Ananızın sizə: “Mütləq əzbərləməlisən!”- deməyinin səbəbi də bu vərdişindən irəli gəlir. Əlbəttə, sizin o surələri əzbərləməyiniz yaxşı olar. Çünki Allahın kitabı olan Qurandan nə qədər çox ayə əzbərləsəniz, sizin üçün bir o qədər yaxşıdır. Beləcə, ibadətlərinizi daha şüurlu surətdə yerinə yetirə bilərsiniz.

Bizim sizə tövsiyəmiz ondan ibarətdir ki, bu işlə maraqlanasınız və bacardığınız qədər surə və ayə əzbərləyəsiniz.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Sualınızla əlaqədar olaraq geniş bir cavabı buradan oxuya bilərsiniz:

http://www.muselmanlar.com/fitvalar/2006.html

İmran ibn Husayndan rəvayət olunur: Məndə babasil (hemoroid) xəstəliyi var idi. Peyğəmbərimizdən soruşdum ki, bu vəziyyətdə namazı necə qıla bilərəm? O, belə cavab verdi:

“Namazı ayaq üstə qıl. Əgər buna gücün çatmasa, oturulu vəziyyətdə qıl. Buna da gücün çatmasa, böyrü üstə uzanıb qıl”.

Bundan başqa Təbərani və Beyhəqinin rəvayətlərində belə bir hədis var:

Peyğəmbər (s. a. v.) bir xəstəyə baş çəkdi. Gördü ki, o, bir yastığın üstündə namaz qılır. Yastığı götürüb atdı. Bunun üstündən həmin xəstə adam bir taxta tapıb namazlarını onun üstündə qılmağa başladı. Həzrəti peyğəmbər taxtanı da götürüb atdı və belə dedi:

“Əgər bacarırsansa, namazını yerdə qıl. Bu cür qıla bilməsən, işarə ilə qıl. Səcdədə rükudakından bir az çox əyil”.

Hədisdən də başa düşüldüyü kimi, xəstə adam yastıq və taxtanı üstündə səcdə etmək üçün istifadə edirdi. Peyğəmbər buna ehtiyac görmədiyinə görə götürüb tullamış və ona namazını ima (işarələr, göz-qaş) ilə qılmağını tövsiyə etmişdir.

Namazlarını stulda qılanlar yerdə otura bilmədiklərinə görə belə edirlər. Bunun bir eybi yoxdur. Stulda qılmaqdansa yerdə oturub qılmaq isə daha münasibdir.

İndi isə gələk namaz məsələsinə. Tutalım ki, sizin bir firmanız var. Orada işləyən əməkdaşlar fərz namazları sizdən soruşmadan qıla bilərlər. Amma müstəhəb namazları qılmaq üçün sizdən icazə almalıdırlar. Çünki onlar oraya işləmək üçün gəlirlər. Dəstəmaz alarkən və namazda vaxtı uzada bilməzlər.

Odur ki, bir qadın da əgər ərinin onunla (xörək hazırlamaq, cinsi əlaqə və bu kimi) hansısa bir işi varsa, müstəhəb namazlarını çox uzatmamalıdır. Daha doğrusu, qıldığı vaxtı düzgün seçməlidir.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Misal üçün, belə bir vəziyyətdə günorta (zöhr) namazının 4 rükətlik fərzini (vacib), eləcə də, ikindi (əsr) namazının 4 rükətlik fərzini qılmaq olar. Salam verib namazı qurtardıqdan sonra dərhal işə başlamaq lazımdır. Namazları birləşdirib qılmaq da olar. Bu kimi hallarda təsbeh və dua ilə məşğul olmaq münasib deyil. Bununla belə, ən yaxşı hal müdirin iş şəraitini ibadət məsələlərinə müvafiq hala gətirməyidir. Yəni, bunu nəzərə almaq daha yaxşıdır. Yenə də müdiriyyətə bu məsələdə təzyiq göstərmək yaxşı deyil.

Sualınızla əlaqədar olaraq aşağıdakı cavabla da tanış olun:

http://www.muselmanlar.com/fitvalar/4265.html

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

1. Birinci tənəffüsdə dərhal günorta (zöhr) və ikindi (əsr) namazlarını birləşdirib qıla bilərlər (cəmi-təqdim). Bunun üçün namazların təkcə vaciblərini qılmaq kifayətdir.

2. Yaxud da ikindi vaxtı daxil olduqda yenə tənəffüsdə günorta və ikindini cəm edə bilərlər (cəmi-təxir).

3. Namaz qılmaq üçün bir məscidə getməkləri şərt deyil. Sinif otaqlarında (əgər problem yaranmayacaqsa) və ya məktəbin namaz qılmaq üçün əlverişli olan hər hansı bir yerində ibadət edə bilərlər.

4. Çox çətin bir vəziyyət yaranıbsa, Bəqərə surəsinin 239-cu ayəsinə əsasən yeriyə-yeriyə və ya oturulu halda namaz qıla bilərlər. Amma heç bir halda namazları qəzaya saxlaya bilməzlər.

