Azan çəkildiyi vaxt özümüzü mütləq yığışdırmalıyıq?
Cavab: Azan namaza dəvətdir. Əgər azan çəkilirsə, bu onu göstərir ki, hansısa namazın vaxtı girib. Başqa bir ibadətlə məşğul olmayan insanlara məsləhət görülür ki, danışmayıb azana qulaq versinlər və peyğəmbərin (s. a. v.) etdiyi və məsləhət bildiyi kimi, azanın sözlərini təkrar etsinlər. Bir hədis rəvayətində deyilir ki, peyğəmbər: “Müəzzinin çağırışını eşitdiyiniz vaxt siz də onun dediyi sözləri deyin”, – deyib.1
Amma Quran oxumaq kimi bir ibadətlə məşğul olanların ibadətlərini yarımçıq qoyub, azana qulaq verməli olduqlarına dair bir dəlil yoxdur.
Azan bir şüardır. Rəmzdir. Allahın şüarlarında hörmət etmək Allaha ehtiram bəsləmək deməkdir. Bununla əlaqədar ayə belədir:
“Ey iman gətirənlər! Allahın qoyduğu işarələrə (simvollar, əlamətlər), haram ayına, Həcc qurbanına, boynuna nişan taxılmış qurbanlıq heyvanlara və Rəbbinin lütfünü və rizasını istəmək üçün Kəbəyə üz tutanlara hörmətsizlik etməyin”.2
Başqa bir ayədə isə Allah bildirir ki, şəairullaha, yəni, Allahın qoyduğu şüarlara hörmət etmək qəlblərin təqvasından asılıdır.3 Buna görə də namazına sadiq qalan möminlərin ancaq qulaqları deyil, ürəkləri də azanda olmalı və əgər başqa bir ibadətlə məşğul deyillərsə, azana dərin hörmətlə qulaq asmalıdırlar.
Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.
Etiketlər: Allaha ehtiram, azan allahın qoyduğu şüarlardan biridir, azan dini bir rəmzdir, azan səsindən narahat olmaq, azan vaxtı özünü yığışdırmaq, azana hörmət qoymaq, azana qulaq asmaq, azana söymək, dinə hörmət, şəairullah
Kateqoriyadakı digər yazılar:
| Sıra | Sərlövhə | Tarix | Oxunma |
|---|---|---|---|
| 1 | Hər millət öz dilində azan verə bilər? | 12.06.11 | 173 dəfə oxundu |
| 2 | Cümə günü xütbədən qabaq oxunan daxili əzana ehtiyac var? | 25.03.11 | 258 dəfə oxundu |
| 3 | Adı dəyişdirdikdə təzədən əzan oxumaq və qurban kəsmək lazımdır? | 31.01.11 | 341 dəfə oxundu |
| 4 | Namazı əzan oxunan kimi qılmaq lazımdır? | 21.12.10 | 645 dəfə oxundu |
| 5 | Qadınlar niyə iqamə demirlər? | 30.11.10 | 776 dəfə oxundu |
| 6 | Sübh namazını əzan oxunan kimi qılmaq olar? | 12.01.11 | 515 dəfə oxundu |
| 7 | Azan çəkildiyi vaxt özümüzü mütləq yığışdırmalıyıq? | 06.07.10 | 451 dəfə oxundu |
| 8 | Əzanın axırına səla əlavə etmək düzdür? | 13.01.12 | 113 dəfə oxundu |
