Müselmanlar
Namazda bir rükətdə nəyə görə 1 rüku, 2 səcdə var?

Namazda bir rükətdə nəyə görə 1 rüku, 2 səcdə var?

Sual: Məlum olduğu kimi, namazda bir rükətdə 1 rüku, 2 səcdə var. Bu hal mələklərin həzrəti Adəm peyğəmbərə səcdə etməkləri ilə əlaqədardır? Yəni, Allah birinci səcdə əmrindən sonra İblis səcdə etmədiyinə görə mələklərə ikinci dəfə: “Adəmə səcdə edin!”, - deyib? Bunu bu cür başa düşmək nə dərəcədə düzgündür?

Cavab: Bunun cavabı ibadət sözündədir. İbadət qulluq etmək deməkdir. Bunu əmr edib buyuran isə Allahdır. Allah Təala bir çox əmr və qadağalarının səbəblərini bizə bildirməyib. Biz də öz növbəmizdə Allahın bəndələri olduğumuza görə bunları soruşmadan yerinə yetiririk. Sübh namazı 2 rükət olduğu halda, nə üçün şam namazı 3 rükətdir? Digər namazlar nəyə görə 4 rükətdir? Bir rükətdə 2 səcdə olduğu halda, nəyə əsasən 1 rüku var? Bu və oxşar ibadətlərin nə üçün belə olduğu Allah Təala və peyğəmbər (s. a. v.) tərəfindən şərh olunmayıb. Yəni, bir növ onlar elə dedikləri üçün belə olub.

Bəzi alimlər bu kimi şeylərin səbəb və hikmətlərini axtarıb tapmağa çalışmış və bəzi şeylər demişlər. Ancaq bütün bunlar ancaq bir şərhdən ibarətdir və həqiqi səbəbi izah edə bilmir.

Materiallardan istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

Bizi izləyin