Bank hesablarımızda özümüz istəmədən yığılan pullar faizdir, yoxsa yox?
Sual: Mən bir kitabda oxumuşam ki, bank hesablarında istənmədən yığılan faiz pulu kasıblara verilməlidir. Bir təqvimdə isə belə bir qeydə rast gəlmişəm: “İnsanın özünə haram olduğuna görə yemədiyi şeyi başqasına verməyi daha böyük günahdır”. Buradan belə bir sual yaranır: Bank hesablarımızda özümüz istəmədən yığılan pullar faizdir, yoxsa yox? Əgər belədirsə, yəni, faizdirsə, biz bu pulları nə etməliyik? Borc faizi ilə bir ev alan şəxs eyni banka borcunun müddəti başa çatanadək pul qoysa, aldığı faizi müddət başa çatdığı vaxt banka qalan borclarını ödəmək üçün istifadə edə bilərmi? Əgər istifadə edə bilərsə, həm faiz verdiyinə, həm də aldığına görə iki dəfə günaha batmış olarmı?
Haramlar iki yerə bölünür. Birinə haram lieynihi deyilir. Bu da öz növbəsində “özlüyündə haramlıq olan şey” deməkdir. Misal üçün, donuz əti, içki və ölü heyvanın əti. Digəri isə haram liğeyrihidir. Bu, “özlüyündə haramlıq olmayan, lakin qazanılma forması haram olan şey” deməkdir. Faiz pulu belədir. Faizdən gələn pul və alın təri və zəhmətlə qazanılan pul arasındakı yeganə fərq pulun qazanılma formasındadır. Bu da ancaq qazananı maraqlandırır, onunla əlaqədardır.
Qurani-Kərimin Bəqərə surəsinin 278-ci ayəsi həyata keçən faizin alınmamağını əmr edir. Lakin banklar alınmayan faizləri öz hesablarına qaytara bilməzlər. Onları başqa bir hesabda toplayaraq başqa yerlərə köçürürlər. Buna görə də bank faizləri sahibi bilinməyən mal hökmünə daxil olur. Bu halda alınıb kasıb və ehtiyacı olanlara verilməsi düzgün hesab edilir.
Qeyd edilməlidir ki, faiz almaq da, vermək də haramdır. Buna görə də içərisində faiz olan heç bir işə girməmək lazımdır.
Etiketlər: bank hesabı, faiz almaq, faiz pulu, faiz vermək, faizdən götürülən qazanc, kasıblar, təqvim
402 dəfə oxundu
Kateqoriyadakı digər yazılar:
Müsəlmanlar © 2004 | Bütün hüquqları qorunur. Materiallardan istifadə zamanı mütləq www.muselmanlar.com saytına istinad edilməlidir.