Buna başqa misallar da vermək mümkündür. Belə ki, bəzi insanlarda dodaqlar anadangəlmə qüsurlu olur. Yanğın, yol-nəqliyyat qəzası, təbii fəlakət və sairə kimi arzuolunmaz hadisələr nəticəsində də insanlar yaralanır və bəzi hallarda onlarda ciddi fiziki qüsurlar yaranır. Bu kimi şeylər həmin insanları psixoloji cəhətdən çox narahat edir.

Odur ki, belə əməliyyatlarda bu sahənin mütəxəssisi olan həkimlərin, eləcə də, öz işini yaxşı bilən bir psixoloqun rəyinə diqqət yetirmək lazımdır. Əgər əməliyyatdan sonra qüsur aradan qaldırılacaqsa və insan sağlamlıq baxımından daha yaxşı olacaqsa, buna dini cəhətdən də icazə verilir və bu, lazımdır.

Ancaq: “Mən burnumu bəyənmirəm, dodağımı dartdıracağam, çənəmi qısaltdırmaq istəyirəm, döşlərimi böyütdürəcəyəm”, – və sairə kimi səbəblərlə, yəni, sırf gözəl görünmək üçün aparılan estetik əməliyyatlara icazə yoxdur. Qıda desək, bunlar İslam dininə əsasən düz deyil.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Allahın bu mənada qadağan etdiyi şeylər içildiyi, yeyildiyi və çəkildiyi vaxt insanı sərxoş edən hər şeydir. Təbii ki, buna təkcə yemək-içmək qəbilindən olan şeylər deyil, narkotik maddələr də daxildir.

Alkoqol kimyəvi bir maddə kimi bizim yediyimiz bir çox qida məhsulunda təbii olaraq var. Misal üçün, şaftalı, alma, çörək, alça, portağal, qatıq, banan və sairə. Əgər bu məhsullardakı alkoqol miqdarı haram olsaydı, bunların özləri də haram olardı. Halbuki bu barədə düşünmək qeyri-mümkündür.

Parfümeriyadakı alkoqol təbiəti baxımından uçucu bir maddədir.

Bununla bağlı olaraq ən çox soruşulan sual budur:

“Görəsən, ətirdən istifadə etdikdən sonra murdarlanırıq? Dəstəmaz sınır? Belə namaz qılmaq olar?”

Bir şeyi yadda saxlamaq lazımdır ki, həmin kimyəvi maddənin özü də nəcis (murdar) deyil. Maidə surəsinin 90-91-ci ayələrində belə deyilir:

“Ey iman gətirənlər! Xamr, qumar, dikilmiş daşlar və fal oxları şeytan əməli olan murdarlıqlardır. Onlardan uzaq durun ki, arzu etdiklərinizə qovuşasınız.

Şeytanın istədiyi yeganə şey xamr və qumar vasitəsilə sizin aranıza düşmənçilik və kin-küdurət salmaqdır. O, bir də Allahın zikri olan Qurandan və namazdan sizi uzaqlaşdırmaq istəyir. Artıq bundan üz döndərərsiniz, deyilmi?”

Ayədəki xamr sözü insanın ağlını əlindən alan şey mənasında işlədilib. Yeyildiyi vaxt, içildiyi və istifadə edildiyi vaxt insanın beynini uyuşdurub ağlını pərdələyən, yəni, onu sərxoş edən hər bir şey xamr kateqoriyasına daxildir.

Buradakı murdarlıq maddi (fiziki) deyil, mənəvidir. Tutalım ki, siz qumar oynanan bir zərə toxundunuz. Bu halda əliniz murdar olur? Əlbəttə ki, yox! Ancaq o zərlərlə qumar oynadığınız vaxt özünüzü mənəvi cəhətdən murdarlayıb günaha batırsınız.

Qısa desək, bu məsələdə fiziki murdarlıqla mənəvi kirliliyi bir-birindən ayırmaq lazımdır.  Kimyəvi maddə olan spirtdə nə fiziki, nə də mənəvi murdarlıqdan söhbət gedə bilər.

Nəticə olaraq, özünüzə istər ətir və ya dezodorant vurun, istərsə, üzünüzə odekolon vurun, dəstəmazınız pozulmur və bunun namaza heç bir təsiri yoxdur.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Ancaq yenə də nəzərə alınmalıdır ki, hər barmaqda bir üzük, boyunda birdən çox boyunbağı, qulaqda bir neçə sırğa və hətta qaş, burun və dodaqlarda piercing olması müsəlman bir xanıma yaraşmaz. Bu cür ifratdan uzaq durmalıdır.

