Xərçəngə tutulmaq taledir, yoxsa düzgün qidalanmamaq?
Müsəlmanlar > Fitvalar > Qəza-qədər Tarix: 02 Temmuz 2014 Tövsiyə et Çap et
Sual: Xərçəng xəstəliyi bizim qədərimizdir, yoxsa düzgün qidalanmamağımızdan irəli gəlir?

Cavab: Kainatda hər şey Allahın icazəsi ilə baş verir. O, bizi və hər şeyi fitrəti üzrə yaratmış və bir ömür vermişdir. Bu ömrü müəyyən yer və şəraitdə başa vururuq. Bu zaman istədiyimiz və ya istəmədiyimiz (özümüz ya da başqa insanlar tərəfindən) bəzi qəzalar yaşayırıq. Ancaq bütün bunlar Allahın icazəsi, yaradılış qanununa uyğun qoyduğu ölçülər çərçivəsində yəni, Onun qoyduğu təqdir ilə olur. Məsələn, biz Allahın yaratdığı daxili və xarici aləmlə daim ünsiyyət, mübarizə halındayıq və bizi Allah bunlarla imtahan etməkdədir.

“Biz sizi bir az qorxu, bir az aclıq, bir az da mal-dövlət, insan və məhsul qıtlığı ilə sınayarıq. Səbr edənlərə müjdə ver.” (Bəqərə 2/155)

Allaha təvəkkül edən biri üçün əsas olan, başına gələn işin faydalı və zərərli olmasından daha çox həmin şəxsin o işə qarşı göstərdiyi hərəkətidir. Bu səbəblə istədiyi bir şeyə nail olanın şükr etməsi, istəmədiyi ilə qarşılaşanın da səbr göstərməsi, onun imtahanı qazanıb qazanmamasının əsas meyarıdır.

Nəticə etibarı ilə Allahın yerdə qoyduğu ölçülərə başqa sözlə desək, qədərinə əsasən bizim yediyimiz ya da başqaları tərəfindən yedirildiyimiz normal qidalar  Allahın fitrətimizə verdiyi ömrü axıra qədər yaşamağımızı saxlayır. Zərərli ya da zəhərli qidalar isə, bu verilən ömrə son qoymağa başlayır. Məsələn, çörək və üzüm yeməklə insan normal həyatına davam edər. Ancaq qidaların tərkibini pozaraq çörək və üzümü içki kimi zərərli qidalar halına gətirib içərsə, həm daxili, həm də xarici faciələrlə üzləşir. Nəticədə ya özünün, ya da bir başqasının həyatı ilə oynamış olur.  Hər şey belədir… Biz Allahın yaratdıqları ilə fitrətimizə uyğun düzgün münasibət göstərərsək, bədənimizə uyğun havanı, qidanı həzm etsək xəstələnmək, düz yolda getsək isə düşmə ehtimalımız olmaz. Ancaq bunun tərsinə bədənimizə uyğun olmayan soyuq havanı almaqla soyuqlama, zərərli qidanı almaqla zəhərlənmə, ucuruma doğru getməklə düşmə ehtimalını nəzərə almalıyıq.

Qısa desək, bizim Allahın yaratdığı daxili və xarici aləmlə olan münasibətlərimiz qəza və qədərimizi təşkil edir. Buna təqdiri-ilahi də deyilir. Allahın icazəsi ilə etdiyimiz hər hansı bir iş bizim və başqalarının qədəri sayılır. Bu işlə meydana gələn nəticəyə də biz Allahın qəzası deyirik.

Müəllif: Aydın Mülayim.[1]

Qədər məsələsi ilə əlaqədar ətraflı oxumaq üçün aşağıdakı keçidə daxil olun:

http://www.muselmanlar.com/fitvalar/5139.html

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

[1] Müsəlmanlar.com saytının redaktoru.

Facebook'ta PaylaşTwitter'da Paylaş
2.683 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Xəstəliklər günahların kəffarəsidir? 28.01.14 2.112 dəfə oxundu
2 Hər şeyi yaradan Allah olduğuna görə şərri də Allah yaratmış olur? 14.01.15 1.003 dəfə oxundu
3 İnsanlar ancaq Allahın icazəsi ilə imana gəlirmi? 02.02.15 1.235 dəfə oxundu
4 Qədər yönündən, Bəqərə surəsinin 255-ci ayəsini necə başa düşməliyik? 06.06.15 991 dəfə oxundu
5 Bizim seçmədiyimiz şeylər qədərimiz deyilmi? 08.06.15 980 dəfə oxundu
6 Ruzi, insanın çalışmağına bağlıdır yoxsa qədərinə? 18.06.18 389 dəfə oxundu
7 Allahın yazdığından başqası başımıza gəlirmi? 11.04.14 1.706 dəfə oxundu
8 İsa əleyhissəlamın axirətdə nə deyəcəyi əvvəlcədən məlum idi? 25.02.19 119 dəfə oxundu
9 Xərçəngə tutulmaq taledir, yoxsa düzgün qidalanmamaq? 02.07.14 2.683 dəfə oxundu
10 Cəhmiyyə 27.02.12 1.811 dəfə oxundu
11 Evlilər arasındakı problem qismətdənmi, yoxsa səhv seçimdən? 21.11.15 1.300 dəfə oxundu
12 Quran meydana gələn hər şeyin yazıldığı bir kitabdır? 30.10.14 942 dəfə oxundu
13 İnsanın başına gələnlər Allah tərəfindən qabaqcadan müəyyənləşdirilir? 22.12.14 1.450 dəfə oxundu
14 “Nə edək, ən münasibi belə imiş!” demək qədər inancına müvafiqdir? 07.04.13 1.799 dəfə oxundu
15 Qəza-qədər məsələsi 24.02.13 4.093 dəfə oxundu
16 Bizim həyat yoldaşlarımız Allah tərəfindən qabaqcadan müəyyən edilir? 11.06.13 5.793 dəfə oxundu
17 Xızırın balaca bir uşağı öldürməyini nə cür başa düşmək lazımdır? 22.06.13 1.492 dəfə oxundu
18 Axirətdə kimin nə deyəcəyi bu dünyada müəyyən olunub? 29.06.13 1.957 dəfə oxundu