Hamilə qadınlar necə namaz qılmalıdırlar?
Müsəlmanlar > Fitvalar > Namaz Tarix: 07 Fevral 2010 Tövsiyə et Çap et
Sual: Mən 5 aydır ki, hamiləyəm. 3 yaşında bir oğlum da var. 5 vaxt namazlarımı layiqincə qılmağa çalışıram amma bu ibadəti yerinə yetirmək mənim üçün getdikcə çətinləşir. Namazı hələ ki, oturub qılıram. Bəlkə, 2-3 aydan sonra bunu da edə bilməyəcəyəm. Vicdan əzabı çəkirəm. Görəsən bu məsələdə bir asanlıq var?

İslam dini asanlıq dinidir. Allah Təala Qurani-Kərimdə belə buyurur:

“Allah heç kimə onun gücünün çatdığından artıq yük yükləməz”.1

Allah Təala insanlara dinin əmr etdiyi məsələlərdə heç bir çətinlik yükləməyib. O, belə buyurur:

“Allah sizi çətinliyə salmaq istəmir, lakin O, sizi arındırmaq (pak və təmiz etmək) və sizə verdiyi nemətini tamamlamaq istəyir. Beləcə bəlkə, şükr edəsiniz”.2

“(Allah) sizə  din barəsində heç bir çətinlik yükləməyib”.3

“Kora babal yoxdur, topala babal yoxdur, xəstəyə də babal yoxdur (onlara günah gəlməz)”.4

Namazını ayaq üstə qıla bilməyənlərlə əlaqədar olaraq belə bir hədis var:

İmran ibn Husayndan rəvayət edilir: Məndə hemoroid (babasil) xəstəliyi var idi. Peyğəmbərimizdən soruşdum ki, belə bir vəziyyətdə namazı necə qılım? O, mənə cavab olaraq: “Namazı ayaq üstə qıl. Əgər buna gücün çatmasa, oturub qıl. Buna da gücün çatmasa, böyür üstə uzanıb qıl”5 – dedi.

Siz ancaq əlinizdən gələn və görə bildiyiniz işlərə görə cavabdehsiniz. Namazınızı bacardığınız qədər oturub qılın. Gücünüz buna da çatmasa, hədisdə bildirildiyi kimi uzanıb qılın.

  1. Bəqərə, 2/286. [↩]
  2. Maidə, 5/6. [↩]
  3. Həcc, 22/78. [↩]
  4. Fəth, 48/17. [↩]
  5. Buxari, Təqsirus-Səlat, 19; Əbu Davud, Səlat, 174 [↩]
Kateqoriyadakı digər yazılar:
Sıra     Sərlövhə Tarix    Oxunma    
1 Rüku və səcdələrdə təsbihatın uzunluğu nə qədər olmalıdır? 04.03.10 35 dəfə oxundu
2 Qadınlar namazı kişilərdən fərqli qılırlar? 06.08.09 159 dəfə oxundu
3 Camaat namazında cərgələr və qabaq səfdən arxa cərgəyə çəkilmək 14.01.10 49 dəfə oxundu
4 Qaranlıqda namaz qılmaq məkruhdur? 16.01.10 78 dəfə oxundu
5 Namazda İbrahim peyğəmbərə niyə dua edirik? 22.01.10 66 dəfə oxundu
6 Kor bir adam namazda başqalarına imamlıq edə bilər? 06.02.10 52 dəfə oxundu
7 İş yerində namaz qılmağa icazə verilmirsə, nə etmək lazımdır? 06.02.10 74 dəfə oxundu
8 İçki olan bir otaqda namaz qılmaq olar? 07.02.10 95 dəfə oxundu
9 Səhv tərəfə qılınan namaz səhihdir? 07.02.10 49 dəfə oxundu
10 Bir ata öz oğlunun evində səfəri olar? 07.02.10 43 dəfə oxundu
11 Hamilə qadınlar necə namaz qılmalıdırlar? 07.02.10 63 dəfə oxundu
12 Qəbir-nur namazı deyilən bir namaz var? 12.03.10 7 dəfə oxundu