Müsəlmanlar
Quranda hər şey yazılıb?

Quranda hər şey yazılıb?

Cavab: Quran təbiət kimidir. Onun meyvələrindən yeyər, sularından içərsiniz amma çörək yemək istəsəniz, buğdanı əkən, biçən, təmizləyən, un halına gətirən, unu sobaya bişirməyə aparan, çörəyi bişirən və sizə satan insanların olmasına ehtiyac hiss edərsiniz. Bu cür şeylər müəyyən mənada qabiliyyət və ixtisaslaşma tələb edir. Siz çörəyə baxmaqla onun necə hazırlandığını başa düşməzsiniz.

Hədislər də çörək kimidir. Onları peyğəmbərimiz (ə. s.) hazırlayıb. Necə hazırlandığını sadəcə olaraq bir mütəxəssis heyəti anlaya bilər. Namazın necə qılınmalı və neçə rükətdən ibarət olması məsələsi də Quranda vardır; lakin onu oradan çıxarıb anlamaq mütəxəssislərin bacara bildikləri bir işdir. Bu iş eynilə qızıl çıxarmaq kimidir.

Ən böyük təqva Allahın buyuruqlarına tabe olmaq və qadağalarından uzaq durmaqdır. Bizim saytlarımız bu məsələdə hər hansı bir şeyi əksik qoymayıb.