Müsəlmanlıqdan qabaq tapdanan bəndə haqqı
Müsəlmanlar > Bəndənin haqqı > Fitvalar Tarix: 03 Aralık 2013 Tövsiyə et Çap et
Sual: Bir kafir müsəlman olduğu vaxt günahları təmizlənir. Əgər bəndələrin haqq-hüququnu tapdayıbsa, necə? Bu günahları da bağışlanır, yoxsa yox? Mütləq gedib haqqını tapdadığı insanlardan halallıq almalıdır?

Cavab: Allah o insanın ancaq və ancaq Allaha qarşı günahlarını bağışlayar. Bəndə haqqı isə bağışlanmır. Bir sözlə bu məsələyə dair günahları silinmir.

Bəzi nadanlar elə hesab edirlər ki, Həccə getdikdə günahlar sıfırlanır. Getməmişdən qabaq hər növ fırıldaqçılıqla məşğul olurlar, sonra da Həccə gedib guya günahlarını təmizləyirlər!

Belə bir şey yoxdur! Həccə və ya ömrəyə getməklə günahlar təmizlənmir! Sən burada millətin haqq-hüququnu ye, sonra da öz ağlına görə günah təmizlə! Belə bir şey yoxdur.

Sizə bir hadisəni danışım. Bir gün bir idarədə işləyən bir şəxs bir nəfərdən rüşvət alıb. Vaxt ötüb, zaman keçib. Sonra rüşvət alan adam məscidə gedib və camaatdan belə bir xahiş edib:

“Mənə haqqınızı halal edin, Həccə gedirəm.”

Camaatın arasından vaxtilə o adama rüşvət verməyə məcbur qalmış adam çıxıb və belə deyib:

“Nə halallıq a kişi? Sən ki, məndən rüşvət aldın! Mən öz haqqımı sənə halal etmirəm!”

Bütün bunlarla demək istəyirəm ki, bəndə haqqı məsələsində mütləq halallaşmaq lazımdır. Bu iş eləcə müftə-müsəlləh ola bilməz!

Əgər haqqını tapdadığın insan(lar)a əlin çatmırsa, o haqqı ehtiyacı olan bir kasıba verməlisən. Əgər buna da imkanın yoxdursa, bu vaxt Allaha yalvar-yaxar edib bağışlanmağını diləməlisən. Əgər Allah sənin tövbə-istiğfar və duanı qəbul etsə, axirətdə o adamını da haqqını verəcəkdir.

Bu sualı da soruşurlar: Halallıq almaq təkcə sözlə olmalıdır?

Xeyr, təkcə sözlə olmaz. Bir nəfərin cibindən icazə almadan pulunu çəkib sonra da: “Haqqını mənə halal et”, – demək olmaz. Bunun da öz qayda-qanunu var.

Suala cavab verdi: Professor Abdulaziz Bayındır1

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

  1. İstanbul Universitetinin İlahiyyat fakültəsində İslam hüququ kafedrasının müdiri. []
Facebook'ta PaylaşTwitter'da Paylaş
1.246 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Oğurluq işıq işlədənlərdən lazımi yerə şikayət etmək lazımdır? 24.02.10 1.632 dəfə oxundu
2 İmtahanda kimdənsə köçürmək olar? 18.08.13 1.776 dəfə oxundu
3 Bəndənin haqqı və halallıq almaq dini cəhətdən necə olmalıdır? 24.02.10 9.294 dəfə oxundu
4 Müsəlmanlıqdan qabaq tapdanan bəndə haqqı 03.12.13 1.246 dəfə oxundu
5 Başqalarının şəkil və videosunu çəkib internetə qoymaq olar? 09.06.14 1.873 dəfə oxundu
6 İnternetdə bəzi gizli audio-video fayllara baxmaq və onları yaymaq düzgündür? 04.02.14 2.525 dəfə oxundu
7 Yiyəsindən icazə almamış simsiz internet işlətmək olar? 22.01.10 2.100 dəfə oxundu
8 Bir xəstənin müalicə olmaq istəməməsi caizdirmi? 06.11.17 232 dəfə oxundu
9 Qonşu ilə küsülü qalmaq düzgündür? 19.03.10 1.614 dəfə oxundu
10 Oğurluq elektrik enerjisi ilə qızdırılan suyu işlətmək düzdür? 22.04.10 1.596 dəfə oxundu
11 Könülsüz halallaşmaq düzdür? 23.11.10 1.635 dəfə oxundu
12 Müsəlman olmayanın haqqını yemək 20.12.10 2.059 dəfə oxundu
13 Turistlərlə alverdən sonra halallaşmaq olar? 24.06.09 1.881 dəfə oxundu
14 Bəndənin haqqı heç vaxt bağışlanmır? 21.03.11 1.762 dəfə oxundu
15 İnternetdən kitab yükləmək olar? 29.05.11 2.463 dəfə oxundu
16 Müəllimin keçdiyi dərsi diktafon və ya kamerayla qeyd etmək olar? 11.06.14 1.374 dəfə oxundu
17 Həmişə bağışlamaq mənfi nəticələr verir? 07.04.11 2.460 dəfə oxundu
18 Yetimin malını yemək 04.08.09 1.833 dəfə oxundu
19 Bəndə haqqını tapdayanların vəziyyəti axirətdə necə olacaq? 21.11.12 1.649 dəfə oxundu
20 Bəndə haqqı 07.07.09 2.053 dəfə oxundu
21 “Müflis mömin” hədisinin bəndə haqq-hüququ baxımından izahı 22.05.13 1.434 dəfə oxundu