Tatuirovka döydürmək olar?
Müsəlmanlar > Bəzənmək > Fitvalar Tarix: 30 Haziran 2010 Tövsiyə et Çap et
Sual: Döymə döydürmək olar? İslamda bu barədə nə deyilir? Xına ilə bədənə nəsə çəkmək olar? Bədəndə tatuirovka və hansısa şəkil olduğu halda, dəstəmaz almaq və qüsl etmək olar? Deyilənə görə bədənində nakolka olanın dəstəmazı və qüslü qəbul olunmur. Bu nə dərəcədə düzdür?

Cavab: Döymə döydürmək1 adətən aşağıdakı kimi həyata keçirilir:

Dərini iynənin ucu ilə cızıb qanadırlar, sonra həmin hissəyə sürtülən boyanı dərinin altına keçirir və bunu elə edirlər ki, o rəng bir də çıxmır. Peyğəmbərimiz Muhəmməd (s. a. v.) bu cür nakolka vurana və vurdurana lənət edib.

Nakolka (vəşm) bədəndə qalıcı iz qoyur. Beləliklə, nakolkanın özü də bədənin bir hissəsinə çevrilir. Nakolka məsələsində bu məqama xüsusilə fikir vermək lazımdır: Nakolka vurdurmaq və vurmaq yuxarıda da qeyd edildiyi kimi, peyğəmbərimiz tərəfindən lənətlənmiş bir şeydir. Başqa sözlə desək, nakolka vurmaq və vurdurmaq dini cəhətdən düzgün deyil, qadağandır. Ancaq nakolkanın özü dəstəmaz və qüslə mane olmur. Çünki o, dərinin üstündə deyil, altında yerləşir və bədənin bir hissəsi halına gəlir.

Xına (henna) bədəndə qalıcı iz qoymur. Yuyulduqca təmizlənir. Amma xına ilə bədənə şəkil çəkdirmək və ya nəsə bir yazı yazdırmaq (oğlanın sevdiyi qızın, yaxud bir musiqiçinin şəklini çəkdirmək, bir komandanın bayrağını əks etdirmək və yaxud siyasi bir mövqeyi ifadə etmək məqsədilə müxtəlif şüar və yazılar yazdırmaq kimi) da estetik və başqa cür görünmək məqsədi güdən bir hərəkətdir. Nəzərə almaq lazımdır ki, bu cür şeylər gözəl görünmək məqsədi daşıyır; eyni zamanda da insanın yaradıldığı forma və surəti dəyişdirməyə xidmət edir. Bu isə yolverilməzdir.

Nakolka vurdurmağı qadağan edən hədis belədir:

“Peyğəmbər faiz yeyəni (alanı), yedirdəni (verəni), ona şahidlik edənləri, onu yazıb qeyd edəni, döymə döyəni, qəşəngləşmək üçün döymə döydürəni, sədəqəyə mane olanı, xullə2 edəni və xullə etdirmək istəyəni lənətlədi”.3

QEYD: Bəzən deyirlər ki, müasir texnologiya sayəsində insanın bədəninə zərər vurmadan, xəsarət yetirmədən, hətta tamamilə ağrısız-acısız, gigiyena şərtlərinə rəayət etməklə nakolka vurmaq mümkündür. Düzdür, bu praktiki olaraq mümkündür. Biz də bilirik ki, bəzi ölkələrdə nakolka işi ilə məşğul olanlara lisenziya verilir, vergi tələb olunur. Onların qarşısında əgər təhlükəli bir hal baş verərsə, müştərilərə ilk tibbi yardım etmək üçün lazımi tibbi avadanlıqları həmişə hazır saxlamaq şərti də kəsilir. Qısa desək, bu iş ayrı bir xidmət sektoruna çevrilib.

Bütün bunlara baxmayaraq İslam dinində nakolka vurmaq və vurdurmağa pis baxılır, bu qəti surətdə qadağandır. Bu barədə nəss var, yəni, peyğəmbər hədisi var. Bir sözlə, nakolka caiz deyil.

Saytımızın materiallarından istifadə edərkən mənbə göstərilməlidir. Müsəlmanlar © 2004 Bütün hüquqları qorunur.

