Quranda mələk İsrafilin adı çəkilir?
Müsəlmanlar > Adlar > Fitvalar > Mələklər Tarix: 03 Aralık 2014 Tövsiyə et Çap et
Sual: Qurani-Kərimdə mələk İsrafilin adı qeyd olunub? Xahiş edirəm, bu barədə ətraflı məlumat verəsiniz.

Cavab: İsrafil dini ədəbiyyatda 4 böyük mələkdən biri hesab edilir. Onun vəzifəsinin Qiyamət günü sura üfürmək olduğu bildirilir.

Mənbələrdə İsrafil sözünün mənşəyi ilə əlaqədar dəqiq bir məlumat yoxdur. Bununla yanaşı, belə qəbul olunur ki, bu söz Ərəb dilinə İbrani dilindən keçib.

Quranda İsrafil sözü yoxdur; başqa sözlə, bu mələyin adı Quranda qeyd olunmur. Lakin onun nə iş görəcəyi barədə (sura üfürmək, suru çalmaq) məlumat var.

İsrafil sözünün “Allahın bəndəsi: Abdullah” və ya “Rəhmanın bəndəsi: Əbdürrəhman” mənalarını ehtiva etdiyini bildirən bəzi hədislər var.1 Buna əsaslanan alimlər belə düşünürlər ki, İsrafil sözü İbrani dilindəki “israf-seraf: bəndə, qul” kəlməsi ilə ilah mənası daşıyan “il-el” sözlərindən yaranıb.

Bəzi Avropalı tədqiqatçılar isə belə bir qənaətdədirlər ki, Sami dillərdə bir-birinə keçən sözlərdə bəzi dəyişikliklər baş verir. Onların fikrincə İsrafil sözü Əhdi-Ətiqdə işlədilən “sərafim” sözündən törəyib və bir dəstə mələyi ifadə edir.

Bu sözün mənasının İbrani dilində yox etmək, darmadağın etmək, aradan qaldırmaq olduğunu düşünənlər də var.

Quranda Qiyamətdən, daha doğrusu, Qiyamətin qopacağından söz açan ayələr kainatda böyük bir kosmik dəyişikliyin baş verməsinə səbəb olan bu hadisənin sura 1-ci dəfə üfürülməsi ilə başlayacağını bildirir. 2-ci üfürmə ilə (2-ci dəfə çalma) də hamının dirilib məhşərə getməyə hazır olacağı ifadə olunur.2 Burada suru çalmaq-ona üfürmək işinin, eləcə də, insanları haqq-hesab meydanına çağırmaq vəzifəsinin bir mələk tərəfindən həyata keçiriləcəyi qeyd olunur.3 İslam alimləri həmin mələyin İsrafil olduğunu düşünürlər və onlar bu məsələdə həmfikirdirlər.

Oxşar sual və cavabları ilə aşağıdakı keçidlərdə tanış ola bilərsiniz:

http://www.muselmanlar.com/fitvalar/4847.html

http://www.muselmanlar.com/fitvalar/4553.html

QEYD: Bu material hazırlandığı vaxt Türkiyə Diyanət Vəqfi tərəfindən nəşr olunan İslam Ensiklopediyasından istifadə olunmuşdur (müəllif: Lütfullah Cəbəci, 23-cü cild). Bu mənbə BDU-nun İlahiyyat fakültəsinin kitabxanasında və AMEA-nın mərkəzi elmi kitabxanasının şərq zalında mövcuddur.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

  1. Buxari, Təfsir, 2/6 və sairə. []
  2. Nəml, 27/87; Zümər, 39/68. []
  3. Qaf, 50/41; Qəmər, 54/6-8. []
Facebook'ta PaylaşTwitter'da Paylaş
1.612 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Bədir və Uhud döyüşlərində Mələklərin rolu nə olmuşdur? 02.05.16 593 dəfə oxundu
2 Mələklərin insanlar üçün şəfaət etməsi nə mənaya gəlir? 23.11.15 873 dəfə oxundu
3 Xızır, bir insandı yoxsa mələk? 30.05.16 820 dəfə oxundu
4 Qiyamətədək yaşamaq icazəsi təkcə İblisə verildi? 13.01.15 1.069 dəfə oxundu
5 Şeytan cindir, yoxsa mələk? 24.03.17 689 dəfə oxundu
6 Quranda mələk İsrafilin adı çəkilir? 03.12.14 1.612 dəfə oxundu
7 Kiramən-katibin 05.03.12 1.405 dəfə oxundu
8 Cəbrayılın 10 dəfə də yer üzünə enəcəyini deyən hədis var? 12.01.12 2.059 dəfə oxundu
9 Mələyin peyğəmbərə yuxuda gətirdiyi vəhyin Quran olmadığını demək olar? 05.07.09 3.262 dəfə oxundu
10 Mələk Mikail 05.03.12 5.453 dəfə oxundu
11 Mələklər ürəyimizdən keçənləri bilmirlərsə, onları kim yazır? 07.03.12 2.244 dəfə oxundu
12 Əzrailin adı Quran və hədislərdə var? 14.03.12 2.775 dəfə oxundu
13 Rizvan nə deməkdir? 05.04.12 4.103 dəfə oxundu
14 İblis mələklərin müəllimi idi? 22.07.12 1.491 dəfə oxundu
15 Quranda hansı mələklərin adı çəkilir? 26.07.12 4.090 dəfə oxundu
16 İman gətirənlərin ruhla gücləndirilməsi 30.07.12 1.872 dəfə oxundu
17 Mələklər də insanlar kimi döyüşüblər? 06.05.13 1.412 dəfə oxundu
18 Mələklərlə ünsiyyət qurmaq və onlardan kömək istəmək mümkündürmü? 08.05.13 2.066 dəfə oxundu