Şahidsiz boşanma etibarlı hesab olunur?
Cavab: Bu məsələ ilə əlaqədar olaraq müxtəlif ictihadlar edilə bilər. Bizim fikrimizcə, belə bir vəziyyətdə talaq (boşanma) baş vermir. Bu məsələyə dair ayələr belədir:
“Qadınlar gözləmə müddətlərinin axırına gəldikləri zaman, onları ya yaxşılıqla (məruf) saxlayın, ya da xoşluqla (məruf) ayırın. İçərinizdən iki etibarlı şahid tutun. Şahidliyi Allah üçün yerinə yetirin. Budur, bu, aranızdan Allaha və axirət gününə inanan kəsə verilən öyüd-nəsihətdir. Kim Allaha zidd çıxmaqdan çəkinsə, O, ona bir çıxış yolu açar.
Ona gözləmədiyi yerdən ruzi verər. Kim Allaha arxalansa, O, ona kifayət edər. Allah əmrini yerinə yetirəndir. Allah hər şey üçün bir ölçü, bir standard qoymuşdur”. (Talaq, 65/2-3)
Boşanmada şahid tutmaq vacib şərtlərdən biri kimi görünür. Çünki talaq əsnasında qadının aybaşı halında olmadığını, əgər belə deyilsə, həmin təmizlik müddəti ərzində əri ilə əlaqədə olub olmadığını etiraf yolu ilə və yaxud başqa bir formada müəyyənləşdirmək, əlavə olaraq, gözləmə müddətinin başa çatdığını müəyyən etmək lazımdır. Bu müəyyənləşdirmələr isə ancaq şahid vasitəsilə aparıla bilər. Buna görə də biz belə fikirdəyik ki, şahid olmadığı vaxt boşanma meydana gəlmir.
Saytımızın materiallarından istifadə zamanı mənbə göstərilməlidir. Müsəlmanlar © 2004 Bütün hüquqları qorunur.
Etiketlər: boşanma hüququ, boşanmaq üçün şahid tutmaq, şahidsiz boşanma, talağını vermək, talaq, təlaq
