Sehr nədir?
Müsəlmanlar > Fal-sehr-cadu > Fitvalar Tarix: 15 Temmuz 2009 Tövsiyə et Çap et
Sual: Sehr (əfsun, cadu) nədir?

Cavab: Sehr əsl səbəbi gizli olduğuna görə olduğu kimi deyil, başqa cür təsəvvür və təxəyyül edilən göz bağlamaq, şarlatanlıq, hiyləkarlıq və oyunbazlıq deməkdir. Xalq arasında sehr sözünün yerinə əfsunlamaq, cadu-piti etmək və əl-ayaq bağlamaq kimi ifadələr də işlədilir. Sehr düzgün olan bir şeyi səhv, səhvi düzgün, xəyalı həqiqət və həqiqəti xəyal kimi qəbul etməyə gətirib çıxartdığına görə pis bir şeydir. Misal üçün, Həzrəti Musanın əsası möcüzə olaraq böyük bir ilana çevrildiyi vaxt narahat olan Firon sehrbazları köməyə çağırmış, onlar da insanları aldadıb qorxutmuş (Əraf, 7/116), atdıqları ip və çomaqları elə göstərmişdilər ki, guya onlar qaçırlar (Taha, 20/66).

Bəzi təfsir kitablarında qeyd edildiyinə görə o vaxtlar sehrbazlar qoyun bağırsaqlarına civə doldururmuşlar. Bu bağırsaqlar üstdən tutulduğu vaxt çomaq, ortadan tutulduğu vaxt da ip kimi görünürmüş. Sehrbazlar bir gün həmin bağırsaqları qızmar qumların üstünə atdılar və istidən qızıb hərəkət edən civə bağırsaqların ilan kimi qıvrılmasına səbəb oldu. İlanlara baxmağa gələn insanlar belə bir mənzərəyə şahid olduqlarına görə qorxuya düşdülər və elə zənn etdilər ki, bağırsaqlar qaçışan ilanlardır. Həzrəti Musa əsasını atdığı vaxt da əsa sehrbazların ilanlarını uddu. Sehrbazlar bunun bir sehr olmadığını hamıdan əvvəl başa düşüb səcdəyə döşəndilər və beləliklə, Musa peyğəmbərə inandılar (Əraf, 7/120).

Təbiətdə bizim bilmədiyimiz bir çox qanun var. Bəzi şəxslər bu qanunların bir qismini öyrənib başqalarına təsir göstərirlər. Məsələn, televizorun nə olduğunu bilməyən insanları onun vasitəsilə təsir altına almaq mümkündür. Burada bir məsələni də qeyd etmək lazımdır ki, insanların sehr üçün istifadə etdikləri metodlar yeni ixtiralar və kəşflər vasitəsilə dəyişə bilər.

Cinlər vasitəsilə də sehrbazlıq etmək mümkündür. Məsələn, bir cindar öz yanına gələn bir şəxslə əlaqədar olan məlumatları onunla münasibəti olan başqa bir cindən alıb həmin şəxsə bildirdiyi vaxt onu öz təsir dairəsinə alır. Buna görə də: “Mən hələ heç bir şey deməmiş mənə adımı, nə işlə məşğul olduğumu, dostlarımla necə münasibətdə olduğumu və bunlara oxşar şeylərin hamısını bildirdi”, – deməklə onu fövqəltəbii bir şəxs kimi qəbul edən və beləliklə, onun təsirinə düşən insanlara tez-tez rast gəlmək olur.

Sehrbazlar, başqa sözlə, cadugərlər gördükləri işin əsl mahiyətini gizlədib özlərini fövqəltəbii güclərə malik olan şəxsiyyətlər kimi göstərir və bu yolla insanları öz maraqları üçün təsir altında saxlamağa çalışırlar. Bu, haram və günahdır. Onlar Allahın vermədiyi bir gücün özlərində olduğunu və Allahın səlahiyyətlərinin bir qisminə malik olduqlarını göstərdiklərinə görə eyni zamanda şirkə də düşürlər.

Saytımızın materiallarından istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

Facebook'ta PaylaşTwitter'da Paylaş
4.135 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 İslam dinində vəfq məsələsinə münasibət 20.03.13 1.532 dəfə oxundu
2 Ər-arvadı cadu-piti ilə ayırmaq mümkündür? 21.05.13 7.939 dəfə oxundu
3 Sehr ya da cadu ilə məşğul olmaq şirkdirmi? 11.01.17 476 dəfə oxundu
4 Gözdəymə/nəzər varmı? 25.02.17 538 dəfə oxundu
5 Sehr nədir? 15.07.09 4.135 dəfə oxundu
6 Cadunun qarşısını almaq üçün cadugərə müraciət etmək lazımdır? 15.07.09 6.809 dəfə oxundu
7 Deyilənə görə ailəmə cadu edilib. Bu mənə pis təsir göstərir. 15.07.09 4.396 dəfə oxundu
8 İslamda falçılığa münasibət 27.11.10 7.240 dəfə oxundu
9 Camaat niyə baxıcıların yanına gedir? 09.12.10 2.674 dəfə oxundu
10 Peyğəmbərə cadu olunub? 22.01.11 5.747 dəfə oxundu
11 Ulduz falı nədir? Belə fala baxdırmaq olar? 01.02.11 5.703 dəfə oxundu
12 Kağıza dua yazdırıb özümüzlə gəzdirə bilərik? 01.05.11 11.250 dəfə oxundu
13 Kofe ilə fala baxmaq da sehrdir? 20.06.12 13.593 dəfə oxundu
14 İslamda cadu edən və etdirənin günahı nədir? 13.08.12 3.257 dəfə oxundu