Müsəlmanlar

Bir qız ögey qardaşlarının yanında başı açıq gəzə bilər?

Sual: Anam öldü. Bundan sonra atam ikinci dəfə evləndi. Bizə bir ögey ana gətirdi. Ögey anamızın böyük oğulları və nəvələri var. Bizim onlarla məhrəmiyyətimiz nədir? Mən onların yanında başı açıq gəzə bilərəm?

Cavab: Həmin oğlanlar adət-ənənə baxımından sizin ögey qardaşlarınız hesab edilsələr də, dini cəhətdən həm onlar sizə halal, həm də siz onlara halal olursunuz. Başqa sözlə desək, onlar sizin üçün yad kişi hesab olunurlar. Beləliklə, onların yanında başı açıq gəzməyiniz caiz deyil; dini cəhətdən düzgün qəbul olunmur.

Mömin qadınların öz başlarını kimin yanında aça biləcəkləri məsələsi ayədə izah olunub. Allah Təala belə buyurur:

“Mömin qadınlara de ki, gözlərini haramdan çəkindirsinlər, iffətlərini qorusunlar, öz-özlüyünə görünən hissənin xaricində zinətlərini göstərməsinlər. Baş örtüklərini yaxalarının üstünü də əhatə edən formada taxsınlar. Ataları, qayınataları, oğulları, ərlərinin oğulları, qardaş-bacıları, qardaş-bacılarının oğulları, müsəlman qadınlar, cariyələr (kəniz), kişiliyi qalmamış tabelər (yəni, köməyə möhtac hala düşmüş və kişiliyi qalmamış yoxsul və düşkünlər) ya da qadınların məhrəm yerlərini hələ başa düşmək vaxtına gəlməmiş uşaqlardan başqasına zinətlərini göstərməsinlər. Gizli gözəlliklərinin aşkara çıxması üçün ayaqlarını yerə vurmasınlar” (Nur, 24/31).

Bu ayəyə əsasən müsəlman bir qadın başını ancaq yuxarıda bildirilən şəxslərin yanında aça bilər.

Materiallardan istifadə zamanı mənbə göstərilməlidir. MÜSƏLMANLAR © 2004 Bütün hüquqları qorunur.