Müselmanlar » Diş dolğusu

Dişlərdə plomb və körpü olduğu halda qüsl etmək olar?

teoloji — Tue, 07 Jul 2009 15:29:50 +0000

Cavab: Dişlərə plomb, qapaq, yaxud da körpü taxıldıqda Hənəfi məzhəbinin fikrincə bu, qüsl etməyə mane olmur. Çünki təzə dişlər artıq ana dişlərin yerinə keçib və bunların yuyulması elə əsl dişlərin yuyulması kimidir. Başqa sözlə, sağlamlıq baxımından bu dişlərə ehtiyac var və qüsl etmək məqsədilə bu dişləri yerindən çıxartmağa girişmək çətin və əbəsdir.

Qüsl edərkən vacib olan işlər bədənin yuyulması çətin olmayan yerlərini yumaqdır. Dəstəmaz almaq və qüsl etməklə əlaqədar ayə belə qurtarır:

“Allah sizə bir çətinlik yaratmaq istəmir. O, sizi arındırıb (təmizləyib) sizə olan nemətini tamamlamaq istəyir. Bəlkə, şükr edəsiniz” (Maidə, 5/6).

Həcc surəsinin 78-ci ayəsində də: “(Allah) din məsələsində sizə heç bir çətinlik yükləməz”, - deyilir.

Bu səbəblərə görə fiqhdə (islam hüququ) çətinlik doğuran/yaradan şeylərdə hökm dəyişdirilir. Bu prinsip “çətinlik aradan qaldırılır” formasındakı bir qaydada öz əksini tapır. Dişlərə plomb, körpü və qapaq kimi şeylər taxdırmaq sağlamlıq baxımından lazımlıdır. Qüsl edərkən bu cür şeyləri çıxardıb altını yumaq və sonra təzədən yerinə taxmaq olduqca çətin bir işdir; odur ki, bu şeylərə heç toxunmamaq lazımdır. Bunların özlərini yumaq çətin deyil. Ona görə də özlərini yumaq kifayət edir.

Nəticə olaraq qeyd edək ki, Hənəfi məzhəbinin fiqh kitablarında qüsl barədə belə deyilir: “Qüsl edərkən yuyulması çətin olan yerləri yumaq vacib deyil”.

Qüsl etmək üçün dişdəki plombları sökdürmək lazımdır?

teoloji — Tue, 07 Jul 2009 15:27:02 +0000

Cavab: Xeyr, belə bir şey lazım deyil. Dişlərdəki plombları çıxartdırmaq sizin üçün asan deyil. Halbuki, Allah dəstəmaz və qüslü tərif etdiyi ayədə belə buyurur:

Allah sizin üçün hər hansı bir çətinlik yaratmaq istəmir (Maidə, 5/6).

Başqa bir ayədə isə belə deyilir:

(Allah) din məsələsində sizə heç bir çətinlik yükləməyib (Həcc, 22/78).

Əlavə olaraq Şafii və Maliki məzhəblərində ağız və burnun içərisi bədənin xarici hissələrindən deyil, daxili hissələrindən hesab edilir. Başqa sözlə, onların fikrinə əsasən qüsl edərkən ağız və burnu yumaq fərz (vacib) deyil, sünnədir (müstəhəb). Siz bunu da əsas götürə bilərsiniz.

Dişə plomb qoydurulduqda və üstünə qapaq taxıldıqda dəstəmaz almaq lazımdır?

teoloji — Tue, 07 Jul 2009 15:23:12 +0000

Cavab: Xeyr, belə bir şərt yoxdur.

Ağrımayan çürük bir dişə qaplama etdirmək yaxud onu doldurtmaq olar?

teoloji — Tue, 07 Jul 2009 15:20:36 +0000

Cavab: Ağızda çürük diş olmağı sağlamlığa zərərli olduğuna görə həmin dişə onun ağrıyıb ağrımamasından asılı olmayaraq qaplama və ya dolğu (plomb) qoydurmaq olar.

Diş dolğusu və dişlərə körpü geyindirmək

teoloji — Tue, 07 Jul 2009 15:16:41 +0000

Bəli, düzəltdirmək olar (İbn Abidin, Rəddul-muxtar aləd-dürril-muxtar haşiyəsi, Amirə mətbəəsi, İstanbul, 1984, V cild, s. 318).

Dişlərdə plomb, dəstəmaz və qüsl

teoloji — Tue, 07 Jul 2009 14:47:11 +0000

Cavab: Diş dolğusu qüsl etməyə mane olmur. Çünki o, artıq dişin bir hissəsi halına gəlib.