“Balalarım ölsün” demək and kimi qəbul olunur?
Müsəlmanlar > And içmək > Fitvalar Tarix: 13 aprel 2010 Tövsiyə et Çap et
Sual: Bir kişi arvadına: “Balalarım ölsün ki!”, - deyərək yalan yerə and içib. Deyir ki, ailəsini dağıtmamaq üçün belə edib. Həmin kişi bu vəziyyətdən xilas olmaq üçün nə cür bir kəffarə verməlidir?

Cavab: Allahdan başqa bir varlığa and içmək düzgün deyil. Belə şeylər and hesab olunmur. Abdullah ibn Ömər (r. a.) nəql edir:

“Rəsulullah (s. a. v.) Ömərin (r. a.) atasının adını çəkib and içdiyini eşitdikdə belə buyurdu:

“Allah Təala atanızı yad edib and içməyinizi qadağan edib. Elə isə kim and içsə, ya Allaha and içsin, ya da sussun”.1

Əbu Hüreyrədən nəql olunan hədisdə belə deyilir:

“Atalarınızın, analarınızın və bütlərinizin adları ilə and içməyin. Ancaq Allahın adı ilə and için. (Allahın adı ilə də) ancaq (sözünüz) düz olduğunuz vaxt and için”.2

Həmin adam dediyi bu arzuolunmaz sözlərə görə tövbə edib Allahdan onu bağışlamağını diləməlidir. Bu kimi sözlər and hesab olunmadığı üçün hər hansı bir kəffarə ödəmək lazım deyil.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

  1. Buxari, Əyman (Andlar), 4; Müslim, Əyman, 1 (1646); Əbu Davud, Əyman, 5; Tirmizi, Əyman, 8; Nəsai, Əyman, 5. [↩]
  2. Əbu Davud, Eyman, 4. [↩]
Facebook'ta PaylaşTwitter'da Paylaş
Kateqoriyadakı digər yazılar:
Sıra     Sərlövhə Tarix    Oxunma    
1 And içmək 29.06.09 662 dəfə oxundu
2 And kəffarəsi kimi bir yoxsula 10 günlük yemək pulu vermək olar? 15.01.10 366 dəfə oxundu
3 “Balalarım ölsün” demək and kimi qəbul olunur? 13.04.10 508 dəfə oxundu
4 Quranda and içilən şeylərə biz də and içə bilərik? 24.02.11 425 dəfə oxundu
5 “Səninlə danışsam, kafir olum!”, – deməyin hökmü nədir? 28.05.11 244 dəfə oxundu
6 10 kasıbı yedirtmək 1 köləni azad etməyə bərabərdir? 24.06.11 213 dəfə oxundu