  1. Camaat arasında buna “nakolka vurdurmaq” deyilir. []
  2. Bir kişi 3 dəfə boşadığı qadınla təzədən evlənə bilməz. Lakin həmin qadın adi qaydada başqa birinə ərə getsə, bu əri də onu boşasa və ya ölsə, o zaman qadın iddə müddətini başa vurduqdan sonra, yəni, Quranda müəyyən edilmiş vaxt qədər gözlədikdən sonra birinci əri ilə təzədən ailə qura bilər. Bəzi şəxslər ərinin 3 dəfə boşadığı qadınla şifahi razılıq yolu ilə kəbin kəsdirir, zifafdan sonra onu boşayır və birinci ərinə halal olmağını təmin etməyə çalışırlar. Buna xullə deyilir. Peyğəmbərimizin hədisi bu hərəkəti də qadağan edərək lənətləyib. []
  3. Buxari, Libas (Geyim-Kecim), 82-87; Müslim, Libas, 119. []
Facebook'ta PaylaşTwitter'da Paylaş
7.483 dəfə oxundu
Kateqoriyadakı digər yazılar:
Sıra     Sərlövhə Tarix    Oxunma    
1 Bəzək üçün xaç taxmaq olar? 29.06.09 2.563 dəfə oxundu
2 Odekolondakı spirt namaza maneçilik törədir? 23.06.11 6.842 dəfə oxundu
3 Qadınların ətir vurmağı dini cəhətdən qadağandır? 05.02.10 4.658 dəfə oxundu
4 Bədənin hansı hissəsində estetik əməliyyat aparmaq olar? 04.07.11 3.711 dəfə oxundu
5 Qaş aldırmaq olar? 18.03.10 26.706 dəfə oxundu
6 Müsəlman kişilər qızıl üzük taxa bilərlər? 10.05.12 6.992 dəfə oxundu
7 Qulağı bir neçə yerdən deşdirmək olar? 18.03.10 5.036 dəfə oxundu
8 Qadın sırğa taxmaq üçün qulaqlarını deşdirə bilər? 04.10.12 3.376 dəfə oxundu
9 Saç əkdirmək dini cəhətdən düzgündür? 18.03.10 2.386 dəfə oxundu
10 Kişilər saçlarını uzada bilərlər? 04.12.12 1.925 dəfə oxundu
11 Qadınlar evdən kənarda da makiajlı gəzə bilərlər? 22.03.10 3.081 dəfə oxundu
12 Qızılın kişilərə qadağan olunmağını Qurana əsasən izah edə bilərsiniz? 23.06.13 2.205 dəfə oxundu
13 Dırnaq uzatmaq 22.03.10 11.743 dəfə oxundu
14 Botoks və buruna plastik əməliyyat 24.05.14 1.784 dəfə oxundu
15 Tatuirovka döydürmək olar? 30.06.10 7.483 dəfə oxundu
16 Mən boynuma üstündə xaç işarəsi olan medalyon taxa bilərəm? 04.08.09 2.718 dəfə oxundu
17 Aybaşı vaxtı xına qoymaq 21.01.10 7.024 dəfə oxundu
18 Saça rəng qoymaq orucu pozur? 03.08.10 11.455 dəfə oxundu
19 Üzüyü hansı barmağa vurmaq olmaz? 15.07.10 12.804 dəfə oxundu
20 Dırnaqlardakı lak dəstəmaz və qüslə mane olur? 24.08.09 49.289 dəfə oxundu
21 Evlilik üzüyü vurmaq olar? 27.01.11 4.075 dəfə oxundu
22 İslam dinində saça rəng qoymağa necə baxılır? 24.08.09 7.971 dəfə oxundu
23 Qadın saçını düzəltdirə bilər? 18.02.11 2.355 dəfə oxundu
24 Kişilərin çeçələ barmaqlarına xına qoymağı haramdır? 22.02.10 1.864 dəfə oxundu
25 Tərkibində Lut gölündən çıxan duz olan kremi işlətmək olar? 23.02.11 1.967 dəfə oxundu
26 Qadınların bədənlərindəki tükləri aldırmağı düzgündür? 15.01.10 4.244 dəfə oxundu
27 Hicablı qadın qızıl dəsti taxa bilər? 13.03.11 4.068 dəfə oxundu