5. Dəstəmaz aldıqda və namaz qıldıqda ayaqqabıları çıxartmaq şərt deyil. Dəstəmazda ayaqqabıların üstünə məsh emtək olar. Eləcə də, bu kimi hallarda ayaqqabılı namaz qılmaq da mümkündür. Bu, İslam dinində mövcud olan asanlıqlardan biridir.

Namazların birləşdirilib qılınmağı ilə əlaqədar tədqiqatla burada tanış ola bilərsiniz:

http://www.muselmanlar.com/tedqiqatlar/1953.html

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

“Ramazan elə bir aydır ki, insanlara yol göstərən, doğrunun dəlillərini ehtiva edən və doğrunu səhvdən (haqqı batildən) ayıran Quran o ayda endirilmişdir. Sizlərdən bu aya çatan (şahid olan) şəxslər (həmin ayı) oruc tutmalıdırlar. Sizdən xəstə və ya səfərdə olanlar o günlərin sayı qədər başqa günlərdə oruc tutmalıdırlar. Allah sizə asanlıq diləyir, çətinlik diləmir. Bir də o sayı tamamlamağınızı və sizə göstərdiyi doğru yol üzrə Ona təkbir gətirməyinizi istəyir. Bəlkə, şükr edəsiniz.” (Bəqərə, 2/185)

Yuxarıdakı ayədə: “لتكبروا الله على ما هداكم”: Sizə göstərdiyi doğru yol üzrə Ona təkbir gətirməyiniz”, - ifadə var və bu, bayram namazına işarə edir. Bu ayə göstərir ki, möminlər cəm halda Allahı zikr etməli, təkbir gətirməli (“Allahu Əkbər” demək) və Onu təqdis etməlidirlər.

Qurban bayramı namazına isə aşağıdakı ayə işarə edir:

“Onların [qurbanların] nə əti, nə də qanı Allaha çatar. Allaha çatan yalnız sizin təqvanızdır (Allaha zidd düşməkdən çəkinmək). Sizi doğru yola yönəltdiyinə görə Onu uca tutasınız (təkbir gətirəsiniz) deyə, bu (heyvanları) sizə beləcə ram etdi. (Sən isə) yaxşılıq edənləri müjdələ!” (Həcc, 22/37).

Bu ayədə də eyni ifadə var. Bu da möminlərin birlikdə Allahı uca tutmaq məqsədilə təkbir gətirməli olduqlarını göstərir.

وَلِكُلِّ أُمَّةٍ جَعَلْنَا مَنْسَكًا لِيَذْكُرُوا اسْمَ اللَّهِ عَلَىٰ مَا رَزَقَهُمْ مِنْ بَهِيمَةِ الْأَنْعَامِ ۗ فَإِلَٰهُكُمْ إِلَٰهٌ وَاحِدٌ فَلَهُ أَسْلِمُوا ۗ وَبَشِّرِ الْمُخْبِتِينَ

“Biz hər bir ümmət üçün qurban kəsmək ibadəti müəyyən etdik ki, Allahın onlara ruzi olaraq verdiyi heyvanları (qurban kəsərkən) Allahın adını çəksinlər. Sizin tanrınız Tək olan İlahdır. Yalnız Ona itaət edin. Sən təvazökar olanlara müjdə ver!” (Həcc, 22/34)

Bu ayədə də peyğəmbərə xitab edilir və qurban kəsmə günlərində: “وبشر المخبتين , təvazökar olanlara müjdə ver”, – deyilir. Buradan da belə başa düşülür ki, möminlər birlikdə olduqları vaxt müjdələnirlər. Elə isə möminlər bayram namazını qılmaq məqsədilə bir yerə cəm olurlar.

Muhəmməd peyğəmbərin (s. a. v.) də bayram namazını möminlərlə birilkdə qıldığını bildirən hədislər nəql olunub. Deməli, bayram namazı camaatla birgə qılınmalıdır.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Quranda belə deyilir:

“Əgər xəstə və ya səfərdə olsanız, yaxud sizlərdən biri ayaq yolundan gəlibsə və ya qadınlara toxunmusunuzsa (cinsi əlaqədə olmuşsunuzsa), su tapmasanız, təmiz torpaqla təyəmmüm edin və ondan üzünüzə və əllərinizə sürtün.” (Maidə, 5/6)

Bu ayəyə əsasən dəstəmazı pozan şeylər (ayaqyolundan) kənarda olsa da, ayaqyolunda baş verən işlərdir. Bunlar da hamıya məlumdur: Yel çıxartmaq, böyük və kiçik təbii ehtiyacları ödəmək. Namazda gülmək isə bunlardan biri deyil.

Sualınızla əlaqədar olaraq aşağıdakı cavablara da nəzər yetirin:

http://www.muselmanlar.com/fitvalar/3633.html

http://www.muselmanlar.com/fitvalar/destemaz

http://www.muselmanlar.com/fitvalar/3187.html

http://www.muselmanlar.com/fitvalar/2025.html

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.