Müselmanlar
Seks problemi olan evli bir kişi başqa qadınlarla ola bilər?

Seks problemi olan evli bir kişi başqa qadınlarla ola bilər?

Sual: Mən 6 ildir ki, evliyəm. 1 uşağımız var. Son zamanlarda arvadımla cinsi əlaqədə problemlə üzləşirəm. O çox həvəssizdir. Mən isə olduqca istəkliyəm. Arvadım mənə deyir ki, istəyirsənsə, başqa qadınlarla əlaqə yarada bilərsən. Yəni, arvadım buna icazə verir amma mən özüm zinanın günah olduğunu bilirəm. Belə olan halda, nə etməliyəm?

Cavab: Bu məsələdə sizin yoldaşınızın deyil, Allahın icazə verib verməməyi əsasdır. Allah Təala zinanı qəti surətdə qadağan edib. Ona görə də bundan uzaq durmalısınız.

Əgər arvadınızın bir problemi varsa, hər şeydən əvvəl onu müalicə etdirməlisiniz. Bu, mümkündür. Əgər problem yenə aradan qalxmasa, o vaxt başqa bir qadınla kəbin kəsdirib evlənə bilərsiniz. Bunun üçün o qadının (ikinci xanım namizədinin) valideyninin və ya valideyni əvəz edən şəxsin icazəsi şərtdir. Bir qadın və kişinin qanuni formada cinsi əlaqədə ola bilməyinin yeganə şərti aralarında nikahın olmağıdır. Siz də müvafiq bir kəbin kəsdirdiyiniz təqdirdə başqa bir qadınla evlənə bilərsiniz. Dini baxımdan buna ixtiyarınız və icazəniz var.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.

Bizi izləyin