Üzük taxmaqla əlaqədar ətraflı məlumat üçün aşağıdakı keçidlərə daxil olun:

http://www.muselmanlar.com/fitvalar/2278.html

http://www.muselmanlar.com/fitvalar/2945.html

Saytımızın materiallarından istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

“Günəş şüaları yayıldığı vaxt böyük bir gurultu ilə sarsıldılar.

Oranı alt-üst etdik. Üstlərinə bişmiş palçıqdan daşlar yağdırdıq.

Bunda təsirlənənlər üçün dəlillər var.

O yer hələ də bir yol üstündədir.

Bunda inananlar üçün qəti bir dəlil var”. (Hicr, 15/73-77).

Quranda haqlarında əshabi-hicr və Səmud qövmü kimi də danışılan Saleh peyğəmbərin (ə. s.) qövmünün olduğu və həlak edildiyi yer barədə peyğəmbərimizdən nəql olunan hədislər var. Misal üçün, Abdulla ibn Ömərdən belə rəvayət olunur:

“Peyğəmbər (s. a. v.) əshabi-hicr haqqında belə dedi:

“Ağlayıb ibrət almaq istisna olmaqla, nəbadə əzaba düçar edilən bu qövmün yurduna ayaq basasınız! Əgər ağlayıb dərs götürməyəcəksinizsə, onların məruz qaldığı əzabın sizə də toxunmamağı üçün yurdlarına girməyin”.

Bu ayə və hədisləri birlikdə mütaliə etmək və məsələni bu qayda ilə qiymətləndirmək lazımdır. Məhz bu vaxt məlum olur ki, Allah Təala tərəfindən həlak edilən qövmlərin qalıqları insanlar üçün bir ibrət və dərs götürüb nəticə çıxartmaq vasitəsidir. Ona görə də bu məqsədlə o yerlərə baş çəkib görmək olar. Lakin başqa səbəblərlə oraya getmək məsləhət görülmür.

“Hal-hazırda Ölü dəniz kimi məlum olan Lut gölünün suyu İsrail və İordaniya sahillərindəki su təmizləmə müəssisələrində təmizlənir. Tərkibindəki kimyəvi maddələr isə ya sənayedə istifadə olunur, ya da başqa ölkələrə ixrac edilir”.

Hədisdəki qadağa buna şamil edilmir. Başqa sözlə desək, tərkibində Lut gölündən çıxan duz olan krem və mazları istifadə etmək olar. Dini cəhətdən bir problem yoxdur.

QEYD: Əgər sualınızda qeyd etdiyiniz krem və ya maz tibbi bir şeydirsə, mütləq mütəxəssis bir həkimlə məsləhətləşin.

Saytımızın materiallarından istifadə zamanı mənbə göstərilməlidir. Müsəlmanlar © 2004 Bütün hüquqları qorunur.

Amma qadınlar saçlarını onlara yad olan kişilərə göstərə bilməzlər. Bu, haramdır. Ona görə də bir qadın saçını düzəltdirmək üçün qadın bərbərin yanına getməlidir.

Zəhmət olmasa, saytımızın bu məsələ ilə əlaqədar olan o biri yazılarını da oxuyun:

http://www.muselmanlar.com/fitvalar/957.html

http://www.muselmanlar.com/fitvalar/824.html

http://www.muselmanlar.com/fitvalar/1835.html

Yaddan çıxarmamaq lazımdır ki, evlilik üzüyünə bidət demək olmaz. Çünki bir şeyi bidət adlandırmaq üçün gərək həmin şey dinin əqidə (iman və inanc məsələləri) və ya ibadət sahələrinə aid bir yenilik olsun. Üzük isə belə bir şey deyil. Nəticə olaraq evlilik üzüyü taxmaq olar.

Üzüklə əlaqədar başqa bir sual-cavabı oxumaq üçün aşağıdakı keçidə daxil olun:

http://www.muselmanlar.com/fitvalar/2278.html

Üzük sol ələ taxılıbsa, təharət (ayaqyolunda su ilə təmizlik) vaxtı barmaqdan çıxartmaq lazımdır. Çünki sol əllə təharət işi görülür.

