Müsəlmanlar

Fələq surəsi

Fələq surəsi

بِسْمِ اللَّهِ الرَّحْمَٰنِ الرَّحِيمِ

Bismillahi-r-Rahməni-r-Rahim!

(Yaxşılığı sonsuz, ikramı bol Allahın adı ilə!)

 

 De ki, sığınıram bölərək yaradılanın[1] Rəbbinə!                                           قُلْ أَعُوذُ بِرَبِّ الْفَلَق

 Yaratdığının şərrindən,                                                                                   مِنْ شَرِّ مَا خَلَقَ

 Çökdüyü vaxt gecənin şərrindən,                                                             وَمِنْ شَرِّ غَاسِقٍ إِذَا وَقَبَ

 Münasibətlərə fəsad qarışdıranların[2] şərrindən,                              وَمِنْ شَرِّ النَّفَّاثَاتِ فِي الْعُقَد

 Bir də həsəd etdiyi vaxt həsədçinin şərrindən.”                                 وَمِنْ شَرِّ حَاسِدٍ إِذَا حَسَدَ

 Bu surədə insanı günaha aparan yad təsirlərdən bəhs olunur. Bundan sonraki Nas surəsində isə daxili təsir vasitəsi olan vəsvəsədən Allaha sığınmaq əmr olunur. Çünki insan və cin şeytanlarını bizdən kənar edə bilən Odur. Hər iki surəyə müavvizəteyn (qoruyucu iki surə) deyilməsinin səbəbi də budur. Peyğəmbərimiz həzrəti Muhəmməd (s. a. v.) qorxu vaxtı və gecələr yatmazdan qabaq bu surələri oxumağımızı məsləhət görüb.

Nas surəsinə və nəzər haqqında məlumat üçün bu linki tuşlayın:

http://www.muselmanlar.com/fitvalar/4857.html

Yeni suallarınızı: http://www.muselmanlar.com/ elmi-araşdırma saytının sual-cavab bölümündən və ya [email protected] email adresindən yollaya bilərsiniz.

[1] Fələq; bölünmə yoluyla yaradılan deməkdir. Bu, Allahın yaratma qaidəsidir. Elmi dildə buna “mitoz bölünmə” deyilir. Hüceyrə mərkəzi ikiləşir və bölünərək çoxalmağa başlayır. Bənzər ayə: “Toxumu da, çərdəyi də bölən (çatladan) Allahdır. O, ölüdən diri çıxarır, diridən isə ölü çıxarır. Budur Allah! Buna baxmayaraq (haqdan) hardan sürüklənirsiz? (Ənam, 6/95.)

[2] Münasibətlər deyə tərcümə etdiyimiz (uqad=الْعُقَد) kəliməsi, bağlar mənasına gəlir. (İsfəhani, “Müfrədat”). النَّفَّاثَاتِ kəliməsinin müfrədi olan نفث bir şeyin ağızdan çıxmasına deyilir. Bu kəlimə Azərbaycan dilində də işlədilir. Münasibətlərdə, ünsiyyətlərdə bəzi insanların ağzından çıxan şeylərin şərrindən Allaha sığınılması, bunların münasibətlərə fəsad qarışdırması səbəbiylədir.