəliklər dəf olar. Çünki, ümumiyyətlə xəstəliklərin səbəbi çox yemək, çox içmək, çox yatmaq, qan artıqlığıdır. Xəstəlik ibadətlərə mane olur, ibadət şövqünü qırır.

9. Daha asan bir həyat yaşayar, sıxıntısı olmaz. Az yeməyə öyrəşən az mala qənaət edər.

10. Aclıqda insan sədəqəni könül rahatlığı ilə verir, yeməkdən yetimlərə, kimsəsizlərə paylayar, qiyamətdə də sədəqəsinin altında kölgələnər.

Təqva üçün oruc tutmaq
Allah Təala: “Orucun fərziyyəti sizin yaxşılığınız üçündür” buyurmuşdur. Çünki, orucun insanın qüvveyi-şəhvaniyyəsini qırdığı kimi nəfsin arzularını qıraraq bütün günahdan, üsyandan xilas edən təqvaya səbəb olduğunu bəyan buyurmuşdur. Çünki insanın dünya əməli iki şeyə həvəslidir: Biri yeyib-içmək arzusudur. Digəri də qüvveyi-şəhvaniyyədir. Bu iki arzu da ancaq oruc ilə məhv edilir.

Muhəmməd bin əl-Haris -radıyallahu ahnu- deyir ki, beş zümrədən beş şeyi soruşdum, hamısı eyni cavabı verdi:

1. Təbiblərə dəvaların ən şəfalısını sual etdim: “Aclıqdır və az yeməkdir.” dedilər.
2. Hikmət əhlinə: “Allaha ibadətdə ən çox kömək edən nədir?” deyə sual etdim. “Aclıqdır və az yeməkdir.” dedilər.
3. Zahidlərə, “Zühdə ən çox qüvvət verən nədir?” deyə sual etdim. “Aclıqdır və az yeməkdir” dedilər.
4. Alimlərə, “Elm hifzində ən çox köməkçi şey nədir?” deyə sual etdim, “Aclıqdır və az yeməkdir” dedilər.
5. Sultanlara, “Hər vaxt diqqətli olmağın çarəsi və ən gözəl, ən ləzzətli təam nədir?” deyə sual verdim, “Aclıqdır və az yeməkdir” dedilər.

Hazırladı: Gülnar Ələsgərova

QEYD: Bu yazı www.islamevi.az saytından icazə alınaraq götürülmüşdür. Bütün hüquqları qorunur. Materialdan istifadə zamanı www.muselmanlar.com saytına istinad edilməli və mənbə kimi bütöv keçid (link) göstərilməlidir.

Göz yaşını udmaq orucu pozur?

Müsəlmanlar — Mon, 09 Aug 2010 08:40:06 +0000

Göz yaşı və üzün təri ağıza daxil olduğu vaxt vəziyyətə baxmaq lazımdır. Əgər 1-2 damcı kimi az bir miqdarda olsa, oruc pozulmur. Çünki bundan uzaq durmaq mümkün deyil. Amma göz yaşı və tərin duzu ağızın içərisində hiss edilirsə, yəni, o dərəcədə çox olsa və insan oruc olduğunu bildiyi halda, onu udsa, oruc pozular.

Siqaret çəkmək nə üçün orucu pozur?

Müsəlmanlar — Mon, 09 Aug 2010 08:25:59 +0000

Orucu yemək-içmək və cinsi əlaqədə olmaq pozur. Yeyilən və içilən şeylərin orqanizmi qidalandırıb qidalandırmaması mühüm deyil. Siqaret çəkilən (udulan, tənəffüs edilən) bir şey olduğuna görə orucu pozur. Bu, qətidir.

Dişləri təmizlətdirmək orucu pozur?

Müsəlmanlar — Sun, 08 Aug 2010 15:44:22 +0000

Dişləri təmizlətmək zərurət kimi qiymətləndirilən işlərdən biri deyil. Bu vaxt boğazdan aşağı su, dərman və sairə kimi şeylər gedə bilər. Buna görə də yaxşı olar ki, dişlərinizi təmizlətdirməyi ya iftardan sonraya, ya da Ramazan ayından sonraya salasınız.

Qarqara etmək orucu pozur?

Müsəlmanlar — Fri, 06 Aug 2010 09:42:57 +0000

Oruc vaxtı udmamaq şərti ilə qarqara etmək olar. Dəstəmaz aldıqda ağıza su vermək və yaxalamaq orucu pozmadığı kimi, dərmanla qarqara etmək də pozmur. Əsas odur ki, bu vaxt insanın boğazından aşağı – içəri bir şey getməsin. Əgər bircə damcı da getsə, oruc pozulur və qəza etmək lazım gəlir.

Qadınlar evdə etikafa çəkilə bilərlər?

Müsəlmanlar — Thu, 05 Aug 2010 11:22:49 +0000

Etikaf haqqında ayə və ya hədislə hər hansı bir gün müəyyən edilməyib. İmam Əbu Yusufun fikrinə əsasən bir etikafın minimal vaxtı 1 gündür. İmam Muhəmməd bunun 1 saat olduğunu bildirir. Fiqh alimlərinin fikrincə 1 saat vaxtın qeyri-müəyyən olan az və ya çox hissəsi deməkdir. Yoxsa 1 günün iyirmi dörddə biri demək deyil. Etikafın minimal müddəti Malikilərin fikrinə əsasən 1 gündüz qədər, 1 gecədir. Şafiilər isə belə deyirlər ki, etikafın vaxtı: “Sübhanallah”, – deməkdən bir an qədər artıq olan çox az bir vaxtdır. Buna görə də bəzi məscidlərin girişində: “Etikafa niyyət etdim”, – demək olan “nəveytu-l-itikafə” cümləsi yazılır. Bu ona görə belə edilir ki, məscidə girənlər bu niyyəti etsinlər və məsciddən çıxana qədər etikaf savabı alsınlar.

Siz niyyətinizi edin və bir otağa çəkilin. Orada çoxlu ibadət edin. Etikaf budur. Amma bunu əsas da Ramazan ayının axırıncı günü etsəniz, lap yaxşı olar.

Çimmək orucu pozur?

Müsəlmanlar — Thu, 05 Aug 2010 04:59:46 +0000

Oruc tutan insan çimə bilər. Bunun bir eybi yoxdur. Lakin ağız və buruna su çəkdiyi vaxt ehtiyatlı olmalıdır. Boğazdan aşağı su getsə, oruc pozulur. Bunun xaricində oruclu ola-ola yuyunmağın bir eybi yoxdur.