İmam Nəvəvi alimlərin üzüyü sağ və ya sol ələ taxmağa icazə verdiklərini, bu məsələdə həmfikir olduqlarını, lakin hansının daha yaxşı olduğuna dair fikir ayrılığına düşdüklərini bildirir. Sonra qeyd edir ki, İmam Malikin fikrincə üzüyü sol ələ taxmaq müstəhəb, sağ əlin barmaqlarına taxmaq isə məkruhdur. Öz məzhəblərinin (Şafii) fikrincə isə üzüyü sağ ələ taxmağın yaxşı olduğunu deyir.

Dərini iynənin ucu ilə cızıb qanadırlar, sonra həmin hissəyə sürtülən boyanı dərinin altına keçirir və bunu elə edirlər ki, o rəng bir də çıxmır. Peyğəmbərimiz Muhəmməd (s. a. v.) bu cür nakolka vurana və vurdurana lənət edib.

Nakolka (vəşm) bədəndə qalıcı iz qoyur. Beləliklə, nakolkanın özü də bədənin bir hissəsinə çevrilir. Nakolka məsələsində bu məqama xüsusilə fikir vermək lazımdır: Nakolka vurdurmaq və vurmaq yuxarıda da qeyd edildiyi kimi, peyğəmbərimiz tərəfindən lənətlənmiş bir şeydir. Başqa sözlə desək, nakolka vurmaq və vurdurmaq dini cəhətdən düzgün deyil, qadağandır. Ancaq nakolkanın özü dəstəmaz və qüslə mane olmur. Çünki o, dərinin üstündə deyil, altında yerləşir və bədənin bir hissəsi halına gəlir.

Xına (henna) bədəndə qalıcı iz qoymur. Yuyulduqca təmizlənir. Amma xına ilə bədənə şəkil çəkdirmək və ya nəsə bir yazı yazdırmaq (oğlanın sevdiyi qızın, yaxud bir musiqiçinin şəklini çəkdirmək, bir komandanın bayrağını əks etdirmək və yaxud siyasi bir mövqeyi ifadə etmək məqsədilə müxtəlif şüar və yazılar yazdırmaq kimi) da estetik və başqa cür görünmək məqsədi güdən bir hərəkətdir. Nəzərə almaq lazımdır ki, bu cür şeylər gözəl görünmək məqsədi daşıyır; eyni zamanda da insanın yaradıldığı forma və surəti dəyişdirməyə xidmət edir. Bu isə yolverilməzdir.

Nakolka vurdurmağı qadağan edən hədis belədir:

“Peyğəmbər faiz yeyəni (alanı), yedirdəni (verəni), ona şahidlik edənləri, onu yazıb qeyd edəni, döymə döyəni, qəşəngləşmək üçün döymə döydürəni, sədəqəyə mane olanı, xullə edəni və xullə etdirmək istəyəni lənətlədi”.

QEYD: Bəzən deyirlər ki, müasir texnologiya sayəsində insanın bədəninə zərər vurmadan, xəsarət yetirmədən, hətta tamamilə ağrısız-acısız, gigiyena şərtlərinə rəayət etməklə nakolka vurmaq mümkündür. Düzdür, bu praktiki olaraq mümkündür. Biz də bilirik ki, bəzi ölkələrdə nakolka işi ilə məşğul olanlara lisenziya verilir, vergi tələb olunur. Onların qarşısında əgər təhlükəli bir hal baş verərsə, müştərilərə ilk tibbi yardım etmək üçün lazımi tibbi avadanlıqları həmişə hazır saxlamaq şərti də kəsilir. Qısa desək, bu iş ayrı bir xidmət sektoruna çevrilib.

Bütün bunlara baxmayaraq İslam dinində nakolka vurmaq və vurdurmağa pis baxılır, bu qəti surətdə qadağandır. Bu barədə nəss var, yəni, peyğəmbər hədisi var. Bir sözlə, nakolka caiz deyil.

Dırnaqlar uzandığı vaxt ətlə dırnağın arasına çirkli və içərisində mikrob və bakteriya olan şeylər daxil olur. Xüsusilə də əl barmaqları bədənin demək olar ki, hər yerinə, ən əsası isə yemək yeyildiyi vaxt ağıza toxunduğuna görə ona eyni zamanda mikrobları daşıyır. Dəstəmaz aldıqda və ya qüsl edərkən su dırnaqların altına keçməlidir. Bu, şərtdir. Murdar şeylərlə dolu olduğuna görə həmin yerlərə su çatmasa, təmiz olmur. Gözəllik məqsədi ilə olsa da, hətta təmiz saxlansa belə, dırnaq uzatmaq düz deyil. Sünnəyə ziddir.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.